2 Corinthians 9:5-11 Therfor Y gesside necessarie to preie britheren, that thei come bifore to you, and make redi this bihiyt blessyng to be redi, so as blessing, and not as aueryce.

Wycliffe⁽ⁱ⁾ ⁵ Therfor Y gesside necessarie to preie britheren, that thei come bifore to you, and make redi this bihiyt blessyng to be redi, so as blessing, and not as aueryce. ⁶ For Y seie this thing, he that sowith scarseli, schal also repe scarseli; and he that sowith in blessyngis, schal `repe also of blessyngis. ⁷ Ech man as he castide in his herte, not of heuynesse, or of nede; for God loueth a glad yyuere. ⁸ And God is miyti to make al grace abounde in you, that ye in alle thingis euere more han al sufficience, and abounde in to al good werk; ⁹ as it is writun, He delide abrood, he yaf to pore men, his riytwisnesse dwellith withouten ende. ¹⁰ And he that mynystrith seed to the sowere, schal yyue also breed to ete, and he schal multiplie youre seed, and make myche the encreessingis of fruytis of youre riytwisnesse; ¹¹ that in alle thingis ye maad riche waxen plenteuouse in to al symplenesse, which worchith bi vs doing of thankingis to God.