Daniel 3:17 Cross References - HOT

17 הן איתי אלהנא די אנחנא פלחין יכל לשׁיזבותנא מן אתון נורא יקדתא ומן ידך מלכא ישׁיזב׃

Genesis 17:1

1 ויהי אברם בן תשׁעים שׁנה ותשׁע שׁנים וירא יהוה אל אברם ויאמר אליו אני אל שׁדי התהלך לפני והיה תמים׃

Genesis 18:14

14 היפלא מיהוה דבר למועד אשׁוב אליך כעת חיה ולשׂרה בן׃

1 Samuel 17:37

37 ויאמר דוד יהוה אשׁר הצלני מיד הארי ומיד הדב הוא יצילני מיד הפלשׁתי הזה ויאמר שׁאול אל דוד לך ויהוה יהיה עמך׃

1 Samuel 17:46

46 היום הזה יסגרך יהוה בידי והכיתך והסרתי את ראשׁך מעליך ונתתי פגר מחנה פלשׁתים היום הזה לעוף השׁמים ולחית הארץ וידעו כל הארץ כי ישׁ אלהים לישׂראל׃

Job 5:19

19 בשׁשׁ צרות יצילך ובשׁבע לא יגע בך רע׃

Job 34:29

29 והוא ישׁקט ומי ירשׁע ויסתר פנים ומי ישׁורנו ועל גוי ועל אדם יחד׃

Psalms 18:10-11

10 (18:11) וירכב על כרוב ויעף וידא על כנפי רוח׃11 (18:12) ישׁת חשׁך סתרו סביבותיו סכתו חשׁכת מים עבי שׁחקים׃

Psalms 27:1-2

1 לדוד יהוה אורי וישׁעי ממי אירא יהוה מעוז חיי ממי אפחד׃2 בקרב עלי מרעים לאכל את בשׂרי צרי ואיבי לי המה כשׁלו ונפלו׃

Psalms 62:1-6

1 למנצח על ידותון מזמור לדוד׃ (62:2) אך אל אלהים דומיה נפשׁי ממנו ישׁועתי׃2 (62:3) אך הוא צורי וישׁועתי משׂגבי לא אמוט רבה׃3 (62:4) עד אנה תהותתו על אישׁ תרצחו כלכם כקיר נטוי גדר הדחויה׃4 (62:5) אך משׂאתו יעצו להדיח ירצו כזב בפיו יברכו ובקרבם יקללו סלה׃5 (62:6) אך לאלהים דומי נפשׁי כי ממנו תקותי׃6 (62:7) אך הוא צורי וישׁועתי משׂגבי לא אמוט׃

Psalms 73:20

20 כחלום מהקיץ אדני בעיר צלמם תבזה׃

Psalms 115:3

3 ואלהינו בשׁמים כל אשׁר חפץ עשׂה׃

Psalms 121:5-7

5 יהוה שׁמרך יהוה צלך על יד ימינך׃6 יומם השׁמשׁ לא יככה וירח בלילה׃7 יהוה ישׁמרך מכל רע ישׁמר את נפשׁך׃

Isaiah 12:2

2 הנה אל ישׁועתי אבטח ולא אפחד כי עזי וזמרת יה יהוה ויהי לי לישׁועה׃

Isaiah 26:3-4

3 יצר סמוך תצר שׁלום שׁלום כי בך בטוח׃4 בטחו ביהוה עדי עד כי ביה יהוה צור עולמים׃

Isaiah 54:14

14 בצדקה תכונני רחקי מעשׁק כי לא תיראי וממחתה כי לא תקרב אליך׃

Jeremiah 1:8

8 אל תירא מפניהם כי אתך אני להצלך נאם יהוה׃

Daniel 4:35

35 (4:32) וכל דארי ארעא כלה חשׁיבין וכמצביה עבד בחיל שׁמיא ודארי ארעא ולא איתי די ימחא בידה ויאמר לה מה עבדת׃

Daniel 6:20-22

20 (6:21) וכמקרבה לגבא לדניאל בקל עציב זעק ענה מלכא ואמר לדניאל דניאל עבד אלהא חיא אלהך די אנתה פלח לה בתדירא היכל לשׁיזבותך מן אריותא׃21 (6:22) אדין דניאל עם מלכא מלל מלכא לעלמין חיי׃22 (6:23) אלהי שׁלח מלאכה וסגר פם אריותא ולא חבלוני כל קבל די קדמוהי זכו השׁתכחת לי ואף קדמיך מלכא חבולה לא עבדת׃

Daniel 6:27

27 (6:28) משׁיזב ומצל ועבד אתין ותמהין בשׁמיא ובארעא די שׁיזיב לדניאל מן יד אריותא׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.