Bible verses about "remembering" | Wycliffe

¹ The `title of the seuene and seuentithe salm. The lernyng of Asaph. Mi puple, perseyue ye my lawe; bowe youre eere in to the wordis of my mouth. <sup>2</sup> I schal opene my mouth in parablis; Y schal speke perfite resouns fro the bigynnyng. <sup>3</sup> Hou grete thingis han we herd, aud we han knowe tho; and oure fadris. telden to vs. <sup>4</sup> Tho ben not hid fro the sones of hem; in anothir generacioun. And thei telden the heriyngis of the Lord, and the vertues of hym; and hise merueilis, whyche he dide. <sup>5</sup> And he reiside witnessyng in Jacob; and he settide lawe in Israel. Hou grete thingis comaundide he to oure fadris, to make tho knowun to her sones; <sup>6</sup> that another generacioun knowe. Sones, that schulen be born, and schulen rise vp; schulen telle out to her sones. <sup>7</sup> That thei sette her hope in God, and foryete not the werkis of God; and that thei seke hise comaundementis. <sup>8</sup> Lest thei be maad a schrewid generacioun; and terrynge to wraththe, as the fadris of hem. A generacioun that dresside not his herte; and his spirit was not bileued with God. <sup>9</sup> The sones of Effraym, bendinge a bouwe and sendynge arowis; weren turned in the dai of batel. <sup>10</sup> Thei kepten not the testament of God; and thei nolden go in his lawe. <sup>11</sup> And thei foryaten hise benefices; and hise merueils, whiche he schewide to hem. <sup>12</sup> He dide merueils bifore the fadris of hem in the loond of Egipt; in the feeld of Taphneos. <sup>13</sup> He brak the see, and ledde hem thorou; and he ordeynede the watris as in a bouge. <sup>14</sup> And he ledde hem forth in a cloude of the dai; and al niyt in the liytnyng of fier. <sup>15</sup> He brak a stoon in deseert; and he yaf watir to hem as in a myche depthe. <sup>16</sup> And he ledde watir out of the stoon; and he ledde forth watris as floodis. <sup>17</sup> And thei `leiden to yit to do synne ayens hym; thei excitiden hiye God in to ire, in a place with out water. ¹⁸ And thei temptiden God in her hertis; that thei axiden meetis to her lyues. ¹⁹ And thei spaken yuel of God; thei seiden, Whether God may make redi a bord in desert? ²⁰ For he smoot a stoon, and watris flowiden; and streemys yeden out in aboundaunce. Whether also he may yyue breed; ether make redi a bord to his puple?

¹ Thei souyten me, that axiden not bifore; thei that souyten not me, founden me. Y seide, Lo! Y, lo! Y, to hethene men that knewen not me, and that clepiden not mi name to help. ² I stretchide forth myn hondis al dai to a puple vnbileueful, that goith in a weie not good, aftir her thouytis. ³ It is a puple that stirith me to wrathfulnesse, euere bifore my face; whiche offren in gardyns, and maken sacrifice on tiel stoonys; ⁴ whiche dwellen in sepulcris, and slepen in the templis of idols; whiche eten swynes fleisch, and vnhooli iwisch is in the vessels of hem; ⁵ whiche seien to an hethene man, Go thou awei fro me, neiy thou not to me, for thou art vncleene; these schulen be smoke in my stronge veniaunce, fier brennynge al dai. ⁶ Lo! it is writun bifore me; Y schal not be stille, but Y schal yelde, and Y schal quyte in to the bosum of hem youre wickidnessis, ⁷ and the wickidnessis of youre fadris togidere, seith the Lord, whiche maden sacrifice on mounteyns, and diden schenschipe to me on litle hillis; and Y schal mete ayen the firste werk of hem in her bosum. ⁸ The Lord seith thes thingis, As if a grape be foundun in a clustre, and it be seid, Distrie thou not it, for it is blessyng; so Y schal do for my seruantis, that Y leese not al. ⁹ And Y schal lede out of Jacob seed, and of Juda a man hauynge in possessioun myn hooli hillis; and my chosun men schulen enherite it, and my seruauntis schulen dwelle there. ¹⁰ And the feeldi places schulen be into floodis of flockis, and the valei of Achar in to a restyng place of droues of neet, to my puple that souyten me. ¹¹ And Y schal noumbre you in swerd, that forsoken the Lord, that foryaten myn hooli hil, whiche setten a boord to fortune, and maken sacrifice theronne, ¹² and alle ye schulen falle bi sleyng; for that that Y clepide, and ye answeriden not; Y spak, and ye herden not; and ye diden yuel bifor myn iyen, and ye chesiden tho thingis whiche Y nolde. ¹³ For these thingis, the Lord God seith these thingis, Lo! my seruauntis schulen ete, and ye schulen haue hungur; lo! my seruauntis schulen drynke, and ye schulen be thirsti; ¹⁴ lo! my seruauntis schulen be glad, and ye schulen be aschamed; lo! my seruauntis schulen herie, for the ful ioie of herte, and ye schulen crie, for the sorewe of herte, and ye schulen yelle, for desolacioun of spirit. ¹⁵ And ye schulen leeue youre name in to an ooth to my chosun men; and the Lord God schal sle thee, and he schal clepe hise seruauntis bi another name. ¹⁶ In which he that is blessid on erthe, schal be blessid in God amen; and he that swerith in erthe, shal swere in God feithfuli; for the formere angwischis ben youun to foryetyng, and for tho ben hid fro youre iyen. ¹⁷ For lo! Y make newe heuenes and a newe erthe, and the formere thingis schulen not be in mynde, and schulen not stie on the herte. ¹⁸ But ye schulen haue ioie, and make ful out ioiyng til in to with outen ende, in these thingis whiche Y make; for lo! Y make Jerusalem ful out ioiynge, and the puple therof ioie. ¹⁹ And Y schal make ful out ioiyng in Jerusalem, and Y schal haue ioie in my puple; and the vois of weping and the vois of cry schal no more be herd ther ynne. ²⁰ A yong child of daies schal no more be there, and an eld man that fillith not hise daies; for whi a child of an hundrid yeer schal die, and a synnere of an hundrid yeer schal be cursid. ²¹ And thei schulen bilde housis, and schulen enhabite hem, and thei schulen plaunte vynes, and schulen ete the fruytis of tho. ²² Thei schulen not bilde housis, and an othir schal enhabite hem, thei schulen not plaunte, and an othir schal ete; for whi the daies of my puple schulen be after the daies of the tree, and the werkis of ²³ her hondis schulen be elde to my chosun men. Thei schulen not trauele in veyn, nether thei schulen gendre in disturblyng; for it is the seed of hem that ben blessid of the Lord, and the cosyns of hem ben with hem. ²⁴ And it schal be, bifor that thei crien, Y schal here; yit while thei speken, Y schal here. ²⁵ A wolf and a lomb schulen be fed togidere, and a lioun and an oxe schulen ete stree, and to a serpent dust schal be his breed; thei schulen not anoie, nether schulen sle, in al myn hooli hil, seith the Lord.

⁶³ and seiden, Sir, we han mynde, that thilke giloure seide yit lyuynge, Aftir thre daies Y schal rise ayen to lijf.

¹⁹ And whanne he hadde take breed, he dide thankyngis, and brak, and yaf to hem, and seide, This is my bodi, that schal be youun for you; do ye this thing in mynde of me.

²⁵ These thingis Y haue spokun to you, dwellynge among you; but thilke Hooli Goost,

¹ James, the seruaunt of God, and of oure Lord Jhesu Crist, to the twelue kinredis, that ben in scatering abrood, helthe. ² My britheren, deme ye al ioye, whanne ye fallen in to diuerse temptaciouns, witynge, ³ that the preuyng of youre feith worchith pacience; ⁴ and pacience hath a perfit werk, that ye be perfit and hole, and faile in no thing. ⁵ And if ony of you nedith wisdom, axe he of God, which yyueth to alle men largeli, and vpbreidith not; and it schal be youun to hym. ⁶ But axe he in feith, and doute no thing; for he that doutith, is lijk to a wawe of the see, which is moued and borun a boute of wynde. ⁷ Therfor gesse not the ilke man, that he schal take ony thing of the Lord. ⁸ A man dowble in soule is vnstable in alle hise weies. ⁹ And a meke brother haue glorie in his enhaunsyng, ¹⁰ and a riche man in his lownesse; for as the flour of gras he schal passe. ¹¹ The sunne roos vp with heete, and driede the gras, and the flour of it felde doun, and the fairnesse of his chere perischide; and so a riche man welewith in hise weies. ¹² Blessid is the man, that suffrith temptacioun; for whanne he schal be preued, he schal resseyue the coroun of lijf, which God biheyte to men that louen hym. ¹³ No man whanne he is temptid, seie, that he is temptid of God; for whi God is not a temptere of yuele thingis, for he temptith no man. ¹⁴ But ech man is temptid, drawun and stirid of his owne coueiting. ¹⁵ Aftirward coueityng, whanne it hath conseyued, bringith forth synne; but synne, whanne it is fillid, gendrith deth. ¹⁶ Therfor, my most dereworthe britheren, nyle ye erre. ¹⁷ Ech good yifte, and ech perfit yifte is from aboue, and cometh doun fro the fadir of liytis, anentis whom is noon other chaungyng, ne ouerschadewyng of reward. ¹⁸ For wilfulli he bigat vs bi the word of treuthe, that we be a bigynnyng of his creature. ¹⁹ Wite ye, my britheren moost loued, be ech man swift to here, but slow to speke, and slow to wraththe; ²⁰ for the wraththe of man worchith not the riytwisnesse of God. ²¹ For which thing caste ye awei al vnclennesse, and plentee of malice, and in myldenesse resseyue ye the word that is plauntid, that may saue youre soulis. ²² But be ye doeris of the word, and not hereris oneli, disseiuynge you silf. ²³ For if ony man is an herere of the word, and not a doere, this schal be licned to a man that biholdith the cheer of his birthe in a mirour; ²⁴ for he bihelde hym silf, and wente awei, and anoon he foryat which he was. ²⁵ But he that biholdith in the lawe of perfit fredom, and dwellith in it, and is not maad a foryetful herere, but a doere of werk, this schal be blessid in his dede. ²⁶ And if ony man gessith hym silf to be religiouse, and refreyneth not his tunge, but disseyueth his herte, the religioun of him is veyn. ²⁷ A clene religioun, and an vnwemmed anentis God and the fadir, is this, to visite fadirles and modirles children, and widewis in her tribulacioun, and to kepe hym silf vndefoulid fro this world.

⁹ Lo! Y comaunde to thee; be thou coumfortid, and be thou strong; nyle thou drede `withoutforth, and nyle thou drede withynne; for thi Lord God is with thee in alle thingis, to whiche thou goost.

⁹ Bithenke ye on the formere world, for Y am God, and no God is ouer me, nether is lijk me.

¹⁵ And oure Lord Jhesu Crist him silf, and God oure fadir, which louyde vs, and yaf euerlastinge coumfort and good hope in grace, stire youre hertis,

²⁵ Also the cuppe, aftir that he hadde soupid, and seide, This cuppe is the newe testament in my blood; do ye this thing, as ofte as ye schulen drynke, in to my mynde.

¹⁵ Whether a womman may foryete hir yonge child, that sche haue not merci on the sone of hir wombe? thouy sche foryetith, netheles Y schal not foryete thee. ¹⁶ Lo! Y haue write thee in myn hondis; thi wallis ben euer bifore myn iyen.

¹ Haue thou mynde on thi creatour in the daies of thi yongthe, bifore that the tyme of thi turment come, and the yeris of thi deth neiye, of whiche thou schalt seie, Tho plesen not me.

⁵ Therfor be thou myndeful fro whennus thou hast falle, and do penaunce, and do the firste werkis; ether ellis, Y come soone to thee, and Y schal moue thi candilstike fro his place, but `thou do penaunce.

²⁴ took breed, and dide thankyngis, and brak, and seide, Take ye, and ete ye; this is my bodi, which schal be bitraied for you; do ye this thing in to my mynde.

³⁵ Alle these thingis Y schewide to you, for so it bihoueth men trauelinge to resseyue sike men, and to haue mynde of the `word of the Lord Jhesu; for he seide, It is more blesful to yyue, than to resseyue.

² And thou schalt haue mynde of al the weie, bi which thi Lord God ledde thee by fourti yeer, bi deseert, that he schulde turmente, and schulde tempte thee; and that tho thingis that weren tretid in `thi soule schulden be knowun, whether thou woldist kepe hise comaundementis, ethir nay.

² And, britheren, Y preise you, that bi alle thingis ye ben myndeful of me; and as Y bitook to you my comaundementis, ye holden.

¹² and thou hast ete, and art fillid,