Exodus 11 Cross References HOT

¹ ויאמר יהוה אל משׁה עוד נגע אחד אביא על פרעה ועל מצרים אחרי כן ישׁלח אתכם מזה כשׁלחו כלה גרשׁ יגרשׁ אתכם מזה׃² דבר נא באזני העם וישׁאלו אישׁ מאת רעהו ואשׁה מאת רעותה כלי כסף וכלי זהב׃³ ויתן יהוה את חן העם בעיני מצרים גם האישׁ משׁה גדול מאד בארץ מצרים בעיני עבדי פרעה ובעיני העם׃⁴ ויאמר משׁה כה אמר יהוה כחצת הלילה אני יוצא בתוך מצרים׃⁵ ומת כל בכור בארץ מצרים מבכור פרעה הישׁב על כסאו עד בכור השׁפחה אשׁר אחר הרחים וכל בכור בהמה׃⁶ והיתה צעקה גדלה בכל ארץ מצרים אשׁר כמהו לא נהיתה וכמהו לא תסף׃⁷ ולכל בני ישׂראל לא יחרץ כלב לשׁנו למאישׁ ועד בהמה למען תדעון אשׁר יפלה יהוה בין מצרים ובין ישׂראל׃⁸ וירדו כל עבדיך אלה אלי והשׁתחוו לי לאמר צא אתה וכל העם אשׁר ברגליך ואחרי כן אצא ויצא מעם פרעה בחרי אף׃⁹ ויאמר יהוה אל משׁה לא ישׁמע אליכם פרעה למען רבות מופתי בארץ מצרים׃¹⁰ ומשׁה ואהרן עשׂו את כל המפתים האלה לפני פרעה ויחזק יהוה את לב פרעה ולא שׁלח את בני ישׂראל מארצו׃

Genesis 15:14

¹⁴ וגם את הגוי אשׁר יעבדו דן אנכי ואחרי כן יצאו ברכשׁ גדול׃

Exodus 3:20

²⁰ ושׁלחתי את ידי והכיתי את מצרים בכל נפלאתי אשׁר אעשׂה בקרבו ואחרי כן ישׁלח אתכם׃

Exodus 9:14

¹⁴ כי בפעם הזאת אני שׁלח את כל מגפתי אל לבך ובעבדיך ובעמך בעבור תדע כי אין כמני בכל הארץ׃

Exodus 12:31-39

³¹ ויקרא למשׁה ולאהרן לילה ויאמר קומו צאו מתוך עמי גם אתם גם בני ישׂראל ולכו עבדו את יהוה כדברכם׃³² גם צאנכם גם בקרכם קחו כאשׁר דברתם ולכו וברכתם גם אתי׃³³ ותחזק מצרים על העם למהר לשׁלחם מן הארץ כי אמרו כלנו מתים׃³⁴ וישׂא העם את בצקו טרם יחמץ משׁארתם צררת בשׂמלתם על שׁכמם׃³⁵ ובני ישׂראל עשׂו כדבר משׁה וישׁאלו ממצרים כלי כסף וכלי זהב ושׂמלת׃³⁶ ויהוה נתן את חן העם בעיני מצרים וישׁאלום וינצלו את מצרים׃³⁷ ויסעו בני ישׂראל מרעמסס סכתה כשׁשׁ מאות אלף רגלי הגברים לבד מטף׃³⁸ וגם ערב רב עלה אתם וצאן ובקר מקנה כבד מאד׃³⁹ ויאפו את הבצק אשׁר הוציאו ממצרים עגת מצות כי לא חמץ כי גרשׁו ממצרים ולא יכלו להתמהמה וגם צדה לא עשׂו׃

Leviticus 26:21

²¹ ואם תלכו עמי קרי ולא תאבו לשׁמע לי ויספתי עליכם מכה שׁבע כחטאתיכם׃

Deuteronomy 4:34

³⁴ או הנסה אלהים לבוא לקחת לו גוי מקרב גוי במסת באתת ובמופתים ובמלחמה וביד חזקה ובזרוע נטויה ובמוראים גדלים ככל אשׁר עשׂה לכם יהוה אלהיכם במצרים לעיניך׃

1 Samuel 6:4

⁴ ויאמרו מה האשׁם אשׁר נשׁיב לו ויאמרו מספר סרני פלשׁתים חמשׁה עפלי זהב וחמשׁה עכברי זהב כי מגפה אחת לכלם ולסרניכם׃

Job 10:17

¹⁷ תחדשׁ עדיך נגדי ותרב כעשׂך עמדי חליפות וצבא עמי׃

Genesis 31:9

Exodus 3:22

²² ושׁאלה אשׁה משׁכנתה ומגרת ביתה כלי כסף וכלי זהב ושׂמלת ושׂמתם על בניכם ועל בנתיכם ונצלתם את מצרים׃

Exodus 12:1-2

¹ ויאמר יהוה אל משׁה ואל אהרן בארץ מצרים לאמר׃² החדשׁ הזה לכם ראשׁ חדשׁים ראשׁון הוא לכם לחדשׁי השׁנה׃

Exodus 12:35-36

³⁵ ובני ישׂראל עשׂו כדבר משׁה וישׁאלו ממצרים כלי כסף וכלי זהב ושׂמלת׃³⁶ ויהוה נתן את חן העם בעיני מצרים וישׁאלום וינצלו את מצרים׃

Exodus 32:2-4

² ויאמר אלהם אהרן פרקו נזמי הזהב אשׁר באזני נשׁיכם בניכם ובנתיכם והביאו אלי׃³ ויתפרקו כל העם את נזמי הזהב אשׁר באזניהם ויביאו אל אהרן׃⁴ ויקח מידם ויצר אתו בחרט ויעשׂהו עגל מסכה ויאמרו אלה אלהיך ישׂראל אשׁר העלוך מארץ מצרים׃

Exodus 32:24

²⁴ ואמר להם למי זהב התפרקו ויתנו לי ואשׁלכהו באשׁ ויצא העגל הזה׃

Exodus 35:22

²² ויבאו האנשׁים על הנשׁים כל נדיב לב הביאו חח ונזם וטבעת וכומז כל כלי זהב וכל אישׁ אשׁר הניף תנופת זהב ליהוה׃

Job 27:16-17

¹⁶ אם יצבר כעפר כסף וכחמר יכין מלבושׁ׃¹⁷ יכין וצדיק ילבשׁ וכסף נקי יחלק׃

Psalms 24:1

¹ לדוד מזמור ליהוה הארץ ומלואה תבל וישׁבי׃

Psalms 105:37

³⁷ ויוציאם בכסף וזהב ואין בשׁבטיו כושׁל׃

Proverbs 13:22

²² טוב ינחיל בני בנים וצפון לצדיק חיל חוטא׃

Ezekiel 16:10-13

¹⁰ ואלבישׁך רקמה ואנעלך תחשׁ ואחבשׁך בשׁשׁ ואכסך משׁי׃¹¹ ואעדך עדי ואתנה צמידים על ידיך ורביד על גרונך׃¹² ואתן נזם על אפך ועגילים על אזניך ועטרת תפארת בראשׁך׃¹³ ותעדי זהב וכסף ומלבושׁך שׁשׁי ומשׁי ורקמה סלת ודבשׁ ושׁמן אכלתי ותיפי במאד מאד ותצלחי למלוכה׃

Haggai 2:8

Genesis 12:2

² ואעשׂך לגוי גדול ואברכך ואגדלה שׁמך והיה ברכה׃

Genesis 39:21

²¹ ויהי יהוה את יוסף ויט אליו חסד ויתן חנו בעיני שׂר בית הסהר׃

Exodus 3:21

²¹ ונתתי את חן העם הזה בעיני מצרים והיה כי תלכון לא תלכו ריקם׃

Exodus 12:36

³⁶ ויהוה נתן את חן העם בעיני מצרים וישׁאלום וינצלו את מצרים׃

Deuteronomy 34:11

¹¹ לכל האתת והמופתים אשׁר שׁלחו יהוה לעשׂות בארץ מצרים לפרעה ולכל עבדיו ולכל ארצו׃

2 Samuel 7:9

⁹ ואהיה עמך בכל אשׁר הלכת ואכרתה את כל איביך מפניך ועשׂתי לך שׁם גדול כשׁם הגדלים אשׁר בארץ׃

Esther 9:4

⁴ כי גדול מרדכי בבית המלך ושׁמעו הולך בכל המדינות כי האישׁ מרדכי הולך וגדול׃

Psalms 106:46

Isaiah 60:14

¹⁴ והלכו אליך שׁחוח בני מעניך והשׁתחוו על כפות רגליך כל מנאציך וקראו לך עיר יהוה ציון קדושׁ ישׂראל׃

Exodus 12:12

¹² ועברתי בארץ מצרים בלילה הזה והכיתי כל בכור בארץ מצרים מאדם ועד בהמה ובכל אלהי מצרים אעשׂה שׁפטים אני יהוה׃

Exodus 12:23

²³ ועבר יהוה לנגף את מצרים וראה את הדם על המשׁקוף ועל שׁתי המזוזת ופסח יהוה על הפתח ולא יתן המשׁחית לבא אל בתיכם לנגף׃

Exodus 12:29

²⁹ ויהי בחצי הלילה ויהוה הכה כל בכור בארץ מצרים מבכר פרעה הישׁב על כסאו עד בכור השׁבי אשׁר בבית הבור וכל בכור בהמה׃

2 Samuel 5:24

²⁴ ויהי בשׁמעך את קול צעדה בראשׁי הבכאים אז תחרץ כי אז יצא יהוה לפניך להכות במחנה פלשׁתים׃

Job 34:20

²⁰ רגע ימתו וחצות לילה יגעשׁו עם ויעברו ויסירו אביר לא ביד׃

Psalms 60:10

¹⁰ (60:12) הלא אתה אלהים זנחתנו ולא תצא אלהים בצבאותינו׃

Isaiah 42:13

¹³ יהוה כגבור יצא כאישׁ מלחמות יעיר קנאה יריע אף יצריח על איביו יתגבר׃

Amos 4:10

¹⁰ שׁלחתי בכם דבר בדרך מצרים הרגתי בחרב בחוריכם עם שׁבי סוסיכם ואעלה באשׁ מחניכם ובאפכם ולא שׁבתם עדי נאם יהוה׃

Amos 5:17

¹⁷ ובכל כרמים מספד כי אעבר בקרבך אמר יהוה׃

Micah 2:13

¹³ עלה הפרץ לפניהם פרצו ויעברו שׁער ויצאו בו ויעבר מלכם לפניהם ויהוה בראשׁם׃

Exodus 4:23

²³ ואמר אליך שׁלח את בני ויעבדני ותמאן לשׁלחו הנה אנכי הרג את בנך בכרך׃

Exodus 13:15

¹⁵ ויהי כי הקשׁה פרעה לשׁלחנו ויהרג יהוה כל בכור בארץ מצרים מבכר אדם ועד בכור בהמה על כן אני זבח ליהוה כל פטר רחם הזכרים וכל בכור בני אפדה׃

Judges 16:21

²¹ ויאחזוהו פלשׁתים וינקרו את עיניו ויורידו אותו עזתה ויאסרוהו בנחשׁתים ויהי טוחן בבית האסירים׃

Psalms 78:51

⁵¹ ויך כל בכור במצרים ראשׁית אונים באהלי חם׃

Psalms 105:36

Psalms 135:8

Psalms 136:10

¹⁰ למכה מצרים בבכוריהם כי לעולם חסדו׃

Isaiah 47:2

² קחי רחים וטחני קמח גלי צמתך חשׂפי שׁבל גלי שׁוק עברי נהרות׃

Lamentations 5:13

¹³ בחורים טחון נשׂאו ונערים בעץ כשׁלו׃

Exodus 3:7

⁷ ויאמר יהוה ראה ראיתי את עני עמי אשׁר במצרים ואת צעקתם שׁמעתי מפני נגשׂיו כי ידעתי את מכאביו׃

Exodus 12:30

³⁰ ויקם פרעה לילה הוא וכל עבדיו וכל מצרים ותהי צעקה גדלה במצרים כי אין בית אשׁר אין שׁם מת׃

Proverbs 21:13

¹³ אטם אזנו מזעקת דל גם הוא יקרא ולא יענה׃

Isaiah 15:4-5

⁴ ותזעק חשׁבון ואלעלה עד יהץ נשׁמע קולם על כן חלצי מואב יריעו נפשׁו ירעה׃⁵ לבי למואב יזעק בריחה עד צער עגלת שׁלשׁיה כי מעלה הלוחית בבכי יעלה בו כי דרך חורנים זעקת שׁבר יעערו׃

Isaiah 15:8

⁸ כי הקיפה הזעקה את גבול מואב עד אגלים יללתה ובאר אילים יללתה׃

Jeremiah 31:15

¹⁵ כה אמר יהוה קול ברמה נשׁמע נהי בכי תמרורים רחל מבכה על בניה מאנה להנחם על בניה כי איננו׃

Lamentations 3:8

Zephaniah 1:10

¹⁰ והיה ביום ההוא נאם יהוה קול צעקה משׁער הדגים ויללה מן המשׁנה ושׁבר גדול מהגבעות׃

Exodus 7:22

²² ויעשׂו כן חרטמי מצרים בלטיהם ויחזק לב פרעה ולא שׁמע אלהם כאשׁר דבר יהוה׃

Exodus 8:22

²² (8:18) והפליתי ביום ההוא את ארץ גשׁן אשׁר עמי עמד עליה לבלתי היות שׁם ערב למען תדע כי אני יהוה בקרב הארץ׃

Exodus 9:4

⁴ והפלה יהוה בין מקנה ישׂראל ובין מקנה מצרים ולא ימות מכל לבני ישׂראל דבר׃

Exodus 10:23

²³ לא ראו אישׁ את אחיו ולא קמו אישׁ מתחתיו שׁלשׁת ימים ולכל בני ישׂראל היה אור במושׁבתם׃

Joshua 10:21

²¹ וישׁבו כל העם אל המחנה אל יהושׁע מקדה בשׁלום לא חרץ לבני ישׂראל לאישׁ את לשׁנו׃

Job 5:16

Malachi 3:18

¹⁸ ושׁבתם וראיתם בין צדיק לרשׁע בין עבד אלהים לאשׁר לא עבדו׃

Exodus 12:31-33

Numbers 12:3

³ והאישׁ משׁה ענו מאד מכל האדם אשׁר על פני האדמה׃

Deuteronomy 29:24

²⁴ (29:23) ואמרו כל הגוים על מה עשׂה יהוה ככה לארץ הזאת מה חרי האף הגדול הזה׃

Deuteronomy 32:24

²⁴ מזי רעב ולחמי רשׁף וקטב מרירי ושׁן בהמת אשׁלח בם עם חמת זחלי עפר׃

Judges 4:10

¹⁰ ויזעק ברק את זבולן ואת נפתלי קדשׁה ויעל ברגליו עשׂרת אלפי אישׁ ותעל עמו דבורה׃

Judges 8:5

⁵ ויאמר לאנשׁי סכות תנו נא ככרות לחם לעם אשׁר ברגלי כי עיפים הם ואנכי רדף אחרי זבח וצלמנע מלכי מדין׃

1 Kings 20:10

¹⁰ וישׁלח אליו בן הדד ויאמר כה יעשׂון לי אלהים וכה יוספו אם ישׂפק עפר שׁמרון לשׁעלים לכל העם אשׁר ברגלי׃

2 Kings 3:9

⁹ וילך מלך ישׂראל ומלך יהודה ומלך אדום ויסבו דרך שׁבעת ימים ולא היה מים למחנה ולבהמה אשׁר ברגליהם׃

Psalms 6:1

¹ למנצח בנגינות על השׁמינית מזמור לדוד׃ (6:2) יהוה אל באפך תוכיחני ואל בחמתך תיסרני׃

Isaiah 49:23

²³ והיו מלכים אמניך ושׂרותיהם מיניקתיך אפים ארץ ישׁתחוו לך ועפר רגליך ילחכו וידעת כי אני יהוה אשׁר לא יבשׁו קוי׃

Isaiah 49:26

²⁶ והאכלתי את מוניך את בשׂרם וכעסיס דמם ישׁכרון וידעו כל בשׂר כי אני יהוה מושׁיעך וגאלך אביר יעקב׃

Ezekiel 3:14

¹⁴ ורוח נשׂאתני ותקחני ואלך מר בחמת רוחי ויד יהוה עלי חזקה׃

Daniel 3:19

¹⁹ באדין נבוכדנצר התמלי חמא וצלם אנפוהי אשׁתנו על שׁדרך מישׁך ועבד נגו ענה ואמר למזא לאתונא חד שׁבעה על די חזה למזיה׃

Exodus 3:19

¹⁹ ואני ידעתי כי לא יתן אתכם מלך מצרים להלך ולא ביד חזקה׃

Exodus 7:3-4

³ ואני אקשׁה את לב פרעה והרביתי את אתתי ואת מופתי בארץ מצרים׃⁴ ולא ישׁמע אלכם פרעה ונתתי את ידי במצרים והוצאתי את צבאתי את עמי בני ישׂראל מארץ מצרים בשׁפטים גדלים׃

Exodus 10:1

¹ ויאמר יהוה אל משׁה בא אל פרעה כי אני הכבדתי את לבו ואת לב עבדיו למען שׁתי אתתי אלה בקרבו׃

Exodus 4:21

²¹ ויאמר יהוה אל משׁה בלכתך לשׁוב מצרימה ראה כל המפתים אשׁר שׂמתי בידך ועשׂיתם לפני פרעה ואני אחזק את לבו ולא ישׁלח את העם׃

Exodus 7:13-14

¹³ ויחזק לב פרעה ולא שׁמע אלהם כאשׁר דבר יהוה׃¹⁴ ויאמר יהוה אל משׁה כבד לב פרעה מאן לשׁלח העם׃

Exodus 10:20

²⁰ ויחזק יהוה את לב פרעה ולא שׁלח את בני ישׂראל׃

Exodus 10:27

²⁷ ויחזק יהוה את לב פרעה ולא אבה לשׁלחם׃

Deuteronomy 2:30

³⁰ ולא אבה סיחן מלך חשׁבון העברנו בו כי הקשׁה יהוה אלהיך את רוחו ואמץ את לבבו למען תתו בידך כיום הזה׃

1 Samuel 6:6

⁶ ולמה תכבדו את לבבכם כאשׁר כבדו מצרים ופרעה את לבם הלוא כאשׁר התעלל בהם וישׁלחום וילכו׃

Job 9:4

⁴ חכם לבב ואמיץ כח מי הקשׁה אליו וישׁלם׃

Exodus 11 Cross References - HOT