1 ויהי לעת תשׁובת השׁנה לעת צאת המלכים וינהג יואב את חיל הצבא וישׁחת את ארץ בני עמון ויבא ויצר את רבה ודויד ישׁב בירושׁלם ויך יואב את רבה ויהרסה׃2 ויקח דויד את עטרת מלכם מעל ראשׁו וימצאה משׁקל ככר זהב ובה אבן יקרה ותהי על ראשׁ דויד ושׁלל העיר הוציא הרבה מאד׃3 ואת העם אשׁר בה הוציא וישׂר במגרה ובחריצי הברזל ובמגרות וכן יעשׂה דויד לכל ערי בני עמון וישׁב דויד וכל העם ירושׁלם׃4 ויהי אחריכן ותעמד מלחמה בגזר עם פלשׁתים אז הכה סבכי החשׁתי את ספי מילדי הרפאים ויכנעו׃5 ותהי עוד מלחמה את פלשׁתים ויך אלחנן בן יעור את לחמי אחי גלית הגתי ועץ חניתו כמנור ארגים׃6 ותהי עוד מלחמה בגת ויהי אישׁ מדה ואצבעתיו שׁשׁ ושׁשׁ עשׂרים וארבע וגם הוא נולד להרפא׃7 ויחרף את ישׂראל ויכהו יהונתן בן שׁמעא אחי דויד׃8 אל נולדו להרפא בגת ויפלו ביד דויד וביד עבדיו׃
1 Chronicles 20 Cross References - HOT
Deuteronomy 3:11
11 כי רק עוג מלך הבשׁן נשׁאר מיתר הרפאים הנה ערשׂו ערשׂ ברזל הלה הוא ברבת בני עמון תשׁע אמות ארכה וארבע אמות רחבה באמת אישׁ׃
2 Samuel 11:1
1 ויהי לתשׁובת השׁנה לעת צאת המלאכים וישׁלח דוד את יואב ואת עבדיו עמו ואת כל ישׂראל וישׁחתו את בני עמון ויצרו על רבה ודוד יושׁב בירושׁלם׃
2 Samuel 11:16-25
16 ויהי בשׁמור יואב אל העיר ויתן את אוריה אל המקום אשׁר ידע כי אנשׁי חיל שׁם׃17 ויצאו אנשׁי העיר וילחמו את יואב ויפל מן העם מעבדי דוד וימת גם אוריה החתי׃18 וישׁלח יואב ויגד לדוד את כל דברי המלחמה׃19 ויצו את המלאך לאמר ככלותך את כל דברי המלחמה לדבר אל המלך׃20 והיה אם תעלה חמת המלך ואמר לך מדוע נגשׁתם אל העיר להלחם הלוא ידעתם את אשׁר ירו מעל החומה׃21 מי הכה את אבימלך בן ירבשׁת הלוא אשׁה השׁליכה עליו פלח רכב מעל החומה וימת בתבץ למה נגשׁתם אל החומה ואמרת גם עבדך אוריה החתי מת׃22 וילך המלאך ויבא ויגד לדוד את כל אשׁר שׁלחו יואב׃23 ויאמר המלאך אל דוד כי גברו עלינו האנשׁים ויצאו אלינו השׂדה ונהיה עליהם עד פתח השׁער׃24 ויראו המוראים אל עבדך מעל החומה וימותו מעבדי המלך וגם עבדך אוריה החתי מת׃25 ויאמר דוד אל המלאך כה תאמר אל יואב אל ירע בעיניך את הדבר הזה כי כזה וכזה תאכל החרב החזק מלחמתך אל העיר והרסה וחזקהו׃
2 Samuel 12:26-31
26 וילחם יואב ברבת בני עמון וילכד את עיר המלוכה׃27 וישׁלח יואב מלאכים אל דוד ויאמר נלחמתי ברבה גם לכדתי את עיר המים׃28 ועתה אסף את יתר העם וחנה על העיר ולכדה פן אלכד אני את העיר ונקרא שׁמי עליה׃29 ויאסף דוד את כל העם וילך רבתה וילחם בה וילכדה׃30 ויקח את עטרת מלכם מעל ראשׁו ומשׁקלה ככר זהב ואבן יקרה ותהי על ראשׁ דוד ושׁלל העיר הוציא הרבה מאד׃31 ואת העם אשׁר בה הוציא וישׂם במגרה ובחרצי הברזל ובמגזרת הברזל והעביר אותם במלכן וכן יעשׂה לכל ערי בני עמון וישׁב דוד וכל העם ירושׁלם׃
2 Samuel 17:27
27 ויהי כבוא דוד מחנימה ושׁבי בן נחשׁ מרבת בני עמון ומכיר בן עמיאל מלא דבר וברזלי הגלעדי מרגלים׃
1 Kings 20:22
22 ויגשׁ הנביא אל מלך ישׂראל ויאמר לו לך התחזק ודע וראה את אשׁר תעשׂה כי לתשׁובת השׁנה מלך ארם עלה עליך׃
1 Kings 20:26
26 ויהי לתשׁובת השׁנה ויפקד בן הדד את ארם ויעל אפקה למלחמה עם ישׂראל׃
2 Kings 13:20
20 וימת אלישׁע ויקברהו וגדודי מואב יבאו בארץ בא שׁנה׃
Isaiah 6:11
11 ואמר עד מתי אדני ויאמר עד אשׁר אם שׁאו ערים מאין יושׁב ובתים מאין אדם והאדמה תשׁאה שׁממה׃
Isaiah 54:16
16 הן אנכי בראתי חרשׁ נפח באשׁ פחם ומוציא כלי למעשׂהו ואנכי בראתי משׁחית לחבל׃
Jeremiah 49:2-3
Ezekiel 21:20
20 (21:25) דרך תשׂים לבוא חרב את רבת בני עמון ואת יהודה בירושׁלם בצורה׃
Ezekiel 25:5
5 ונתתי את רבה לנוה גמלים ואת בני עמון למרבץ צאן וידעתם כי אני יהוה׃
Amos 1:14
14 והצתי אשׁ בחומת רבה ואכלה ארמנותיה בתרועה ביום מלחמה בסער ביום סופה׃
2 Samuel 8:11-12
1 Chronicles 18:11
11 גם אתם הקדישׁ המלך דויד ליהוה עם הכסף והזהב אשׁר נשׂא מכל הגוים מאדום וממואב ומבני עמון ומפלשׁתים ומעמלק׃
Exodus 1:14
14 וימררו את חייהם בעבדה קשׁה בחמר ובלבנים ובכל עבדה בשׂדה את כל עבדתם אשׁר עבדו בהם בפרך׃
Joshua 9:23
23 ועתה ארורים אתם ולא יכרת מכם עבד וחטבי עצים ושׁאבי מים לבית אלהי׃
Judges 8:6-7
Judges 8:16-17
2 Samuel 12:31
31 ואת העם אשׁר בה הוציא וישׂם במגרה ובחרצי הברזל ובמגזרת הברזל והעביר אותם במלכן וכן יעשׂה לכל ערי בני עמון וישׁב דוד וכל העם ירושׁלם׃
1 Kings 9:21
21 בניהם אשׁר נתרו אחריהם בארץ אשׁר לא יכלו בני ישׂראל להחרימם ויעלם שׁלמה למס עבד עד היום הזה׃
1 Chronicles 19:2-5
2 ויאמר דויד אעשׂה חסד עם חנון בן נחשׁ כי עשׂה אביו עמי חסד וישׁלח דויד מלאכים לנחמו על אביו ויבאו עבדי דויד אל ארץ בני עמון אל חנון לנחמו׃3 ויאמרו שׂרי בני עמון לחנון המכבד דויד את אביך בעיניך כי שׁלח לך מנחמים הלא בעבור לחקר ולהפך ולרגל הארץ באו עבדיו אליך׃4 ויקח חנון את עבדי דויד ויגלחם ויכרת את מדויהם בחצי עד המפשׂעה וישׁלחם׃5 וילכו ויגידו לדויד על האנשׁים וישׁלח לקראתם כי היו האנשׁים נכלמים מאד ויאמר המלך שׁבו בירחו עד אשׁר יצמח זקנכם ושׁבתם׃
Psalms 21:8-9
Joshua 12:12
12 מלך עגלון אחד מלך גזר אחד׃
Joshua 16:3
3 וירד ימה אל גבול היפלטי עד גבול בית חורן תחתון ועד גזר והיו תצאתו ימה׃
2 Samuel 21:15
15 ותהי עוד מלחמה לפלשׁתים את ישׂראל וירד דוד ועבדיו עמו וילחמו את פלשׁתים ויעף דוד׃
2 Samuel 21:18-22
18 ויהי אחרי כן ותהי עוד המלחמה בגוב עם פלשׁתים אז הכה סבכי החשׁתי את סף אשׁר בילדי הרפה׃19 ותהי עוד המלחמה בגוב עם פלשׁתים ויך אלחנן בן יערי ארגים בית הלחמי את גלית הגתי ועץ חניתו כמנור ארגים׃20 ותהי עוד מלחמה בגת ויהי אישׁ מדין ואצבעת ידיו ואצבעות רגליו שׁשׁ ושׁשׁ עשׂרים וארבע מספר וגם הוא ילד להרפה׃21 ויחרף את ישׂראל ויכהו יהונתן בן שׁמעי אחי דוד׃22 את ארבעת אלה ילדו להרפה בגת ויפלו ביד דוד וביד עבדיו׃
1 Chronicles 11:29
29 סבכי החשׁתי עילי האחוחי׃
1 Samuel 17:4
4 ויצא אישׁ הבנים ממחנות פלשׁתים גלית שׁמו מגת גבהו שׁשׁ אמות וזרת׃
1 Samuel 17:7
7 וחץ חניתו כמנור ארגים ולהבת חניתו שׁשׁ מאות שׁקלים ברזל ונשׂא הצנה הלך לפניו׃
1 Samuel 21:9
9 (21:10) ויאמר הכהן חרב גלית הפלשׁתי אשׁר הכית בעמק האלה הנה היא לוטה בשׂמלה אחרי האפוד אם אתה תקח לך קח כי אין אחרת זולתה בזה ויאמר דוד אין כמוה תננה׃
1 Samuel 22:10
10 וישׁאל לו ביהוה וצידה נתן לו ואת חרב גלית הפלשׁתי נתן׃
2 Samuel 21:19
1 Samuel 16:9
9 ויעבר ישׁי שׁמה ויאמר גם בזה לא בחר יהוה׃
1 Samuel 17:10
10 ויאמר הפלשׁתי אני חרפתי את מערכות ישׂראל היום הזה תנו לי אישׁ ונלחמה יחד׃
1 Samuel 17:26
26 ויאמר דוד אל האנשׁים העמדים עמו לאמר מה יעשׂה לאישׁ אשׁר יכה את הפלשׁתי הלז והסיר חרפה מעל ישׂראל כי מי הפלשׁתי הערל הזה כי חרף מערכות אלהים חיים׃
1 Samuel 17:36
36 גם את הארי גם הדוב הכה עבדך והיה הפלשׁתי הערל הזה כאחד מהם כי חרף מערכת אלהים חיים׃
1 Chronicles 2:13
13 ואישׁי הוליד את בכרו את אליאב ואבינדב השׁני ושׁמעא השׁלישׁי׃
Isaiah 37:23
23 את מי חרפת וגדפת ועל מי הרימותה קול ותשׂא מרום עיניך אל קדושׁ ישׂראל׃
Joshua 14:12
12 ועתה תנה לי את ההר הזה אשׁר דבר יהוה ביום ההוא כי אתה שׁמעת ביום ההוא כי ענקים שׁם וערים גדלות בצרות אולי יהוה אותי והורשׁתים כאשׁר דבר יהוה׃
Ecclesiastes 9:11
11 שׁבתי וראה תחת השׁמשׁ כי לא לקלים המרוץ ולא לגבורים המלחמה וגם לא לחכמים לחם וגם לא לנבנים עשׁר וגם לא לידעים חן כי עת ופגע יקרה את כלם׃
Jeremiah 9:23
23 (9:22) כה אמר יהוה אל יתהלל חכם בחכמתו ואל יתהלל הגבור בגבורתו אל יתהלל עשׁיר בעשׁרו׃