Job 13:3 Cross References - Clementine_Vulgate

³ Sed tamen ad Omnipotentem loquar, et disputare cum Deo cupio:

³ Si voluerit contendere cum eo, non poterit ei respondere unum pro mille.

¹⁴ Quantus ergo sum ego, ut respondeam ei, et loquar verbis meis cum eo? ¹⁵ qui etiam si habuero quippiam justum, non respondebo: sed meum judicem deprecabor.

³⁴ Auferat a me virgam suam, et pavor ejus non me terreat. ³⁵ Loquar, et non timebo eum; neque enim possum metuens respondere.]

⁵ Atque utinam Deus loqueretur tecum, et aperiret labia sua tibi,

¹⁵ Etiam si occiderit me, in ipso sperabo: verumtamen vias meas in conspectu ejus arguam.

²² Voca me, et ego respondebo tibi: aut certe loquar, et tu responde mihi.

³ Quis mihi tribuat ut cognoscam et inveniam illum, et veniam usque ad solium ejus? ⁴ Ponam coram eo judicium, et os meum replebo increpationibus: ⁵ ut sciam verba quæ mihi respondeat, et intelligam quid loquatur mihi. ⁶ Nolo multa fortitudine contendat mecum, nec magnitudinis suæ mole me premat. ⁷ Proponat æquitatem contra me, et perveniat ad victoriam judicium meum.

³⁵ Quis mihi tribuat auditorem, ut desiderium meum audiat Omnipotens, et librum scribat ipse qui judicat,

¹⁸ [Et venite, et arguite me, dicit Dominus. Si fuerint peccata vestra ut coccinum, quasi nix dealbabuntur; et si fuerint rubra quasi vermiculus, velut lana alba erunt. ¹⁹ Si volueritis, et audieritis me, bona terræ comeditis. ²⁰ Quod si nolueritis, et me ad iracundiam provocaveritis, gladius devorabit vos, quia os Domini locutum est.

²¹ Prope facite judicium vestrum, dicit Dominus; Afferte, si quid forte habetis, dicit rex Jacob.

¹ [Justus quidem tu es, Domine, si disputem tecum: verumtamen justa loquar ad te: Quare via impiorum prosperatur; bene est omnibus qui prævaricantur et inique agunt? ² Plantasti eos, et radicem miserunt: proficiunt, et faciunt fructum: prope es tu ori eorum, et longe a renibus eorum.

² Audiant montes judicium Domini, et fortia fundamenta terræ; quia judicium Domini cum populo suo, et cum Israël dijudicabitur.