1 בן עשׂרים וחמשׁ שׁנה יותם במלכו ושׁשׁ עשׂרה שׁנה מלך בירושׁלם ושׁם אמו ירושׁה בת צדוק׃
2 Chronicles 27:1 Cross References - HOT
2 Kings 15:32-38
32 בשׁנת שׁתים לפקח בן רמליהו מלך ישׂראל מלך יותם בן עזיהו מלך יהודה׃33 בן עשׂרים וחמשׁ שׁנה היה במלכו ושׁשׁ עשׂרה שׁנה מלך בירושׁלם ושׁם אמו ירושׁא בת צדוק׃34 ויעשׂ הישׁר בעיני יהוה ככל אשׁר עשׂה עזיהו אביו עשׂה׃35 רק הבמות לא סרו עוד העם מזבחים ומקטרים בבמות הוא בנה את שׁער בית יהוה העליון׃36 ויתר דברי יותם אשׁר עשׂה הלא הם כתובים על ספר דברי הימים למלכי יהודה׃37 בימים ההם החל יהוה להשׁליח ביהודה רצין מלך ארם ואת פקח בן רמליהו׃38 וישׁכב יותם עם אבתיו ויקבר עם אבתיו בעיר דוד אביו וימלך אחז בנו תחתיו׃
1 Chronicles 3:12
12 אמציהו בנו עזריה בנו יותם בנו׃
Isaiah 1:1
1 חזון ישׁעיהו בן אמוץ אשׁר חזה על יהודה וירושׁלם בימי עזיהו יותם אחז יחזקיהו מלכי יהודה׃
Hosea 1:1
1 דבר יהוה אשׁר היה אל הושׁע בן בארי בימי עזיה יותם אחז יחזקיה מלכי יהודה ובימי ירבעם בן יואשׁ מלך ישׂראל׃
Micah 1:1
1 דבר יהוה אשׁר היה אל מיכה המרשׁתי בימי יותם אחז יחזקיה מלכי יהודה אשׁר חזה על שׁמרון וירושׁלם׃