1 Kings 10:1 Cross References - HOT

1 ומלכת שׁבא שׁמעת את שׁמע שׁלמה לשׁם יהוה ותבא לנסתו בחידות׃

Genesis 10:7

7 ובני כושׁ סבא וחוילה וסבתה ורעמה וסבתכא ובני רעמה שׁבא ודדן׃

Genesis 10:28

28 ואת עובל ואת אבימאל ואת שׁבא׃

Genesis 25:3

3 ויקשׁן ילד את שׁבא ואת דדן ובני דדן היו אשׁורם ולטושׁם ולאמים׃

Judges 14:12-14

12 ויאמר להם שׁמשׁון אחודה נא לכם חידה אם הגד תגידו אותה לי שׁבעת ימי המשׁתה ומצאתם ונתתי לכם שׁלשׁים סדינים ושׁלשׁים חלפת בגדים׃13 ואם לא תוכלו להגיד לי ונתתם אתם לי שׁלשׁים סדינים ושׁלשׁים חליפות בגדים ויאמרו לו חודה חידתך ונשׁמענה׃14 ויאמר להם מהאכל יצא מאכל ומעז יצא מתוק ולא יכלו להגיד החידה שׁלשׁת ימים׃

1 Kings 4:31

31 (5:11) ויחכם מכל האדם מאיתן האזרחי והימן וכלכל ודרדע בני מחול ויהי שׁמו בכל הגוים סביב׃

1 Kings 4:34

34 (5:14) ויבאו מכל העמים לשׁמע את חכמת שׁלמה מאת כל מלכי הארץ אשׁר שׁמעו את חכמתו׃

2 Chronicles 9:1-12

1 ומלכת שׁבא שׁמעה את שׁמע שׁלמה ותבוא לנסות את שׁלמה בחידות בירושׁלם בחיל כבד מאד וגמלים נשׂאים בשׂמים וזהב לרב ואבן יקרה ותבוא אל שׁלמה ותדבר עמו את כל אשׁר היה עם לבבה׃2 ויגד לה שׁלמה את כל דבריה ולא נעלם דבר משׁלמה אשׁר לא הגיד׃3 ותרא מלכת שׁבא את חכמת שׁלמה והבית אשׁר בנה׃4 ומאכל שׁלחנו ומושׁב עבדיו ומעמד משׁרתיו ומלבושׁיהם ומשׁקיו ומלבושׁיהם ועליתו אשׁר יעלה בית יהוה ולא היה עוד בה רוח׃5 ותאמר אל המלך אמת הדבר אשׁר שׁמעתי בארצי על דבריך ועל חכמתך׃6 ולא האמנתי לדבריהם עד אשׁר באתי ותראינה עיני והנה לא הגד לי חצי מרבית חכמתך יספת על השׁמועה אשׁר שׁמעתי׃7 אשׁרי אנשׁיך ואשׁרי עבדיך אלה העמדים לפניך תמיד ושׁמעים את חכמתך׃8 יהי יהוה אלהיך ברוך אשׁר חפץ בך לתתך על כסאו למלך ליהוה אלהיך באהבת אלהיך את ישׂראל להעמידו לעולם ויתנך עליהם למלך לעשׂות משׁפט וצדקה׃9 ותתן למלך מאה ועשׂרים ככר זהב ובשׂמים לרב מאד ואבן יקרה ולא היה כבשׂם ההוא אשׁר נתנה מלכת שׁבא למלך שׁלמה׃10 וגם עבדי חירם ועבדי שׁלמה אשׁר הביאו זהב מאופיר הביאו עצי אלגומים ואבן יקרה׃11 ויעשׂ המלך את עצי האלגומים מסלות לבית יהוה ולבית המלך וכנרות ונבלים לשׁרים ולא נראו כהם לפנים בארץ יהודה׃12 והמלך שׁלמה נתן למלכת שׁבא את כל חפצה אשׁר שׁאלה מלבד אשׁר הביאה אל המלך ותהפך ותלך לארצה היא ועבדיה׃

Job 6:19

19 הביטו ארחות תמא הליכת שׁבא קוו׃

Job 28:28

28 ויאמר לאדם הן יראת אדני היא חכמה וסור מרע בינה׃

Psalms 49:4

4 (49:5) אטה למשׁל אזני אפתח בכנור חידתי׃

Psalms 72:10

10 מלכי תרשׁישׁ ואיים מנחה ישׁיבו מלכי שׁבא וסבא אשׁכר יקריבו׃

Psalms 72:15

15 ויחי ויתן לו מזהב שׁבא ויתפלל בעדו תמיד כל היום יברכנהו׃

Proverbs 1:5-6

5 ישׁמע חכם ויוסף לקח ונבון תחבלות יקנה׃6 להבין משׁל ומליצה דברי חכמים וחידתם׃

Proverbs 2:3-6

3 כי אם לבינה תקרא לתבונה תתן קולך׃4 אם תבקשׁנה ככסף וכמטמונים תחפשׂנה׃5 אז תבין יראת יהוה ודעת אלהים תמצא׃6 כי יהוה יתן חכמה מפיו דעת ותבונה׃

Isaiah 60:6

6 שׁפעת גמלים תכסך בכרי מדין ועיפה כלם משׁבא יבאו זהב ולבונה ישׂאו ותהלת יהוה יבשׂרו׃

Jeremiah 6:20

20 למה זה לי לבונה משׁבא תבוא וקנה הטוב מארץ מרחק עלותיכם לא לרצון וזבחיכם לא ערבו׃

Ezekiel 27:22-23

22 רכלי שׁבא ורעמה המה רכליך בראשׁ כל בשׂם ובכל אבן יקרה וזהב נתנו עזבוניך׃23 חרן וכנה ועדן רכלי שׁבא אשׁור כלמד רכלתך׃

Ezekiel 38:13

13 שׁבא ודדן וסחרי תרשׁישׁ וכל כפריה יאמרו לך הלשׁלל שׁלל אתה בא הלבז בז הקהלת קהלך לשׂאת כסף וזהב לקחת מקנה וקנין לשׁלל שׁלל גדול׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.