Wycliffe(i)
1 The foure and nyntithe salm. Come ye, make we ful out ioie to the Lord; hertli synge we to God, oure heelthe.
2 Bifore ocupie we his face in knowleching; and hertli synge we to him in salmes.
3 For God is a greet Lord, and a greet king aboue alle goddis; for the Lord schal not putte awei his puple.
4 For alle the endis of erthe ben in his hond; and the hiynesses of hillis ben hise.
5 For the see is his, and he made it; and hise hondis formeden the drie lond.