1 Kings 1:1 Cross References - Clementine_Vulgate

¹ Et rex David senuerat, habebatque ætatis plurimos dies: cumque operiretur vestibus, non calefiebat.

¹¹ Erant autem ambo senes, provectæque ætatis, et desierant Saræ fieri muliebria.

¹ Erat autem Abraham senex, dierumque multorum: et Dominus in cunctis benedixerat ei.

¹ Evoluto autem multo tempore, postquam pacem dederat Dominus Israëli, subjectis in gyro nationibus universis, et Josue jam longævo, et persenilis ætatis, ² vocavit Josue omnem Israëlem, majoresque natu, et principes ac duces, et magistros, dixitque ad eos: Ego senui, et progressioris ætatis sum:

⁴ Filius triginta annorum erat David cum regnare cœpisset, et quadraginta annis regnavit.

¹ Igitur David, senex et plenus dierum, regem constituit Salomonem filium suum super Israël.

²⁷ Et dies quibus regnavit super Israël, fuerunt quadraginta anni: in Hebron regnavit septem annis, et in Jerusalem annis triginta tribus. ²⁸ Et mortuus est in senectute bona, plenus dierum, et divitiis, et gloria: et regnavit Salomon filius ejus pro eo.

¹⁰ Non accedet ad te malum, et flagellum non appropinquabit tabernaculo tuo.

⁷ Et non erat illis filius, eo quod esset Elisabeth sterilis, et ambo processissent in diebus suis.