17 ונשׂאו עליך קינה ואמרו לך איך אבדת נושׁבת מימים העיר ההללה אשׁר היתה חזקה בים היא וישׁביה אשׁר נתנו חתיתם לכל יושׁביה׃
Ezekiel 26:17 Cross References - HOT
Joshua 19:29
29 ושׁב הגבול הרמה ועד עיר מבצר צר ושׁב הגבול חסה ויהיו תצאתיו הימה מחבל אכזיבה׃
2 Samuel 1:19
19 הצבי ישׂראל על במותיך חלל איך נפלו גבורים׃
2 Samuel 1:25-27
Isaiah 14:12
12 איך נפלת משׁמים הילל בן שׁחר נגדעת לארץ חולשׁ על גוים׃
Isaiah 23:4
4 בושׁי צידון כי אמר ים מעוז הים לאמר לא חלתי ולא ילדתי ולא גדלתי בחורים רוממתי בתולות׃
Isaiah 23:8
8 מי יעץ זאת על צר המעטירה אשׁר סחריה שׂרים כנעניה נכבדי ארץ׃
Jeremiah 6:26
26 בת עמי חגרי שׂק והתפלשׁי באפר אבל יחיד עשׂי לך מספד תמרורים כי פתאם יבא השׁדד עלינו׃
Jeremiah 7:29
29 גזי נזרך והשׁליכי ושׂאי על שׁפים קינה כי מאס יהוה ויטשׁ את דור עברתו׃
Jeremiah 9:20
20 (9:19) כי שׁמענה נשׁים דבר יהוה ותקח אזנכם דבר פיו ולמדנה בנותיכם נהי ואשׁה רעותה קינה׃
Lamentations 1:1
1 איכה ישׁבה בדד העיר רבתי עם היתה כאלמנה רבתי בגוים שׂרתי במדינות היתה למס׃
Ezekiel 19:1
1 ואתה שׂא קינה אל נשׂיאי ישׂראל׃
Ezekiel 19:14
14 ותצא אשׁ ממטה בדיה פריה אכלה ולא היה בה מטה עז שׁבט למשׁול קינה היא ותהי לקינה׃
Ezekiel 27:2-36
2 ואתה בן אדם שׂא על צר קינה׃3 ואמרת לצור הישׁבתי על מבואת ים רכלת העמים אל איים רבים כה אמר אדני יהוה צור את אמרת אני כלילת יפי׃4 בלב ימים גבוליך בניך כללו יפיך׃5 ברושׁים משׂניר בנו לך את כל לחתים ארז מלבנון לקחו לעשׂות תרן עליך׃6 אלונים מבשׁן עשׂו משׁוטיך קרשׁך עשׂו שׁן בת אשׁרים מאיי כתים׃7 שׁשׁ ברקמה ממצרים היה מפרשׂך להיות לך לנס תכלת וארגמן מאיי אלישׁה היה מכסך׃8 ישׁבי צידון וארוד היו שׁטים לך חכמיך צור היו בך המה חבליך׃9 זקני גבל וחכמיה היו בך מחזיקי בדקך כל אניות הים ומלחיהם היו בך לערב מערבך׃10 פרס ולוד ופוט היו בחילך אנשׁי מלחמתך מגן וכובע תלו בך המה נתנו הדרך׃11 בני ארוד וחילך על חומותיך סביב וגמדים במגדלותיך היו שׁלטיהם תלו על חומותיך סביב המה כללו יפיך׃12 תרשׁישׁ סחרתך מרב כל הון בכסף ברזל בדיל ועופרת נתנו עזבוניך׃13 יון תבל ומשׁך המה רכליך בנפשׁ אדם וכלי נחשׁת נתנו מערבך׃14 מבית תוגרמה סוסים ופרשׁים ופרדים נתנו עזבוניך׃15 בני דדן רכליך איים רבים סחרת ידך קרנות שׁן והובנים השׁיבו אשׁכרך׃16 ארם סחרתך מרב מעשׂיך בנפך ארגמן ורקמה ובוץ וראמת וכדכד נתנו בעזבוניך׃17 יהודה וארץ ישׂראל המה רכליך בחטי מנית ופנג ודבשׁ ושׁמן וצרי נתנו מערבך׃18 דמשׂק סחרתך ברב מעשׂיך מרב כל הון ביין חלבון וצמר צחר׃19 ודן ויון מאוזל בעזבוניך נתנו ברזל עשׁות קדה וקנה במערבך היה׃20 דדן רכלתך בבגדי חפשׁ לרכבה׃21 ערב וכל נשׂיאי קדר המה סחרי ידך בכרים ואילים ועתודים בם סחריך׃22 רכלי שׁבא ורעמה המה רכליך בראשׁ כל בשׂם ובכל אבן יקרה וזהב נתנו עזבוניך׃23 חרן וכנה ועדן רכלי שׁבא אשׁור כלמד רכלתך׃24 המה רכליך במכללים בגלומי תכלת ורקמה ובגנזי ברמים בחבלים חבשׁים וארזים במרכלתך׃25 אניות תרשׁישׁ שׁרותיך מערבך ותמלאי ותכבדי מאד בלב ימים׃26 במים רבים הביאוך השׁטים אתך רוח הקדים שׁברך בלב ימים׃27 הונך ועזבוניך מערבך מלחיך וחבליך מחזיקי בדקך וערבי מערבך וכל אנשׁי מלחמתך אשׁר בך ובכל קהלך אשׁר בתוכך יפלו בלב ימים ביום מפלתך׃28 לקול זעקת חבליך ירעשׁו מגרשׁות׃29 וירדו מאניותיהם כל תפשׂי משׁוט מלחים כל חבלי הים אל הארץ יעמדו׃30 והשׁמיעו עליך בקולם ויזעקו מרה ויעלו עפר על ראשׁיהם באפר יתפלשׁו׃31 והקריחו אליך קרחה וחגרו שׂקים ובכו אליך במר נפשׁ מספד מר׃32 ונשׂאו אליך בניהם קינה וקוננו עליך מי כצור כדמה בתוך הים׃33 בצאת עזבוניך מימים השׂבעת עמים רבים ברב הוניך ומערביך העשׁרת מלכי ארץ׃34 עת נשׁברת מימים במעמקי מים מערבך וכל קהלך בתוכך נפלו׃35 כל ישׁבי האיים שׁממו עליך ומלכיהם שׂערו שׂער רעמו פנים׃36 סחרים בעמים שׁרקו עליך בלהות היית ואינך עד עולם׃
Ezekiel 28:2-10
2 בן אדם אמר לנגיד צר כה אמר אדני יהוה יען גבה לבך ותאמר אל אני מושׁב אלהים ישׁבתי בלב ימים ואתה אדם ולא אל ותתן לבך כלב אלהים׃3 הנה חכם אתה מדנאל כל סתום לא עממוך׃4 בחכמתך ובתבונתך עשׂית לך חיל ותעשׂ זהב וכסף באוצרותיך׃5 ברב חכמתך ברכלתך הרבית חילך ויגבה לבבך בחילך׃6 לכן כה אמר אדני יהוה יען תתך את לבבך כלב אלהים׃7 לכן הנני מביא עליך זרים עריצי גוים והריקו חרבותם על יפי חכמתך וחללו יפעתך׃8 לשׁחת יורדוך ומתה ממותי חלל בלב ימים׃9 האמר תאמר אלהים אני לפני הרגך ואתה אדם ולא אל ביד מחלליך׃10 מותי ערלים תמות ביד זרים כי אני דברתי נאם אדני יהוה׃
Ezekiel 28:12-19
12 בן אדם שׂא קינה על מלך צור ואמרת לו כה אמר אדני יהוה אתה חותם תכנית מלא חכמה וכליל יפי׃13 בעדן גן אלהים היית כל אבן יקרה מסכתך אדם פטדה ויהלם תרשׁישׁ שׁהם וישׁפה ספיר נפך וברקת וזהב מלאכת תפיך ונקביך בך ביום הבראך כוננו׃14 את כרוב ממשׁח הסוכך ונתתיך בהר קדשׁ אלהים היית בתוך אבני אשׁ התהלכת׃15 תמים אתה בדרכיך מיום הבראך עד נמצא עולתה׃16 ברב רכלתך מלו תוכך חמס ותחטא ואחללך מהר אלהים ואבדך כרוב הסכך מתוך אבני אשׁ׃17 גבה לבך ביפיך שׁחת חכמתך על יפעתך על ארץ השׁלכתיך לפני מלכים נתתיך לראוה׃18 מרב עוניך בעול רכלתך חללת מקדשׁיך ואוצא אשׁ מתוכך היא אכלתך ואתנך לאפר על הארץ לעיני כל ראיך׃19 כל יודעיך בעמים שׁממו עליך בלהות היית ואינך עד עולם׃
Ezekiel 32:2
2 בן אדם שׂא קינה על פרעה מלך מצרים ואמרת אליו כפיר גוים נדמית ואתה כתנים בימים ותגח בנהרותיך ותדלח מים ברגליך ותרפס נהרותם׃
Ezekiel 32:16
16 קינה היא וקוננוה בנות הגוים תקוננה אותה על מצרים ועל כל המונה תקוננה אותה נאם אדני יהוה׃
Joel 1:18
18 מה נאנחה בהמה נבכו עדרי בקר כי אין מרעה להם גם עדרי הצאן נאשׁמו׃
Obadiah 1:5
5 אם גנבים באו לך אם שׁודדי לילה איך נדמיתה הלוא יגנבו דים אם בצרים באו לך הלוא ישׁאירו עללות׃
Micah 2:4
4 ביום ההוא ישׂא עליכם משׁל ונהה נהי נהיה אמר שׁדוד נשׁדנו חלק עמי ימיר איך ימישׁ לי לשׁובב שׂדינו יחלק׃
Zephaniah 2:15
15 זאת העיר העליזה היושׁבת לבטח האמרה בלבבה אני ואפסי עוד איך היתה לשׁמה מרבץ לחיה כל עובר עליה ישׁרק יניע ידו׃