Bible verses about "counseling" | Wycliffe

¹ The parablis of Salomon, the sone of Dauid, king of Israel; ² to kunne wisdom and kunnyng; ³ to vndurstonde the wordis of prudence; and to take the lernyng of teching; to take riytfulnesse, and dom, and equyte;

¹⁵ The weie of a fool is riytful in hise iyen; but he that is wijs, herith counsels.

¹⁴ And, britheren, Y my silf am certeyn of you, that also ye ben ful of loue, and ye ben fillid with al kunnyng, so that ye moun moneste ech other.

¹ Britheren, if a man be occupied in ony gilt, ye that ben spiritual, enforme ye such oon in spirit of softnesse, biholdinge thi silf, lest that thou be temptid.

⁷ and caste ye al youre bisynesse in to hym, for to hym is cure of you.

⁹ The herte delitith in oynement, and dyuerse odours; and a soule is maad swete bi the good counsels of a frend.

¹⁴ Where a gouernour is not, the puple schal falle; but helthe `of the puple is, where ben many counsels.

² Ech bere othere chargis, and so ye schulen fulfille the lawe of Crist.

¹⁶ For al scripture inspirid of God is profitable to teche, to repreue, to chastice, to lerne in riytwisnes, that the man of God be parfit, lerud to al good werk.

¹⁸ A man is that bihetith, and he is prickid as with the swerd of conscience; but the tunge of wise men is helthe.

¹³ But whanne thilke spirit of treuthe cometh, he schal teche you al trewthe; for he schal not speke of hym silf, but what euer thinges he schal here, he schal speke; and he schal telle to you tho thingis that ben to come.

⁵ As deep watir, so counsel is in the herte of a man; but a wijs man schal drawe it out.

¹⁰ Stryues ben euere a mong proude men; but thei that don alle thingis with counsel, ben gouerned bi wisdom.

²² Thouytis ben distried, where no counsel is; but where many counseleris ben, tho ben confermyd.