2 Chronicles 24:18 Cross References - HOT

¹⁸ ויעזבו את בית יהוה אלהי אבותיהם ויעבדו את האשׁרים ואת העצבים ויהי קצף על יהודה וירושׁלם באשׁמתם זאת׃

Exodus 34:13

¹³ כי את מזבחתם תתצון ואת מצבתם תשׁברון ואת אשׁריו תכרתון׃

Joshua 22:20

²⁰ הלוא עכן בן זרח מעל מעל בחרם ועל כל עדת ישׂראל היה קצף והוא אישׁ אחד לא גוע בעונו׃

Judges 5:8

⁸ יבחר אלהים חדשׁים אז לחם שׁערים מגן אם יראה ורמח בארבעים אלף בישׂראל׃

2 Samuel 24:1

¹ ויסף אף יהוה לחרות בישׂראל ויסת את דוד בהם לאמר לך מנה את ישׂראל ואת יהודה׃

1 Kings 11:4-5

⁴ ויהי לעת זקנת שׁלמה נשׁיו הטו את לבבו אחרי אלהים אחרים ולא היה לבבו שׁלם עם יהוה אלהיו כלבב דויד אביו׃⁵ וילך שׁלמה אחרי עשׁתרת אלהי צדנים ואחרי מלכם שׁקץ עמנים׃

1 Kings 14:9

⁹ ותרע לעשׂות מכל אשׁר היו לפניך ותלך ותעשׂה לך אלהים אחרים ומסכות להכעיסני ואתי השׁלכת אחרי גוך׃

1 Kings 14:23

²³ ויבנו גם המה להם במות ומצבות ואשׁרים על כל גבעה גבהה ותחת כל עץ רענן׃

2 Chronicles 19:2

² ויצא אל פניו יהוא בן חנני החזה ויאמר אל המלך יהושׁפט הלרשׁע לעזר ולשׂנאי יהוה תאהב ובזאת עליך קצף מלפני יהוה׃

2 Chronicles 21:13

¹³ ותלך בדרך מלכי ישׂראל ותזנה את יהודה ואת ישׁבי ירושׁלם כהזנות בית אחאב וגם את אחיך בית אביך הטובים ממך הרגת׃

2 Chronicles 24:4

⁴ ויהי אחריכן היה עם לב יואשׁ לחדשׁ את בית יהוה׃

2 Chronicles 28:13

¹³ ויאמרו להם לא תביאו את השׁביה הנה כי לאשׁמת יהוה עלינו אתם אמרים להסיף על חטאתינו ועל אשׁמתינו כי רבה אשׁמה לנו וחרון אף על ישׂראל׃

2 Chronicles 29:8

⁸ ויהי קצף יהוה על יהודה וירושׁלם ויתנם לזועה לשׁמה ולשׁרקה כאשׁר אתם ראים בעיניכם׃

2 Chronicles 32:25

²⁵ ולא כגמל עליו השׁיב יחזקיהו כי גבה לבו ויהי עליו קצף ועל יהודה וירושׁלם׃

³ וישׁב ויבן את הבמות אשׁר נתץ יחזקיהו אביו ויקם מזבחות לבעלים ויעשׂ אשׁרות וישׁתחו לכל צבא השׁמים ויעבד אתם׃⁴ ובנה מזבחות בבית יהוה אשׁר אמר יהוה בירושׁלם יהיה שׁמי לעולם׃⁵ ויבן מזבחות לכל צבא השׁמים בשׁתי חצרות בית יהוה׃⁶ והוא העביר את בניו באשׁ בגי בן הנם ועונן ונחשׁ וכשׁף ועשׂה אוב וידעוני הרבה לעשׂות הרע בעיני יהוה להכעיסו׃⁷ וישׂם את פסל הסמל אשׁר עשׂה בבית האלהים אשׁר אמר אלהים אל דויד ואל שׁלמה בנו בבית הזה ובירושׁלם אשׁר בחרתי מכל שׁבטי ישׂראל אשׂים את שׁמי לעילום׃

2 Chronicles 36:14-16

¹⁴ גם כל שׂרי הכהנים והעם הרבו למעול מעל ככל תעבות הגוים ויטמאו את בית יהוה אשׁר הקדישׁ בירושׁלם׃¹⁵ וישׁלח יהוה אלהי אבותיהם עליהם ביד מלאכיו השׁכם ושׁלוח כי חמל על עמו ועל מעונו׃¹⁶ ויהיו מלעבים במלאכי האלהים ובוזים דבריו ומתעתעים בנבאיו עד עלות חמת יהוה בעמו עד לאין מרפא׃