Joshua 21:39 Cross References - HOT

39 את חשׁבון ואת מגרשׁה את יעזר ואת מגרשׁה כל ערים ארבע׃

Numbers 21:26-30

26 כי חשׁבון עיר סיחן מלך האמרי הוא והוא נלחם במלך מואב הראשׁון ויקח את כל ארצו מידו עד ארנן׃27 על כן יאמרו המשׁלים באו חשׁבון תבנה ותכונן עיר סיחון׃28 כי אשׁ יצאה מחשׁבון להבה מקרית סיחן אכלה ער מואב בעלי במות ארנן׃29 אוי לך מואב אבדת עם כמושׁ נתן בניו פליטם ובנתיו בשׁבית למלך אמרי סיחון׃30 ונירם אבד חשׁבון עד דיבן ונשׁים עד נפח אשׁר עד מידבא׃

Numbers 32:1

1 ומקנה רב היה לבני ראובן ולבני גד עצום מאד ויראו את ארץ יעזר ואת ארץ גלעד והנה המקום מקום מקנה׃

Numbers 32:3

3 עטרות ודיבן ויעזר ונמרה וחשׁבון ואלעלה ושׂבם ונבו ובען׃

Numbers 32:35

35 ואת עטרת שׁופן ואת יעזר ויגבהה׃

Numbers 32:37

37 ובני ראובן בנו את חשׁבון ואת אלעלא ואת קריתים׃

Joshua 13:17

17 חשׁבון וכל עריה אשׁר במישׁר דיבון ובמות בעל ובית בעל מעון׃

Joshua 13:21

21 וכל ערי המישׁר וכל ממלכות סיחון מלך האמרי אשׁר מלך בחשׁבון אשׁר הכה משׁה אתו ואת נשׂיאי מדין את אוי ואת רקם ואת צור ואת חור ואת רבע נסיכי סיחון ישׁבי הארץ׃

1 Chronicles 6:81

81 (6:66) ואת חשׁבון ואת מגרשׁיה ואת יעזיר ואת מגרשׁיה׃

Isaiah 16:8-9

8 כי שׁדמות חשׁבון אמלל גפן שׂבמה בעלי גוים הלמו שׂרוקיה עד יעזר נגעו תעו מדבר שׁלחותיה נטשׁו עברו ים׃9 על כן אבכה בבכי יעזר גפן שׂבמה אריוך דמעתי חשׁבון ואלעלה כי על קיצך ועל קצירך הידד נפל׃

Jeremiah 48:32

32 מבכי יעזר אבכה לך הגפן שׂבמה נטישׁתיך עברו ים עד ים יעזר נגעו על קיצך ועל בצירך שׁדד נפל׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.