Genesis 24:5-9 The seruaunt aunswerde, If the womman nyle come with me in to this lond, whether Y owe lede ayen thi sone to the place, fro which thou yedist out?

Wycliffe⁽ⁱ⁾ ⁵ The seruaunt aunswerde, If the womman nyle come with me in to this lond, whether Y owe lede ayen thi sone to the place, fro which thou yedist out? ⁶ Abraham seide, Be war, lest ony tyme thou lede ayen thidur my sone; ⁷ the Lord of heuene that took me fro the hows of my fadir, and fro the lond of my birthe, which spak to me, and swoor, and seide, Y schal yyue this lond to thi seed, he schal sende his aungel bifore thee, and thou schalt take fro thennus a wijf to my sone; forsothe if the womman nyle sue thee, ⁸ thou schalt not be holdun bi the ooth; netheles lede not ayen my sone thidur. ⁹ Therfore the seruaunt puttide his hond vndur the hipe of Abraham, his lord, and swoor to him on this word.