Exodus 24:3 Cross References - Vulgate

³ venit ergo Moses et narravit plebi omnia verba Domini atque iudicia responditque cunctus populus una voce omnia verba Domini quae locutus est faciemus

⁸ responditque universus populus simul cuncta quae locutus est Dominus faciemus cumque rettulisset Moses verba populi ad Dominum

¹ haec sunt iudicia quae propones eis ² si emeris servum hebraeum sex annis serviet tibi in septimo egredietur liber gratis ³ cum quali veste intraverit cum tali exeat si habens uxorem et uxor egredietur simul ⁴ sin autem dominus dederit illi uxorem et peperit filios et filias mulier et liberi eius erunt domini sui ipse vero exibit cum vestitu suo ⁵ quod si dixerit servus diligo dominum meum et uxorem ac liberos non egrediar liber ⁶ offeret eum dominus diis et adplicabitur ad ostium et postes perforabitque aurem eius subula et erit ei servus in saeculum ⁷ si quis vendiderit filiam suam in famulam non egredietur sicut ancillae exire consuerunt ⁸ si displicuerit oculis domini sui cui tradita fuerit dimittet eam populo autem alieno vendendi non habet potestatem si spreverit eam ⁹ sin autem filio suo desponderit eam iuxta morem filiarum faciet illi ¹⁰ quod si alteram ei acceperit providebit puellae nuptias et vestimenta et pretium pudicitiae non negabit ¹¹ si tria ista non fecerit egredietur gratis absque pecunia ¹² qui percusserit hominem volens occidere morte moriatur ¹³ qui autem non est insidiatus sed Deus illum tradidit in manu eius constituam tibi locum quo fugere debeat ¹⁴ si quis de industria occiderit proximum suum et per insidias ab altari meo evelles eum ut moriatur ¹⁵ qui percusserit patrem suum et matrem morte moriatur ¹⁶ qui furatus fuerit hominem et vendiderit eum convictus noxae morte moriatur ¹⁷ qui maledixerit patri suo et matri morte moriatur ¹⁸ si rixati fuerint viri et percusserit alter proximum suum lapide vel pugno et ille mortuus non fuerit sed iacuerit in lectulo ¹⁹ si surrexerit et ambulaverit foris super baculum suum innocens erit qui percussit ita tamen ut operas eius et inpensas in medicos restituat ²⁰ qui percusserit servum suum vel ancillam virga et mortui fuerint in manibus eius criminis reus erit ²¹ sin autem uno die supervixerit vel duobus non subiacebit poenae quia pecunia illius est ²² si rixati fuerint viri et percusserit quis mulierem praegnantem et abortivum quidem fecerit sed ipsa vixerit subiacebit damno quantum expetierit maritus mulieris et arbitri iudicarint ²³ sin autem mors eius fuerit subsecuta reddet animam pro anima

⁷ adsumensque volumen foederis legit audiente populo qui dixerunt omnia quae locutus est Dominus faciemus et erimus oboedientes

¹ et nunc Israhel audi praecepta et iudicia quae ego doceo te ut faciens ea vivas et ingrediens possideas terram quam Dominus Deus patrum vestrorum daturus est vobis

⁵ scitis quod docuerim vos praecepta atque iustitias sicut mandavit mihi Dominus Deus meus sic facietis ea in terra quam possessuri estis

⁴⁵ et haec testimonia et caerimoniae atque iudicia quae locutus est ad filios Israhel quando egressi sunt de Aegypto

¹ vocavitque Moses omnem Israhelem et dixit ad eum audi Israhel caerimonias atque iudicia quae ego loquor in auribus vestris hodie discite ea et opere conplete

²⁷ tu magis accede et audi cuncta quae dixerit Dominus Deus noster tibi loquerisque ad nos et nos audientes faciemus ea ²⁸ quod cum audisset Dominus ait ad me audivi vocem verborum populi huius quae locuti sunt tibi bene omnia sunt locuti

³¹ tu vero hic sta mecum et loquar tibi omnia mandata et caerimonias atque iudicia quae docebis eos ut faciant ea in terra quam dabo illis in possessionem

¹ haec sunt praecepta et caerimoniae atque iudicia quae mandavit Dominus Deus vester ut docerem vos et faciatis ea in terra ad quam transgredimini possidendam

¹ ama itaque Dominum Deum tuum et observa praecepta eius et caerimonias iudicia atque mandata omni tempore

²² et Iosue ad populum testes inquit vos estis quia ipsi elegeritis vobis Dominum ut serviatis ei responderuntque testes

¹⁹ quid igitur lex propter transgressiones posita est donec veniret semen cui promiserat ordinata per angelos in manu mediatoris ²⁰ mediator autem unius non est Deus autem unus est