36 ותלד שׂרה אשׁת אדני בן לאדני אחרי זקנתה ויתן לו את כל אשׁר׃
Genesis 24:36 Cross References - HOT
Genesis 11:29-30
Genesis 17:15-19
15 ויאמר אלהים אל אברהם שׂרי אשׁתך לא תקרא את שׁמה שׂרי כי שׂרה שׁמה׃16 וברכתי אתה וגם נתתי ממנה לך בן וברכתיה והיתה לגוים מלכי עמים ממנה יהיו׃17 ויפל אברהם על פניו ויצחק ויאמר בלבו הלבן מאה שׁנה יולד ואם שׂרה הבת תשׁעים שׁנה תלד׃18 ויאמר אברהם אל האלהים לו ישׁמעאל יחיה לפניך׃19 ויאמר אלהים אבל שׂרה אשׁתך ילדת לך בן וקראת את שׁמו יצחק והקמתי את בריתי אתו לברית עולם לזרעו אחריו׃
Genesis 18:10-14
10 ויאמר שׁוב אשׁוב אליך כעת חיה והנה בן לשׂרה אשׁתך ושׂרה שׁמעת פתח האהל והוא אחריו׃11 ואברהם ושׂרה זקנים באים בימים חדל להיות לשׂרה ארח כנשׁים׃12 ותצחק שׂרה בקרבה לאמר אחרי בלתי היתה לי עדנה ואדני זקן׃13 ויאמר יהוה אל אברהם למה זה צחקה שׂרה לאמר האף אמנם אלד ואני זקנתי׃14 היפלא מיהוה דבר למועד אשׁוב אליך כעת חיה ולשׂרה בן׃
Genesis 21:1-7
1 ויהוה פקד את שׂרה כאשׁר אמר ויעשׂ יהוה לשׂרה כאשׁר דבר׃2 ותהר ותלד שׂרה לאברהם בן לזקניו למועד אשׁר דבר אתו אלהים׃3 ויקרא אברהם את שׁם בנו הנולד לו אשׁר ילדה לו שׂרה יצחק׃4 וימל אברהם את יצחק בנו בן שׁמנת ימים כאשׁר צוה אתו אלהים׃5 ואברהם בן מאת שׁנה בהולד לו את יצחק בנו׃6 ותאמר שׂרה צחק עשׂה לי אלהים כל השׁמע יצחק׃7 ותאמר מי מלל לאברהם היניקה בנים שׂרה כי ילדתי בן לזקניו׃
Genesis 21:10
10 ותאמר לאברהם גרשׁ האמה הזאת ואת בנה כי לא יירשׁ בן האמה הזאת עם בני עם יצחק׃
Genesis 25:5
5 ויתן אברהם את כל אשׁר לו ליצחק׃