Psalms 46:5-11 Perëndia është në mes të tij, ai nuk do të luajë nga vendi; Perëndia do ta ndihmojë në dritat e para të mëngjesit.

Albanian⁽ⁱ⁾ ⁵ Perëndia është në mes të tij, ai nuk do të luajë nga vendi; Perëndia do ta ndihmojë në dritat e para të mëngjesit. ⁶ Kombet do të ziejnë, mbretëritë do të tronditen; ai dërgoi jashtë zërin e tij, toka u shkri. ⁷ Zoti i ushtrive është me ne; Perëndia i Jakobit është streha jonë. (Sela) ⁸ Ejani dhe admironi veprat e Zotit, që ka bërë mrekulli mbi tokë. ⁹ Ai bën që të pushojnë luftërat deri në skajet e tokës; ai prish harqet dhe thyen shtizat, dhe djeg qerret me zjarr. ¹⁰ Ndaluni dhe pranoni që jam Perëndi; do të ngrihem lart midis kombeve, do të ngrihem lart mbi tokë. ¹¹ Zoti i ushtrive është me ne; Perëndia i Jakobit është streha jonë. (Sela)