Genesis 12:6 Cross References - HOT

⁶ ויעבר אברם בארץ עד מקום שׁכם עד אלון מורה והכנעני אז בארץ׃

Genesis 10:18-19

¹⁸ ואת הארודי ואת הצמרי ואת החמתי ואחר נפצו משׁפחות הכנעני׃¹⁹ ויהי גבול הכנעני מצידן באכה גררה עד עזה באכה סדמה ועמרה ואדמה וצבים עד לשׁע׃

Genesis 13:7

⁷ ויהי ריב בין רעי מקנה אברם ובין רעי מקנה לוט והכנעני והפרזי אז ישׁב בארץ׃

¹⁸ ביום ההוא כרת יהוה את אברם ברית לאמר לזרעך נתתי את הארץ הזאת מנהר מצרים עד הנהר הגדל נהר פרת׃¹⁹ את הקיני ואת הקנזי ואת הקדמני׃²⁰ ואת החתי ואת הפרזי ואת הרפאים׃²¹ ואת האמרי ואת הכנעני ואת הגרגשׁי ואת היבוסי׃

Genesis 33:18

¹⁸ ויבא יעקב שׁלם עיר שׁכם אשׁר בארץ כנען בבאו מפדן ארם ויחן את פני העיר׃

Genesis 34:2

² וירא אתה שׁכם בן חמור החוי נשׂיא הארץ ויקח אתה וישׁכב אתה ויענה׃

Genesis 35:4

⁴ ויתנו אל יעקב את כל אלהי הנכר אשׁר בידם ואת הנזמים אשׁר באזניהם ויטמן אתם יעקב תחת האלה אשׁר עם שׁכם׃

Deuteronomy 11:30

³⁰ הלא המה בעבר הירדן אחרי דרך מבוא השׁמשׁ בארץ הכנעני הישׁב בערבה מול הגלגל אצל אלוני מרה׃

Joshua 20:7

⁷ ויקדשׁו את קדשׁ בגליל בהר נפתלי ואת שׁכם בהר אפרים ואת קרית ארבע היא חברון בהר יהודה׃

Joshua 24:32

³² ואת עצמות יוסף אשׁר העלו בני ישׂראל ממצרים קברו בשׁכם בחלקת השׂדה אשׁר קנה יעקב מאת בני חמור אבי שׁכם במאה קשׂיטה ויהיו לבני יוסף לנחלה׃

Judges 7:1

¹ וישׁכם ירבעל הוא גדעון וכל העם אשׁר אתו ויחנו על עין חרד ומחנה מדין היה לו מצפון מגבעת המורה בעמק׃

Judges 9:1

¹ וילך אבימלך בן ירבעל שׁכמה אל אחי אמו וידבר אליהם ואל כל משׁפחת בית אבי אמו לאמר׃

1 Kings 12:1

¹ וילך רחבעם שׁכם כי שׁכם בא כל ישׂראל להמליך אתו׃