Daniel 5:22-23 And thou, Balthasar, the sone of hym, mekidest not thin herte, whanne thou knewist alle these thingis;

Wycliffe⁽ⁱ⁾ ²² And thou, Balthasar, the sone of hym, mekidest not thin herte, whanne thou knewist alle these thingis; ²³ but thou were reisid ayens the Lord of heuene, and the vessels of his hous weren brouyt bifore thee, and thou, and thi beste men, and thi wyues, and thi concubyns, drunken wyn in tho vessels; and thou heriedist goddis of siluer, and of gold, and of bras, and of irun, and of tree, and of stoon, that seen not, nether heren, nether feelen; certis thou glorifiedist not God, that hath thi blast, and alle thi weies in his hond.