5 ויחלקום בגורלות אלה עם אלה כי היו שׂרי קדשׁ ושׂרי האלהים מבני אלעזר ובבני איתמר׃
1 Chronicles 24:5 Cross References - HOT
Joshua 18:10
10 וישׁלך להם יהושׁע גורל בשׁלה לפני יהוה ויחלק שׁם יהושׁע את הארץ לבני ישׂראל כמחלקתם׃
1 Chronicles 9:11
11 ועזריה בן חלקיה בן משׁלם בן צדוק בן מריות בן אחיטוב נגיד בית האלהים׃
1 Chronicles 24:31
31 ויפילו גם הם גורלות לעמת אחיהם בני אהרן לפני דויד המלך וצדוק ואחימלך וראשׁי האבות לכהנים וללוים אבות הראשׁ לעמת אחיו הקטן׃
2 Chronicles 35:8
8 ושׂריו לנדבה לעם לכהנים וללוים הרימו חלקיה וזכריהו ויחיאל נגידי בית האלהים לכהנים נתנו לפסחים אלפים ושׁשׁ מאות ובקר שׁלשׁ מאות׃
Nehemiah 11:11
11 שׂריה בן חלקיה בן משׁלם בן צדוק בן מריות בן אחיטוב נגד בית האלהים׃
Proverbs 16:33
33 בחיק יוטל את הגורל ומיהוה כל משׁפטו׃
Jonah 1:7
7 ויאמרו אישׁ אל רעהו לכו ונפילה גורלות ונדעה בשׁלמי הרעה הזאת לנו ויפלו גורלות ויפל הגורל על יונה׃