Exodus 21:12 Cross References - HOT

12 מכה אישׁ ומת מות יומת׃

Genesis 9:6

6 שׁפך דם האדם באדם דמו ישׁפך כי בצלם אלהים עשׂה את האדם׃

Exodus 20:13

13 לא תרצח׃

Leviticus 24:17

17 ואישׁ כי יכה כל נפשׁ אדם מות יומת׃

Numbers 35:16-24

16 ואם בכלי ברזל הכהו וימת רצח הוא מות יומת הרצח׃17 ואם באבן יד אשׁר ימות בה הכהו וימת רצח הוא מות יומת הרצח׃18 או בכלי עץ יד אשׁר ימות בו הכהו וימת רצח הוא מות יומת הרצח׃19 גאל הדם הוא ימית את הרצח בפגעו בו הוא ימתנו׃20 ואם בשׂנאה יהדפנו או השׁליך עליו בצדיה וימת׃21 או באיבה הכהו בידו וימת מות יומת המכה רצח הוא גאל הדם ימית את הרצח בפגעו׃22 ואם בפתע בלא איבה הדפו או השׁליך עליו כל כלי בלא צדיה׃23 או בכל אבן אשׁר ימות בה בלא ראות ויפל עליו וימת והוא לא אויב לו ולא מבקשׁ רעתו׃24 ושׁפטו העדה בין המכה ובין גאל הדם על המשׁפטים האלה׃

Numbers 35:30-31

30 כל מכה נפשׁ לפי עדים ירצח את הרצח ועד אחד לא יענה בנפשׁ למות׃31 ולא תקחו כפר לנפשׁ רצח אשׁר הוא רשׁע למות כי מות יומת׃

Deuteronomy 19:11-13

11 וכי יהיה אישׁ שׂנא לרעהו וארב לו וקם עליו והכהו נפשׁ ומת ונס אל אחת הערים האל׃12 ושׁלחו זקני עירו ולקחו אתו משׁם ונתנו אתו ביד גאל הדם ומת׃13 לא תחוס עינך עליו ובערת דם הנקי מישׂראל וטוב׃

2 Samuel 12:13

13 ויאמר דוד אל נתן חטאתי ליהוה ויאמר נתן אל דוד גם יהוה העביר חטאתך לא תמות׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.