Psalms 38:4-8 Myn herte was hoot with ynne me; and fier schal brenne out in my thenkyng.

Wycliffe⁽ⁱ⁾ ⁴ Myn herte was hoot with ynne me; and fier schal brenne out in my thenkyng. ⁵ I spak in my tunge; Lord, make thou myn eende knowun to me. And the noumbre of my daies what it is; that Y wite, what failith to me. ⁶ Lo! thou hast set my daies mesurable; and my substaunce is as nouyt bifor thee. Netheles al vanytee; ech man lyuynge. ⁷ Netheles a man passith in ymage; but also he is disturblid veynli. He tresorith; and he noot, to whom he `schal gadere tho thingis. ⁸ And now which is myn abiding? whether not the Lord? and my substaunce is at thee.