11 ויעשׂו בני ישׂראל את הרע בעיני יהוה ויעבדו את הבעלים׃
Judges 2:11 Cross References - HOT
Genesis 13:13
13 ואנשׁי סדם רעים וחטאים ליהוה מאד׃
Genesis 38:7
7 ויהי ער בכור יהודה רע בעיני יהוה וימתהו יהוה׃
Judges 3:7
7 ויעשׂו בני ישׂראל את הרע בעיני יהוה וישׁכחו את יהוה אלהיהם ויעבדו את הבעלים ואת האשׁרות׃
Judges 3:12
12 ויספו בני ישׂראל לעשׂות הרע בעיני יהוה ויחזק יהוה את עגלון מלך מואב על ישׂראל על כי עשׂו את הרע בעיני יהוה׃
Judges 4:1
1 ויספו בני ישׂראל לעשׂות הרע בעיני יהוה ואהוד מת׃
Judges 6:1
1 ויעשׂו בני ישׂראל הרע בעיני יהוה ויתנם יהוה ביד מדין שׁבע שׁנים׃
Judges 8:33
33 ויהי כאשׁר מת גדעון וישׁובו בני ישׂראל ויזנו אחרי הבעלים וישׂימו להם בעל ברית לאלהים׃
Judges 10:6
6 ויספו בני ישׂראל לעשׂות הרע בעיני יהוה ויעבדו את הבעלים ואת העשׁתרות ואת אלהי ארם ואת אלהי צידון ואת אלהי מואב ואת אלהי בני עמון ואת אלהי פלשׁתים ויעזבו את יהוה ולא עבדוהו׃
Judges 10:10
10 ויזעקו בני ישׂראל אל יהוה לאמר חטאנו לך וכי עזבנו את אלהינו ונעבד את הבעלים׃
Judges 13:1
1 ויספו בני ישׂראל לעשׂות הרע בעיני יהוה ויתנם יהוה ביד פלשׁתים ארבעים שׁנה׃
1 Samuel 7:4
4 ויסירו בני ישׂראל את הבעלים ואת העשׁתרת ויעבדו את יהוה לבדו׃
1 Kings 18:18
18 ויאמר לא עכרתי את ישׂראל כי אם אתה ובית אביך בעזבכם את מצות יהוה ותלך אחרי הבעלים׃
2 Chronicles 28:2
2 וילך בדרכי מלכי ישׂראל וגם מסכות עשׂה לבעלים׃
2 Chronicles 33:2-3
2 Chronicles 33:6
6 והוא העביר את בניו באשׁ בגי בן הנם ועונן ונחשׁ וכשׁף ועשׂה אוב וידעוני הרבה לעשׂות הרע בעיני יהוה להכעיסו׃
Ezra 8:12
12 ומבני עזגד יוחנן בן הקטן ועמו מאה ועשׂרה הזכרים׃
Jeremiah 2:23
23 איך תאמרי לא נטמאתי אחרי הבעלים לא הלכתי ראי דרכך בגיא דעי מה עשׂית בכרה קלה משׂרכת דרכיה׃
Jeremiah 9:14
14 (9:13) וילכו אחרי שׁררות לבם ואחרי הבעלים אשׁר למדום אבותם׃
Hosea 2:13-17
13 (2:15) ופקדתי עליה את ימי הבעלים אשׁר תקטיר להם ותעד נזמה וחליתה ותלך אחרי מאהביה ואתי שׁכחה נאם יהוה׃14 (2:16) לכן הנה אנכי מפתיה והלכתיה המדבר ודברתי על לבה׃15 (2:17) ונתתי לה את כרמיה משׁם ואת עמק עכור לפתח תקוה וענתה שׁמה כימי נעוריה וכיום עלתה מארץ מצרים׃16 (2:18) והיה ביום ההוא נאם יהוה תקראי אישׁי ולא תקראי לי עוד בעלי׃17 (2:19) והסרתי את שׁמות הבעלים מפיה ולא יזכרו עוד בשׁמם׃