11 מן הארץ ההוא יצא אשׁור ויבן את נינוה ואת רחבת עיר ואת כלח׃
Genesis 10:11 Cross References - HOT
Numbers 24:22
22 כי אם יהיה לבער קין עד מה אשׁור תשׁבך׃
Numbers 24:24
24 וצים מיד כתים וענו אשׁור וענו עבר וגם הוא עדי אבד׃
2 Kings 19:36
36 ויסע וילך וישׁב סנחריב מלך אשׁור וישׁב בנינוה׃
Ezra 4:2
2 ויגשׁו אל זרבבל ואל ראשׁי האבות ויאמרו להם נבנה עמכם כי ככם נדרושׁ לאלהיכם ולא אנחנו זבחים מימי אסר חדן מלך אשׁור המעלה אתנו פה׃
Psalms 83:8
8 (83:9) גם אשׁור נלוה עמם היו זרוע לבני לוט סלה׃
Isaiah 37:37
37 ויסע וילך וישׁב סנחריב מלך אשׁור וישׁב בנינוה׃
Ezekiel 27:23
23 חרן וכנה ועדן רכלי שׁבא אשׁור כלמד רכלתך׃
Ezekiel 32:22
22 שׁם אשׁור וכל קהלה סביבותיו קברתיו כלם חללים הנפלים בחרב׃
Hosea 14:3
3 (14:4) אשׁור לא יושׁיענו על סוס לא נרכב ולא נאמר עוד אלהינו למעשׂה ידינו אשׁר בך ירחם יתום׃
Jonah 1:2
2 קום לך אל נינוה העיר הגדולה וקרא עליה כי עלתה רעתם לפני׃
Jonah 3:1-10
1 ויהי דבר יהוה אל יונה שׁנית לאמר׃2 קום לך אל נינוה העיר הגדולה וקרא אליה את הקריאה אשׁר אנכי דבר אליך׃3 ויקם יונה וילך אל נינוה כדבר יהוה ונינוה היתה עיר גדולה לאלהים מהלך שׁלשׁת ימים׃4 ויחל יונה לבוא בעיר מהלך יום אחד ויקרא ויאמר עוד ארבעים יום ונינוה נהפכת׃5 ויאמינו אנשׁי נינוה באלהים ויקראו צום וילבשׁו שׂקים מגדולם ועד קטנם׃6 ויגע הדבר אל מלך נינוה ויקם מכסאו ויעבר אדרתו מעליו ויכס שׂק וישׁב על האפר׃7 ויזעק ויאמר בנינוה מטעם המלך וגדליו לאמר האדם והבהמה הבקר והצאן אל יטעמו מאומה אל ירעו ומים אל ישׁתו׃8 ויתכסו שׂקים האדם והבהמה ויקראו אל אלהים בחזקה וישׁבו אישׁ מדרכו הרעה ומן החמס אשׁר בכפיהם׃9 מי יודע ישׁוב ונחם האלהים ושׁב מחרון אפו ולא נאבד׃10 וירא האלהים את מעשׂיהם כי שׁבו מדרכם הרעה וינחם האלהים על הרעה אשׁר דבר לעשׂות להם ולא עשׂה׃
Micah 5:6
6 (5:5) ורעו את ארץ אשׁור בחרב ואת ארץ נמרד בפתחיה והציל מאשׁור כי יבוא בארצנו וכי ידרך בגבולנו׃
Nahum 1:1
1 משׂא נינוה ספר חזון נחום האלקשׁי׃
Nahum 2:8
8 (2:9) ונינוה כברכת מים מימי היא והמה נסים עמדו עמדו ואין מפנה׃
Nahum 3:7
7 והיה כל ראיך ידוד ממך ואמר שׁדדה נינוה מי ינוד לה מאין אבקשׁ מנחמים׃
Zephaniah 2:13
13 ויט ידו על צפון ויאבד את אשׁור וישׂם את נינוה לשׁממה ציה כמדבר׃