Bible verses about "surrender" | Wycliffe

²³ Lord, Y woot, that the weie of a man is not of hym, nether it is of a man that he go, and dresse hise steppis.

³⁹ And he yede forth a litil, and felde doun on his face, preiynge, and seiynge, My fader, if it is possible, passe this cuppe fro me; netheles not as Y wole, but as thou wolt.

²³ And he seide to alle, If ony wole come aftir me, denye he hym silf, and take he his cross euery dai, and sue he me. ²⁴ For he that wole make his lijf saaf schal leese it; and he that leesith his lijf for me, schal make it saaf.

¹⁹ Whether ye witen not, that youre membris ben the temple of the Hooli Goost, that is in you, whom ye han of God, and ye ben not youre owne? ²⁰ For ye ben bouyt with greet prijs. Glorifie ye, and bere ye God in youre bodi.

⁵ And fele ye this thing in you, which also in Crist Jhesu; ⁶ that whanne he was in the forme of God, demyde not raueyn, that hym silf were euene to God; ⁷ but he lowide hym silf, takinge the forme of a seruaunt, and was maad in to the licknesse of men, and in abite was foundun as a man. ⁸ He mekide hym silf, and was maad obedient to the deth, yhe, to the deth of the cross.

²⁰ And now lyue not Y, but Crist lyueth in me. But that Y lyue now in fleisch, Y lyue in the feith of Goddis sone, that louede me, and yaf hym silf for me.

²⁶ My sone, yyue thin herte to me, and thin iyen kepe my weyes.

¹ Therfore, britheren, Y biseche you bi the mercy of God, that ye yyue youre bodies a lyuynge sacrifice, hooli, plesynge to God, and youre seruyse resonable.

⁶ Therfor be ye mekid vndir the myyti hoond of God, that he reise you in the tyme of visitacioun, ⁷ and caste ye al youre bisynesse in to hym, for to hym is cure of you. ⁸ Be ye sobre, and wake ye, for youre aduersarie, the deuel, as a rorynge lioun goith aboute, sechinge whom he schal deuoure. ⁹ Whom ayenstonde ye, stronge in the feith, witynge that the same passioun is maad to thilke brithirhode of you, that is in the world. ¹⁰ And God of al grace, that clepide you in to his euerlastinge glorie, you suffrynge a litil, he schal performe, and schal conferme, and schal make sad.

³⁵ And whanne he was gon forth a litil, he felde doun on the erthe, and preiede, that if it myyte be, that the our schulde passe fro hym. ³⁶ And he seide, Abba, fadir, alle thingis ben possible to thee, bere ouer fro me this cuppe; but not that Y wole, but that thou wolt, be don.

¹ Y am a very vyne, and my fadir is an erthe tilier. ² Ech braunch in me that berith not fruyt, he schal take awey it; and ech that berith fruyt, he schal purge it, that it bere the more fruyt. ³ Now ye ben clene, for the word that Y haue spokun to you. ⁴ Dwelle ye in me, and Y in you; as a braunche may not make fruyt of it silf, but it dwelle in the vyne, so nether ye, but ye dwelle in me. ⁵ Y am a vyne, ye the braunchis. Who that dwellith in me, and Y in hym, this berith myche fruyt, for with outen me ye moun no thing do. ⁶ If ony man dwellith not in me, he schal be caste out as a braunche, and schal wexe drie; and thei schulen gadere hym, and thei schulen caste hym in to the fier, and he brenneth. ⁷ If ye dwellen in me, and my wordis dwelle in you, what euer thing ye wolen, ye schulen axe, and it schal be don to you.

¹⁰ Be ye mekid in the siyt of the Lord, and he schal enhaunse you.

² And nyle ye be confourmyd to this world, but be ye reformed in newnesse of youre wit, that ye preue which is the wille of God, good, and wel plesynge, and parfit.

⁷ Therfor be ye suget to God; but withstonde ye the deuel, and he schal fle fro you.