1 ולאחאב שׁבעים בנים בשׁמרון ויכתב יהוא ספרים וישׁלח שׁמרון אל שׂרי יזרעאל הזקנים ואל האמנים אחאב לאמר׃2 ועתה כבא הספר הזה אליכם ואתכם בני אדניכם ואתכם הרכב והסוסים ועיר מבצר והנשׁק׃3 וראיתם הטוב והישׁר מבני אדניכם ושׂמתם על כסא אביו והלחמו על בית אדניכם׃4 ויראו מאד מאד ויאמרו הנה שׁני המלכים לא עמדו לפניו ואיך נעמד אנחנו׃5 וישׁלח אשׁר על הבית ואשׁר על העיר והזקנים והאמנים אל יהוא לאמר עבדיך אנחנו וכל אשׁר תאמר אלינו נעשׂה לא נמליך אישׁ הטוב בעיניך עשׂה׃6 ויכתב אליהם ספר שׁנית לאמר אם לי אתם ולקלי אתם שׁמעים קחו את ראשׁי אנשׁי בני אדניכם ובאו אלי כעת מחר יזרעאלה ובני המלך שׁבעים אישׁ את גדלי העיר מגדלים אותם׃7 ויהי כבא הספר אליהם ויקחו את בני המלך וישׁחטו שׁבעים אישׁ וישׂימו את ראשׁיהם בדודים וישׁלחו אליו יזרעאלה׃8 ויבא המלאך ויגד לו לאמר הביאו ראשׁי בני המלך ויאמר שׂימו אתם שׁני צברים פתח השׁער עד הבקר׃9 ויהי בבקר ויצא ויעמד ויאמר אל כל העם צדקים אתם הנה אני קשׁרתי על אדני ואהרגהו ומי הכה את כל אלה׃10 דעו אפוא כי לא יפל מדבר יהוה ארצה אשׁר דבר יהוה על בית אחאב ויהוה עשׂה את אשׁר דבר ביד עבדו אליהו׃11 ויך יהוא את כל הנשׁארים לבית אחאב ביזרעאל וכל גדליו ומידעיו וכהניו עד בלתי השׁאיר לו שׂריד׃12 ויקם ויבא וילך שׁמרון הוא בית עקד הרעים בדרך׃13 ויהוא מצא את אחי אחזיהו מלך יהודה ויאמר מי אתם ויאמרו אחי אחזיהו אנחנו ונרד לשׁלום בני המלך ובני הגבירה׃14 ויאמר תפשׂום חיים ויתפשׂום חיים וישׁחטום אל בור בית עקד ארבעים ושׁנים אישׁ ולא השׁאיר אישׁ מהם׃15 וילך משׁם וימצא את יהונדב בן רכב לקראתו ויברכהו ויאמר אליו הישׁ את לבבך ישׁר כאשׁר לבבי עם לבבך ויאמר יהונדב ישׁ וישׁ תנה את ידך ויתן ידו ויעלהו אליו אל המרכבה׃16 ויאמר לכה אתי וראה בקנאתי ליהוה וירכבו אתו ברכבו׃17 ויבא שׁמרון ויך את כל הנשׁארים לאחאב בשׁמרון עד השׁמידו כדבר יהוה אשׁר דבר אל אליהו׃18 ויקבץ יהוא את כל העם ויאמר אלהם אחאב עבד את הבעל מעט יהוא יעבדנו הרבה׃19 ועתה כל נביאי הבעל כל עבדיו וכל כהניו קראו אלי אישׁ אל יפקד כי זבח גדול לי לבעל כל אשׁר יפקד לא יחיה ויהוא עשׂה בעקבה למען האביד את עבדי הבעל׃20 ויאמר יהוא קדשׁו עצרה לבעל ויקראו׃21 וישׁלח יהוא בכל ישׂראל ויבאו כל עבדי הבעל ולא נשׁאר אישׁ אשׁר לא בא ויבאו בית הבעל וימלא בית הבעל פה לפה׃22 ויאמר לאשׁר על המלתחה הוצא לבושׁ לכל עבדי הבעל ויצא להם המלבושׁ׃23 ויבא יהוא ויהונדב בן רכב בית הבעל ויאמר לעבדי הבעל חפשׂו וראו פן ישׁ פה עמכם מעבדי יהוה כי אם עבדי הבעל לבדם׃24 ויבאו לעשׂות זבחים ועלות ויהוא שׂם לו בחוץ שׁמנים אישׁ ויאמר האישׁ אשׁר ימלט מן האנשׁים אשׁר אני מביא על ידיכם נפשׁו תחת נפשׁו׃25 ויהי ככלתו לעשׂות העלה ויאמר יהוא לרצים ולשׁלשׁים באו הכום אישׁ אל יצא ויכום לפי חרב וישׁלכו הרצים והשׁלשׁים וילכו עד עיר בית הבעל׃26 ויצאו את מצבות בית הבעל וישׂרפוה׃27 ויתצו את מצבת הבעל ויתצו את בית הבעל וישׂמהו למחראות עד היום׃28 וישׁמד יהוא את הבעל מישׂראל׃29 רק חטאי ירבעם בן נבט אשׁר החטיא את ישׂראל לא סר יהוא מאחריהם עגלי הזהב אשׁר בית אל ואשׁר בדן׃30 ויאמר יהוה אל יהוא יען אשׁר הטיבת לעשׂות הישׁר בעיני ככל אשׁר בלבבי עשׂית לבית אחאב בני רבעים ישׁבו לך על כסא ישׂראל׃31 ויהוא לא שׁמר ללכת בתורת יהוה אלהי ישׂראל בכל לבבו לא סר מעל חטאות ירבעם אשׁר החטיא את ישׂראל׃32 בימים ההם החל יהוה לקצות בישׂראל ויכם חזאל בכל גבול ישׂראל׃33 מן הירדן מזרח השׁמשׁ את כל ארץ הגלעד הגדי והראובני והמנשׁי מערער אשׁר על נחל ארנן והגלעד והבשׁן׃34 ויתר דברי יהוא וכל אשׁר עשׂה וכל גבורתו הלוא הם כתובים על ספר דברי הימים למלכי ישׂראל׃35 וישׁכב יהוא עם אבתיו ויקברו אתו בשׁמרון וימלך יהואחז בנו תחתיו׃36 והימים אשׁר מלך יהוא על ישׂראל עשׂרים ושׁמנה שׁנה בשׁמרון׃
2 Kings 10 Cross References - HOT
Genesis 20:9
9 ויקרא אבימלך לאברהם ויאמר לו מה עשׂית לנו ומה חטאתי לך כי הבאת עלי ועל ממלכתי חטאה גדלה מעשׂים אשׁר לא יעשׂו עשׂית עמדי׃
Genesis 31:55
55 (32:1) וישׁכם לבן בבקר וינשׁק לבניו ולבנותיו ויברך אתהם וילך וישׁב לבן למקמו׃
Genesis 47:7
7 ויבא יוסף את יעקב אביו ויעמדהו לפני פרעה ויברך יעקב את פרעה׃
Genesis 47:10
10 ויברך יעקב את פרעה ויצא מלפני פרעה׃
Exodus 28:2
2 ועשׂית בגדי קדשׁ לאהרן אחיך לכבוד ולתפארת׃
Exodus 32:4
Exodus 32:21
21 ויאמר משׁה אל אהרן מה עשׂה לך העם הזה כי הבאת עליו חטאה גדלה׃
Exodus 32:27
27 ויאמר להם כה אמר יהוה אלהי ישׂראל שׂימו אישׁ חרבו על ירכו עברו ושׁובו משׁער לשׁער במחנה והרגו אישׁ את אחיו ואישׁ את רעהו ואישׁ את קרבו׃
Leviticus 26:30
30 והשׁמדתי את במתיכם והכרתי את חמניכם ונתתי את פגריכם על פגרי גלוליכם וגעלה נפשׁי אתכם׃
Numbers 23:4
4 ויקר אלהים אל בלעם ויאמר אליו את שׁבעת המזבחת ערכתי ואעל פר ואיל במזבח׃
Numbers 24:13-16
Numbers 25:4
4 ויאמר יהוה אל משׁה קח את כל ראשׁי העם והוקע אותם ליהוה נגד השׁמשׁ וישׁב חרון אף יהוה מישׂראל׃
Numbers 32:33-42
33 ויתן להם משׁה לבני גד ולבני ראובן ולחצי שׁבט מנשׁה בן יוסף את ממלכת סיחן מלך האמרי ואת ממלכת עוג מלך הבשׁן הארץ לעריה בגבלת ערי הארץ סביב׃34 ויבנו בני גד את דיבן ואת עטרת ואת ערער׃35 ואת עטרת שׁופן ואת יעזר ויגבהה׃36 ואת בית נמרה ואת בית הרן ערי מבצר וגדרת צאן׃37 ובני ראובן בנו את חשׁבון ואת אלעלא ואת קריתים׃38 ואת נבו ואת בעל מעון מוסבת שׁם ואת שׂבמה ויקראו בשׁמת את שׁמות הערים אשׁר בנו׃39 וילכו בני מכיר בן מנשׁה גלעדה וילכדה ויורשׁ את האמרי אשׁר׃40 ויתן משׁה את הגלעד למכיר בן מנשׁה וישׁב׃41 ויאיר בן מנשׁה הלך וילכד את חותיהם ויקרא אתהן חות יאיר׃42 ונבח הלך וילכד את קנת ואת בנתיה ויקרא לה נבח בשׁמו׃
Deuteronomy 2:36
36 מערער אשׁר על שׂפת נחל ארנן והעיר אשׁר בנחל ועד הגלעד לא היתה קריה אשׁר שׂגבה ממנו את הכל נתן יהוה אלהינו לפנינו׃
Deuteronomy 3:12-17
12 ואת הארץ הזאת ירשׁנו בעת ההוא מערער אשׁר על נחל ארנן וחצי הר הגלעד ועריו נתתי לראובני ולגדי׃13 ויתר הגלעד וכל הבשׁן ממלכת עוג נתתי לחצי שׁבט המנשׁה כל חבל הארגב לכל הבשׁן ההוא יקרא ארץ רפאים׃14 יאיר בן מנשׁה לקח את כל חבל ארגב עד גבול הגשׁורי והמעכתי ויקרא אתם על שׁמו את הבשׁן חות יאיר עד היום הזה׃15 ולמכיר נתתי את הגלעד׃16 ולראובני ולגדי נתתי מן הגלעד ועד נחל ארנן תוך הנחל וגבל ועד יבק הנחל גבול בני עמון׃17 והערבה והירדן וגבל מכנרת ועד ים הערבה ים המלח תחת אשׁדת הפסגה מזרחה׃
Deuteronomy 4:15
15 ונשׁמרתם מאד לנפשׁתיכם כי לא ראיתם כל תמונה ביום דבר יהוה אליכם בחרב מתוך האשׁ׃
Deuteronomy 4:23
23 השׁמרו לכם פן תשׁכחו את ברית יהוה אלהיכם אשׁר כרת עמכם ועשׂיתם לכם פסל תמונת כל אשׁר צוך יהוה אלהיך׃
Deuteronomy 5:9
9 לא תשׁתחוה להם ולא תעבדם כי אנכי יהוה אלהיך אל קנא פקד עון אבות על בנים ועל שׁלשׁים ועל רבעים לשׂנאי׃
Deuteronomy 5:33
33 בכל הדרך אשׁר צוה יהוה אלהיכם אתכם תלכו למען תחיון וטוב לכם והארכתם ימים בארץ אשׁר תירשׁון׃
Deuteronomy 7:5
5 כי אם כה תעשׂו להם מזבחתיהם תתצו ומצבתם תשׁברו ואשׁירהם תגדעון ופסיליהם תשׂרפון באשׁ׃
Deuteronomy 7:25
25 פסילי אלהיהם תשׂרפון באשׁ לא תחמד כסף וזהב עליהם ולקחת לך פן תוקשׁ בו כי תועבת יהוה אלהיך הוא׃
Deuteronomy 10:12-13
Deuteronomy 13:6-11
6 (13:7) כי יסיתך אחיך בן אמך או בנך או בתך או אשׁת חיקך או רעך אשׁר כנפשׁך בסתר לאמר נלכה ונעבדה אלהים אחרים אשׁר לא ידעת אתה ואבתיך׃7 (13:8) מאלהי העמים אשׁר סביבתיכם הקרבים אליך או הרחקים ממך מקצה הארץ ועד קצה הארץ׃8 (13:9) לא תאבה לו ולא תשׁמע אליו ולא תחוס עינך עליו ולא תחמל ולא תכסה עליו׃9 (13:10) כי הרג תהרגנו ידך תהיה בו בראשׁונה להמיתו ויד כל העם באחרנה׃10 (13:11) וסקלתו באבנים ומת כי בקשׁ להדיחך מעל יהוה אלהיך המוציאך מארץ מצרים מבית עבדים׃11 (13:12) וכל ישׂראל ישׁמעו ויראון ולא יוספו לעשׂות כדבר הרע הזה בקרבך׃
Deuteronomy 16:18
18 שׁפטים ושׁטרים תתן לך בכל שׁעריך אשׁר יהוה אלהיך נתן לך לשׁבטיך ושׁפטו את העם משׁפט צדק׃
Deuteronomy 17:14-15
Deuteronomy 21:23
23 לא תלין נבלתו על העץ כי קבור תקברנו ביום ההוא כי קללת אלהים תלוי ולא תטמא את אדמתך אשׁר יהוה אלהיך נתן לך נחלה׃
Joshua 7:24-25
Joshua 9:8
8 ויאמרו אל יהושׁע עבדיך אנחנו ויאמר אלהם יהושׁע מי אתם ומאין תבאו׃
Joshua 9:11
11 ויאמרו אלינו זקינינו וכל ישׁבי ארצנו לאמר קחו בידכם צידה לדרך ולכו לקראתם ואמרתם אליהם עבדיכם אנחנו ועתה כרתו לנו ברית׃
Joshua 9:24-25
Joshua 10:30
30 ויתן יהוה גם אותה ביד ישׂראל ואת מלכה ויכה לפי חרב ואת כל הנפשׁ אשׁר בה לא השׁאיר בה שׂריד ויעשׂ למלכה כאשׁר עשׂה למלך יריחו׃
Joshua 11:8
8 ויתנם יהוה ביד ישׂראל ויכום וירדפום עד צידון רבה ועד משׂרפות מים ועד בקעת מצפה מזרחה ויכם עד בלתי השׁאיר להם שׂריד׃
Joshua 13:9-12
Judges 8:30
30 ולגדעון היו שׁבעים בנים יצאי ירכו כי נשׁים רבות היו׃
Judges 9:5-57
5 ויבא בית אביו עפרתה ויהרג את אחיו בני ירבעל שׁבעים אישׁ על אבן אחת ויותר יותם בן ירבעל הקטן כי נחבא׃6 ויאספו כל בעלי שׁכם וכל בית מלוא וילכו וימליכו את אבימלך למלך עם אלון מצב אשׁר בשׁכם׃7 ויגדו ליותם וילך ויעמד בראשׁ הר גרזים וישׂא קולו ויקרא ויאמר להם שׁמעו אלי בעלי שׁכם וישׁמע אליכם אלהים׃8 הלוך הלכו העצים למשׁח עליהם מלך ויאמרו לזית מלוכה עלינו׃9 ויאמר להם הזית החדלתי את דשׁני אשׁר בי יכבדו אלהים ואנשׁים והלכתי לנוע על העצים׃10 ויאמרו העצים לתאנה לכי את מלכי עלינו׃11 ותאמר להם התאנה החדלתי את מתקי ואת תנובתי הטובה והלכתי לנוע על העצים׃12 ויאמרו העצים לגפן לכי את מלוכי עלינו׃13 ותאמר להם הגפן החדלתי את תירושׁי המשׂמח אלהים ואנשׁים והלכתי לנוע על העצים׃14 ויאמרו כל העצים אל האטד לך אתה מלך עלינו׃15 ויאמר האטד אל העצים אם באמת אתם משׁחים אתי למלך עליכם באו חסו בצלי ואם אין תצא אשׁ מן האטד ותאכל את ארזי הלבנון׃16 ועתה אם באמת ובתמים עשׂיתם ותמליכו את אבימלך ואם טובה עשׂיתם עם ירבעל ועם ביתו ואם כגמול ידיו עשׂיתם׃17 אשׁר נלחם אבי עליכם וישׁלך את נפשׁו מנגד ויצל אתכם מיד מדין׃18 ואתם קמתם על בית אבי היום ותהרגו את בניו שׁבעים אישׁ על אבן אחת ותמליכו את אבימלך בן אמתו על בעלי שׁכם כי אחיכם הוא׃19 ואם באמת ובתמים עשׂיתם עם ירבעל ועם ביתו היום הזה שׂמחו באבימלך וישׂמח גם הוא׃20 ואם אין תצא אשׁ מאבימלך ותאכל את בעלי שׁכם ואת בית מלוא ותצא אשׁ מבעלי שׁכם ומבית מלוא ותאכל את אבימלך׃21 וינס יותם ויברח וילך בארה וישׁב שׁם מפני אבימלך אחיו׃22 וישׂר אבימלך על ישׂראל שׁלשׁ שׁנים׃23 וישׁלח אלהים רוח רעה בין אבימלך ובין בעלי שׁכם ויבגדו בעלי שׁכם באבימלך׃24 לבוא חמס שׁבעים בני ירבעל ודמם לשׂום על אבימלך אחיהם אשׁר הרג אותם ועל בעלי שׁכם אשׁר חזקו את ידיו להרג את אחיו׃25 וישׂימו לו בעלי שׁכם מארבים על ראשׁי ההרים ויגזלו את כל אשׁר יעבר עליהם בדרך ויגד לאבימלך׃26 ויבא געל בן עבד ואחיו ויעברו בשׁכם ויבטחו בו בעלי שׁכם׃27 ויצאו השׂדה ויבצרו את כרמיהם וידרכו ויעשׂו הלולים ויבאו בית אלהיהם ויאכלו וישׁתו ויקללו את אבימלך׃28 ויאמר געל בן עבד מי אבימלך ומי שׁכם כי נעבדנו הלא בן ירבעל וזבל פקידו עבדו את אנשׁי חמור אבי שׁכם ומדוע נעבדנו אנחנו׃29 ומי יתן את העם הזה בידי ואסירה את אבימלך ויאמר לאבימלך רבה צבאך וצאה׃30 וישׁמע זבל שׂר העיר את דברי געל בן עבד ויחר אפו׃31 וישׁלח מלאכים אל אבימלך בתרמה לאמר הנה געל בן עבד ואחיו באים שׁכמה והנם צרים את העיר עליך׃32 ועתה קום לילה אתה והעם אשׁר אתך וארב בשׂדה׃33 והיה בבקר כזרח השׁמשׁ תשׁכים ופשׁטת על העיר והנה הוא והעם אשׁר אתו יצאים אליך ועשׂית לו כאשׁר תמצא ידך׃34 ויקם אבימלך וכל העם אשׁר עמו לילה ויארבו על שׁכם ארבעה ראשׁים׃35 ויצא געל בן עבד ויעמד פתח שׁער העיר ויקם אבימלך והעם אשׁר אתו מן המארב׃36 וירא געל את העם ויאמר אל זבל הנה עם יורד מראשׁי ההרים ויאמר אליו זבל את צל ההרים אתה ראה כאנשׁים׃37 ויסף עוד געל לדבר ויאמר הנה עם יורדים מעם טבור הארץ וראשׁ אחד בא מדרך אלון מעוננים׃38 ויאמר אליו זבל איה אפוא פיך אשׁר תאמר מי אבימלך כי נעבדנו הלא זה העם אשׁר מאסתה בו צא נא עתה והלחם׃39 ויצא געל לפני בעלי שׁכם וילחם באבימלך׃40 וירדפהו אבימלך וינס מפניו ויפלו חללים רבים עד פתח השׁער׃41 וישׁב אבימלך בארומה ויגרשׁ זבל את געל ואת אחיו משׁבת בשׁכם׃42 ויהי ממחרת ויצא העם השׂדה ויגדו לאבימלך׃43 ויקח את העם ויחצם לשׁלשׁה ראשׁים ויארב בשׂדה וירא והנה העם יצא מן העיר ויקם עליהם ויכם׃44 ואבימלך והראשׁים אשׁר עמו פשׁטו ויעמדו פתח שׁער העיר ושׁני הראשׁים פשׁטו על כל אשׁר בשׂדה ויכום׃45 ואבימלך נלחם בעיר כל היום ההוא וילכד את העיר ואת העם אשׁר בה הרג ויתץ את העיר ויזרעה מלח׃46 וישׁמעו כל בעלי מגדל שׁכם ויבאו אל צריח בית אל ברית׃47 ויגד לאבימלך כי התקבצו כל בעלי מגדל שׁכם׃48 ויעל אבימלך הר צלמון הוא וכל העם אשׁר אתו ויקח אבימלך את הקרדמות בידו ויכרת שׂוכת עצים וישׂאה וישׂם על שׁכמו ויאמר אל העם אשׁר עמו מה ראיתם עשׂיתי מהרו עשׂו כמוני׃49 ויכרתו גם כל העם אישׁ שׂוכה וילכו אחרי אבימלך וישׂימו על הצריח ויציתו עליהם את הצריח באשׁ וימתו גם כל אנשׁי מגדל שׁכם כאלף אישׁ ואשׁה׃50 וילך אבימלך אל תבץ ויחן בתבץ וילכדה׃51 ומגדל עז היה בתוך העיר וינסו שׁמה כל האנשׁים והנשׁים וכל בעלי העיר ויסגרו בעדם ויעלו על גג המגדל׃52 ויבא אבימלך עד המגדל וילחם בו ויגשׁ עד פתח המגדל לשׂרפו באשׁ׃53 ותשׁלך אשׁה אחת פלח רכב על ראשׁ אבימלך ותרץ את גלגלתו׃54 ויקרא מהרה אל הנער נשׂא כליו ויאמר לו שׁלף חרבך ומותתני פן יאמרו לי אשׁה הרגתהו וידקרהו נערו וימת׃55 ויראו אישׁ ישׂראל כי מת אבימלך וילכו אישׁ למקמו׃56 וישׁב אלהים את רעת אבימלך אשׁר עשׂה לאביו להרג את שׁבעים אחיו׃57 ואת כל רעת אנשׁי שׁכם השׁיב אלהים בראשׁם ותבא אליהם קללת יותם בן ירבעל׃
Judges 10:4
4 ויהי לו שׁלשׁים בנים רכבים על שׁלשׁים עירים ושׁלשׁים עירים להם להם יקראו חות יאיר עד היום הזה אשׁר בארץ הגלעד׃
Judges 12:14
14 ויהי לו ארבעים בנים ושׁלשׁים בני בנים רכבים על שׁבעים עירם וישׁפט את ישׂראל שׁמנה שׁנים׃
Judges 16:27
27 והבית מלא האנשׁים והנשׁים ושׁמה כל סרני פלשׁתים ועל הגג כשׁלשׁת אלפים אישׁ ואשׁה הראים בשׂחוק שׁמשׁון׃
1 Samuel 2:24
24 אל בני כי לוא טובה השׁמעה אשׁר אנכי שׁמע מעברים עם יהוה׃
1 Samuel 3:19
19 ויגדל שׁמואל ויהוה היה עמו ולא הפיל מכל דבריו ארצה׃
1 Samuel 10:24
24 ויאמר שׁמואל אל כל העם הראיתם אשׁר בחר בו יהוה כי אין כמהו בכל העם וירעו כל העם ויאמרו יחי המלך׃
1 Samuel 11:15
15 וילכו כל העם הגלגל וימלכו שׁם את שׁאול לפני יהוה בגלגל ויזבחו שׁם זבחים שׁלמים לפני יהוה וישׂמח שׁם שׁאול וכל אנשׁי ישׂראל עד מאד׃
1 Samuel 12:3
3 הנני ענו בי נגד יהוה ונגד משׁיחו את שׁור מי לקחתי וחמור מי לקחתי ואת מי עשׁקתי את מי רצותי ומיד מי לקחתי כפר ואעלים עיני בו ואשׁיב׃
1 Samuel 15:18-24
18 וישׁלחך יהוה בדרך ויאמר לך והחרמתה את החטאים את עמלק ונלחמת בו עד כלותם אתם׃19 ולמה לא שׁמעת בקול יהוה ותעט אל השׁלל ותעשׂ הרע בעיני יהוה׃20 ויאמר שׁאול אל שׁמואל אשׁר שׁמעתי בקול יהוה ואלך בדרך אשׁר שׁלחני יהוה ואביא את אגג מלך עמלק ואת עמלק החרמתי׃21 ויקח העם מהשׁלל צאן ובקר ראשׁית החרם לזבח ליהוה אלהיך בגלגל׃22 ויאמר שׁמואל החפץ ליהוה בעלות וזבחים כשׁמע בקול יהוה הנה שׁמע מזבח טוב להקשׁיב מחלב אילים׃23 כי חטאת קסם מרי ואון ותרפים הפצר יען מאסת את דבר יהוה וימאסך ממלך׃24 ויאמר שׁאול אל שׁמואל חטאתי כי עברתי את פי יהוה ואת דבריך כי יראתי את העם ואשׁמע בקולם׃
1 Samuel 15:29
29 וגם נצח ישׂראל לא ישׁקר ולא ינחם כי לא אדם הוא להנחם׃
2 Samuel 2:8-9
2 Samuel 2:12-17
12 ויצא אבנר בן נר ועבדי אישׁ בשׁת בן שׁאול ממחנים גבעונה׃13 ויואב בן צרויה ועבדי דוד יצאו ויפגשׁום על ברכת גבעון יחדו וישׁבו אלה על הברכה מזה ואלה על הברכה מזה׃14 ויאמר אבנר אל יואב יקומו נא הנערים וישׂחקו לפנינו ויאמר יואב יקמו׃15 ויקמו ויעברו במספר שׁנים עשׂר לבנימן ולאישׁ בשׁת בן שׁאול ושׁנים עשׂר מעבדי דוד׃16 ויחזקו אישׁ בראשׁ רעהו וחרבו בצד רעהו ויפלו יחדו ויקרא למקום ההוא חלקת הצרים אשׁר בגבעון׃17 ותהי המלחמה קשׁה עד מאד ביום ההוא וינגף אבנר ואנשׁי ישׂראל לפני עבדי דוד׃
2 Samuel 5:21
21 ויעזבו שׁם את עצביהם וישׂאם דוד ואנשׁיו׃
2 Samuel 7:12
12 כי ימלאו ימיך ושׁכבת את אבתיך והקימתי את זרעך אחריך אשׁר יצא ממעיך והכינתי את ממלכתו׃
2 Samuel 11:18-21
18 וישׁלח יואב ויגד לדוד את כל דברי המלחמה׃19 ויצו את המלאך לאמר ככלותך את כל דברי המלחמה לדבר אל המלך׃20 והיה אם תעלה חמת המלך ואמר לך מדוע נגשׁתם אל העיר להלחם הלוא ידעתם את אשׁר ירו מעל החומה׃21 מי הכה את אבימלך בן ירבשׁת הלוא אשׁה השׁליכה עליו פלח רכב מעל החומה וימת בתבץ למה נגשׁתם אל החומה ואמרת גם עבדך אוריה החתי מת׃
1 Kings 1:21
21 והיה כשׁכב אדני המלך עם אבתיו והייתי אני ובני שׁלמה חטאים׃
1 Kings 1:24-25
1 Kings 2:4
4 למען יקים יהוה את דברו אשׁר דבר עלי לאמר אם ישׁמרו בניך את דרכם ללכת לפני באמת בכל לבבם ובכל נפשׁם לאמר לא יכרת לך אישׁ מעל כסא ישׂראל׃
1 Kings 2:10
10 וישׁכב דוד עם אבתיו ויקבר בעיר דוד׃
1 Kings 11:41
41 ויתר דברי שׁלמה וכל אשׁר עשׂה וחכמתו הלוא הם כתבים על ספר דברי שׁלמה׃
1 Kings 12:20-21
1 Kings 12:28-30
1 Kings 13:32
1 Kings 14:10
10 לכן הנני מביא רעה אל בית ירבעם והכרתי לירבעם משׁתין בקיר עצור ועזוב בישׂראל ובערתי אחרי בית ירבעם כאשׁר יבער הגלל עד תמו׃
1 Kings 14:16
16 ויתן את ישׂראל בגלל חטאות ירבעם אשׁר חטא ואשׁר החטיא את ישׂראל׃
1 Kings 14:19
1 Kings 14:23
23 ויבנו גם המה להם במות ומצבות ואשׁרים על כל גבעה גבהה ותחת כל עץ רענן׃
1 Kings 14:29
29 ויתר דברי רחבעם וכל אשׁר עשׂה הלא המה כתובים על ספר דברי הימים למלכי יהודה׃
1 Kings 14:31
31 וישׁכב רחבעם עם אבתיו ויקבר עם אבתיו בעיר דוד ושׁם אמו נעמה העמנית וימלך אבים בנו תחתיו׃
1 Kings 15:29
29 ויהי כמלכו הכה את כל בית ירבעם לא השׁאיר כל נשׁמה לירבעם עד השׁמדו כדבר יהוה אשׁר דבר ביד עבדו אחיה השׁילני׃
1 Kings 16:11
11 ויהי במלכו כשׁבתו על כסאו הכה את כל בית בעשׁא לא השׁאיר לו משׁתין בקיר וגאליו ורעהו׃
1 Kings 16:24
24 ויקן את ההר שׁמרון מאת שׁמר בככרים כסף ויבן את ההר ויקרא את שׁם העיר אשׁר בנה על שׁם שׁמר אדני ההר שׁמרון׃
1 Kings 16:28
28 וישׁכב עמרי עם אבתיו ויקבר בשׁמרון וימלך אחאב בנו תחתיו׃
1 Kings 16:31-32
1 Kings 16:32
32 ויקם מזבח לבעל בית הבעל אשׁר בנה בשׁמרון׃
1 Kings 18:19
19 ועתה שׁלח קבץ אלי את כל ישׂראל אל הר הכרמל ואת נביאי הבעל ארבע מאות וחמשׁים ונביאי האשׁרה ארבע מאות אכלי שׁלחן איזבל׃
1 Kings 18:19-20
1 Kings 18:22
22 ויאמר אליהו אל העם אני נותרתי נביא ליהוה לבדי ונביאי הבעל ארבע מאות וחמשׁים אישׁ׃
1 Kings 18:40
40 ויאמר אליהו להם תפשׂו את נביאי הבעל אישׁ אל ימלט מהם ויתפשׂום ויורדם אליהו אל נחל קישׁון וישׁחטם שׁם׃
1 Kings 19:10
10 ויאמר קנא קנאתי ליהוה אלהי צבאות כי עזבו בריתך בני ישׂראל את מזבחתיך הרסו ואת נביאיך הרגו בחרב ואותר אני לבדי ויבקשׁו את נפשׁי לקחתה׃
1 Kings 19:14
14 ויאמר קנא קנאתי ליהוה אלהי צבאות כי עזבו בריתך בני ישׂראל את מזבחתיך הרסו ואת נביאיך הרגו בחרב ואותר אני לבדי ויבקשׁו את נפשׁי לקחתה׃
1 Kings 19:17
17 והיה הנמלט מחרב חזאל ימית יהוא והנמלט מחרב יהוא ימית אלישׁע׃
1 Kings 20:4
4 ויען מלך ישׂראל ויאמר כדברך אדני המלך לך אני וכל אשׁר׃
1 Kings 20:18
18 ויאמר אם לשׁלום יצאו תפשׂום חיים ואם למלחמה יצאו חיים תפשׂום׃
1 Kings 20:30-42
30 וינסו הנותרים אפקה אל העיר ותפל החומה על עשׂרים ושׁבעה אלף אישׁ הנותרים ובן הדד נס ויבא אל העיר חדר בחדר׃31 ויאמרו אליו עבדיו הנה נא שׁמענו כי מלכי בית ישׂראל כי מלכי חסד הם נשׂימה נא שׂקים במתנינו וחבלים בראשׁנו ונצא אל מלך ישׂראל אולי יחיה את נפשׁך׃32 ויחגרו שׂקים במתניהם וחבלים בראשׁיהם ויבאו אל מלך ישׂראל ויאמרו עבדך בן הדד אמר תחי נא נפשׁי ויאמר העודנו חי אחי הוא׃
1 Kings 20:32-42
32 ויחגרו שׂקים במתניהם וחבלים בראשׁיהם ויבאו אל מלך ישׂראל ויאמרו עבדך בן הדד אמר תחי נא נפשׁי ויאמר העודנו חי אחי הוא׃33 והאנשׁים ינחשׁו וימהרו ויחלטו הממנו ויאמרו אחיך בן הדד ויאמר באו קחהו ויצא אליו בן הדד ויעלהו על המרכבה׃34 ויאמר אליו הערים אשׁר לקח אבי מאת אביך אשׁיב וחוצות תשׂים לך בדמשׂק כאשׁר שׂם אבי בשׁמרון ואני בברית אשׁלחך ויכרת לו ברית וישׁלחהו׃35 ואישׁ אחד מבני הנביאים אמר אל רעהו בדבר יהוה הכיני נא וימאן האישׁ להכתו׃36 ויאמר לו יען אשׁר לא שׁמעת בקול יהוה הנך הולך מאתי והכך האריה וילך מאצלו וימצאהו האריה ויכהו׃37 וימצא אישׁ אחר ויאמר הכיני נא ויכהו האישׁ הכה ופצע׃38 וילך הנביא ויעמד למלך על הדרך ויתחפשׂ באפר על עיניו׃39 ויהי המלך עבר והוא צעק אל המלך ויאמר עבדך יצא בקרב המלחמה והנה אישׁ סר ויבא אלי אישׁ ויאמר שׁמר את האישׁ הזה אם הפקד יפקד והיתה נפשׁך תחת נפשׁו או ככר כסף תשׁקול׃40 ויהי עבדך עשׂה הנה והנה והוא איננו ויאמר אליו מלך ישׂראל כן משׁפטך אתה חרצת׃41 וימהר ויסר את האפר מעל עיניו ויכר אתו מלך ישׂראל כי מהנבאים הוא׃42 ויאמר אליו כה אמר יהוה יען שׁלחת את אישׁ חרמי מיד והיתה נפשׁך תחת נפשׁו ועמך תחת עמו׃
1 Kings 20:42
42 ויאמר אליו כה אמר יהוה יען שׁלחת את אישׁ חרמי מיד והיתה נפשׁך תחת נפשׁו ועמך תחת עמו׃
1 Kings 21:8-14
8 ותכתב ספרים בשׁם אחאב ותחתם בחתמו ותשׁלח הספרים אל הזקנים ואל החרים אשׁר בעירו הישׁבים את נבות׃
1 Kings 21:8-11
1 Kings 21:9-11
1 Kings 21:10-11
1 Kings 21:11-11
1 Kings 21:12
1 Kings 21:14
14 וישׁלחו אל איזבל לאמר סקל נבות וימת׃
1 Kings 21:19
19 ודברת אליו לאמר כה אמר יהוה הרצחת וגם ירשׁת ודברת אליו לאמר כה אמר יהוה במקום אשׁר לקקו הכלבים את דם נבות ילקו הכלבים את דמך גם אתה׃
1 Kings 21:21
21 הנני מבי אליך רעה ובערתי אחריך והכרתי לאחאב משׁתין בקיר ועצור ועזוב בישׂראל׃
1 Kings 21:21-24
1 Kings 21:22
1 Kings 21:29
29 הראית כי נכנע אחאב מלפני יען כי נכנע מפני לא אבי הרעה בימיו בימי בנו אביא הרעה על ביתו׃
1 Kings 22:6
6 ויקבץ מלך ישׂראל את הנביאים כארבע מאות אישׁ ויאמר אלהם האלך על רמת גלעד למלחמה אם אחדל ויאמרו עלה ויתן אדני ביד המלך׃
2 Kings 3:2
2 Kings 3:13
13 ויאמר אלישׁע אל מלך ישׂראל מה לי ולך לך אל נביאי אביך ואל נביאי אמך ויאמר לו מלך ישׂראל אל כי קרא יהוה לשׁלשׁת המלכים האלה לתת אותם ביד מואב׃
2 Kings 5:3
3 ותאמר אל גברתה אחלי אדני לפני הנביא אשׁר בשׁמרון אז יאסף אתו מצרעתו׃
2 Kings 5:6
6 ויבא הספר אל מלך ישׂראל לאמר ועתה כבוא הספר הזה אליך הנה שׁלחתי אליך את נעמן עבדי ואספתו מצרעתו׃
2 Kings 8:12
12 ויאמר חזאל מדוע אדני בכה ויאמר כי ידעתי את אשׁר תעשׂה לבני ישׂראל רעה מבצריהם תשׁלח באשׁ ובחריהם בחרב תהרג ועלליהם תרטשׁ והרתיהם תבקע׃
2 Kings 8:18
18 וילך בדרך מלכי ישׂראל כאשׁר עשׂו בית אחאב כי בת אחאב היתה לו לאשׁה ויעשׂ הרע בעיני יהוה׃
2 Kings 8:24
24 וישׁכב יורם עם אבתיו ויקבר עם אבתיו בעיר דוד וימלך אחזיהו בנו תחתיו׃
2 Kings 8:29
29 וישׁב יורם המלך להתרפא ביזרעאל מן המכים אשׁר יכהו ארמים ברמה בהלחמו את חזהאל מלך ארם ואחזיהו בן יהורם מלך יהודה ירד לראות את יורם בן אחאב ביזרעאל כי חלה הוא׃
2 Kings 9:7-10
7 והכיתה את בית אחאב אדניך ונקמתי דמי עבדי הנביאים ודמי כל עבדי יהוה מיד איזבל׃
2 Kings 9:7-9
2 Kings 9:8-9
8 ואבד כל בית אחאב והכרתי לאחאב משׁתין בקיר ועצור ועזוב בישׂראל׃
2 Kings 9:8
2 Kings 9:9-9
2 Kings 9:14-24
14 ויתקשׁר יהוא בן יהושׁפט בן נמשׁי אל יורם ויורם היה שׁמר ברמת גלעד הוא וכל ישׂראל מפני חזאל מלך ארם׃15 וישׁב יהורם המלך להתרפא ביזרעאל מן המכים אשׁר יכהו ארמים בהלחמו את חזאל מלך ארם ויאמר יהוא אם ישׁ נפשׁכם אל יצא פליט מן העיר ללכת לגיד ביזרעאל׃16 וירכב יהוא וילך יזרעאלה כי יורם שׁכב שׁמה ואחזיה מלך יהודה ירד לראות את יורם׃17 והצפה עמד על המגדל ביזרעאל וירא את שׁפעת יהוא בבאו ויאמר שׁפעת אני ראה ויאמר יהורם קח רכב ושׁלח לקראתם ויאמר השׁלום׃18 וילך רכב הסוס לקראתו ויאמר כה אמר המלך השׁלום ויאמר יהוא מה לך ולשׁלום סב אל אחרי ויגד הצפה לאמר בא המלאך עד הם ולא שׁב׃19 וישׁלח רכב סוס שׁני ויבא אלהם ויאמר כה אמר המלך שׁלום ויאמר יהוא מה לך ולשׁלום סב אל אחרי׃20 ויגד הצפה לאמר בא עד אליהם ולא שׁב והמנהג כמנהג יהוא בן נמשׁי כי בשׁגעון ינהג׃21 ויאמר יהורם אסר ויאסר רכבו ויצא יהורם מלך ישׂראל ואחזיהו מלך יהודה אישׁ ברכבו ויצאו לקראת יהוא וימצאהו בחלקת נבות היזרעאלי׃
2 Kings 9:21-27
21 ויאמר יהורם אסר ויאסר רכבו ויצא יהורם מלך ישׂראל ואחזיהו מלך יהודה אישׁ ברכבו ויצאו לקראת יהוא וימצאהו בחלקת נבות היזרעאלי׃
2 Kings 9:21
2 Kings 9:22-27
2 Kings 9:23-27
2 Kings 9:24-24
24 ויהוא מלא ידו בקשׁת ויך את יהורם בין זרעיו ויצא החצי מלבו ויכרע ברכבו׃
2 Kings 9:24-27
2 Kings 9:25-26
2 Kings 9:26-26
2 Kings 9:27-27
27 ואחזיה מלך יהודה ראה וינס דרך בית הגן וירדף אחריו יהוא ויאמר גם אתו הכהו אל המרכבה במעלה גור אשׁר את יבלעם וינס מגדו וימת שׁם׃
2 Kings 9:32
32 וישׂא פניו אל החלון ויאמר מי אתי מי וישׁקיפו אליו שׁנים שׁלשׁה סריסים׃
2 Kings 9:36
36 וישׁבו ויגידו לו ויאמר דבר יהוה הוא אשׁר דבר ביד עבדו אליהו התשׁבי לאמר בחלק יזרעאל יאכלו הכלבים את בשׂר איזבל׃
2 Kings 10:6
6 ויכתב אליהם ספר שׁנית לאמר אם לי אתם ולקלי אתם שׁמעים קחו את ראשׁי אנשׁי בני אדניכם ובאו אלי כעת מחר יזרעאלה ובני המלך שׁבעים אישׁ את גדלי העיר מגדלים אותם׃
2 Kings 10:9
2 Kings 10:13
13 ויהוא מצא את אחי אחזיהו מלך יהודה ויאמר מי אתם ויאמרו אחי אחזיהו אנחנו ונרד לשׁלום בני המלך ובני הגבירה׃
2 Kings 10:18
18 ויקבץ יהוא את כל העם ויאמר אלהם אחאב עבד את הבעל מעט יהוא יעבדנו הרבה׃
2 Kings 10:29
29 רק חטאי ירבעם בן נבט אשׁר החטיא את ישׂראל לא סר יהוא מאחריהם עגלי הזהב אשׁר בית אל ואשׁר בדן׃
2 Kings 10:31
31 ויהוא לא שׁמר ללכת בתורת יהוה אלהי ישׂראל בכל לבבו לא סר מעל חטאות ירבעם אשׁר החטיא את ישׂראל׃
2 Kings 10:35
35 וישׁכב יהוא עם אבתיו ויקברו אתו בשׁמרון וימלך יהואחז בנו תחתיו׃
2 Kings 11:1
1 ועתליה אם אחזיהו וראתה כי מת בנה ותקם ותאבד את כל זרע הממלכה׃
2 Kings 11:18
18 ויבאו כל עם הארץ בית הבעל ויתצהו את מזבחתו ואת צלמיו שׁברו היטב ואת מתן כהן הבעל הרגו לפני המזבחות וישׂם הכהן פקדות על בית יהוה׃
2 Kings 12:19
19 (12:20) ויתר דברי יואשׁ וכל אשׁר עשׂה הלוא הם כתובים על ספר דברי הימים למלכי יהודה׃
2 Kings 13:1
2 Kings 13:7-8
2 Kings 13:8-8
8 ויתר דברי יהואחז וכל אשׁר עשׂה וגבורתו הלוא הם כתובים על ספר דברי הימים למלכי ישׂראל׃
2 Kings 13:10
2 Kings 13:22
22 וחזאל מלך ארם לחץ את ישׂראל כל ימי יהואחז׃
2 Kings 13:25
25 וישׁב יהואשׁ בן יהואחז ויקח את הערים מיד בן הדד בן חזאל אשׁר לקח מיד יהואחז אביו במלחמה שׁלשׁ פעמים הכהו יואשׁ וישׁב את ערי ישׂראל׃
2 Kings 14:23
2 Kings 15:8-12
2 Kings 15:9-12
2 Kings 15:18
18 ויעשׂ הרע בעיני יהוה לא סר מעל חטאות ירבעם בן נבט אשׁר החטיא את ישׂראל כל ימיו׃
2 Kings 15:24
24 ויעשׂ הרע בעיני יהוה לא סר מחטאות ירבעם בן נבט אשׁר החטיא את ישׂראל׃
2 Kings 15:28
28 ויעשׂ הרע בעיני יהוה לא סר מן חטאות ירבעם בן נבט אשׁר החטיא את ישׂראל׃
2 Kings 17:22
22 וילכו בני ישׂראל בכל חטאות ירבעם אשׁר עשׂה לא סרו ממנה׃
2 Kings 18:4
4 הוא הסיר את הבמות ושׁבר את המצבת וכרת את האשׁרה וכתת נחשׁ הנחשׁת אשׁר עשׂה משׁה כי עד הימים ההמה היו בני ישׂראל מקטרים לו ויקרא לו נחשׁתן׃
2 Kings 18:14
14 וישׁלח חזקיה מלך יהודה אל מלך אשׁור לכישׁה לאמר חטאתי שׁוב מעלי את אשׁר תתן עלי אשׂא וישׂם מלך אשׁור על חזקיה מלך יהודה שׁלשׁ מאות ככר כסף ושׁלשׁים ככר זהב׃
2 Kings 19:18
18 ונתנו את אלהיהם באשׁ כי לא אלהים המה כי אם מעשׂה ידי אדם עץ ואבן ויאבדום׃
2 Kings 23:7-14
7 ויתץ את בתי הקדשׁים אשׁר בבית יהוה אשׁר הנשׁים ארגות שׁם בתים לאשׁרה׃8 ויבא את כל הכהנים מערי יהודה ויטמא את הבמות אשׁר קטרו שׁמה הכהנים מגבע עד באר שׁבע ונתץ את במות השׁערים אשׁר פתח שׁער יהושׁע שׂר העיר אשׁר על שׂמאול אישׁ בשׁער העיר׃9 אך לא יעלו כהני הבמות אל מזבח יהוה בירושׁלם כי אם אכלו מצות בתוך אחיהם׃10 וטמא את התפת אשׁר בגי בני הנם לבלתי להעביר אישׁ את בנו ואת בתו באשׁ למלך׃11 וישׁבת את הסוסים אשׁר נתנו מלכי יהודה לשׁמשׁ מבא בית יהוה אל לשׁכת נתן מלך הסריס אשׁר בפרורים ואת מרכבות השׁמשׁ שׂרף באשׁ׃12 ואת המזבחות אשׁר על הגג עלית אחז אשׁר עשׂו מלכי יהודה ואת המזבחות אשׁר עשׂה מנשׁה בשׁתי חצרות בית יהוה נתץ המלך וירץ משׁם והשׁליך את עפרם אל נחל קדרון׃13 ואת הבמות אשׁר על פני ירושׁלם אשׁר מימין להר המשׁחית אשׁר בנה שׁלמה מלך ישׂראל לעשׁתרת שׁקץ צידנים ולכמושׁ שׁקץ מואב ולמלכם תועבת בני עמון טמא המלך׃14 ושׁבר את המצבות ויכרת את האשׁרים וימלא את מקומם עצמות אדם׃
2 Kings 23:20
20 ויזבח את כל כהני הבמות אשׁר שׁם על המזבחות וישׂרף את עצמות אדם עליהם וישׁב ירושׁלם׃
1 Chronicles 2:55
55 ומשׁפחות ספרים ישׁבו יעבץ תרעתים שׁמעתים שׂוכתים המה הקינים הבאים מחמת אבי בית רכב׃
1 Chronicles 12:17-18
2 Chronicles 6:16
16 ועתה יהוה אלהי ישׂראל שׁמר לעבדך דויד אבי את אשׁר דברת לו לאמר לא יכרת לך אישׁ מלפני יושׁב על כסא ישׂראל רק אם ישׁמרו בניך את דרכם ללכת בתורתי כאשׁר הלכת לפני׃
2 Chronicles 21:4
4 ויקם יהורם על ממלכת אביו ויתחזק ויהרג את כל אחיו בחרב וגם משׂרי ישׂראל׃
2 Chronicles 21:17
17 ויעלו ביהודה ויבקעוה וישׁבו את כל הרכושׁ הנמצא לבית המלך וגם בניו ונשׁיו ולא נשׁאר לו בן כי אם יהואחז קטן בניו׃
2 Chronicles 22:1-10
1 וימליכו יושׁבי ירושׁלם את אחזיהו בנו הקטן תחתיו כי כל הראשׁנים הרג הגדוד הבא בערבים למחנה וימלך אחזיהו בן יהורם מלך יהודה׃2 בן ארבעים ושׁתים שׁנה אחזיהו במלכו ושׁנה אחת מלך בירושׁלם ושׁם אמו עתליהו בת עמרי׃3 גם הוא הלך בדרכי בית אחאב כי אמו היתה יועצתו להרשׁיע׃4 ויעשׂ הרע בעיני יהוה כבית אחאב כי המה היו לו יועצים אחרי מות אביו למשׁחית׃5 גם בעצתם הלך וילך את יהורם בן אחאב מלך ישׂראל למלחמה על חזאל מלך ארם ברמות גלעד ויכו הרמים את יורם׃6 וישׁב להתרפא ביזרעאל כי המכים אשׁר הכהו ברמה בהלחמו את חזהאל מלך ארם ועזריהו בן יהורם מלך יהודה ירד לראות את יהורם בן אחאב ביזרעאל כי חלה הוא׃7 ומאלהים היתה תבוסת אחזיהו לבוא אל יורם ובבאו יצא עם יהורם אל יהוא בן נמשׁי אשׁר משׁחו יהוה להכרית את בית אחאב׃8 ויהי כהשׁפט יהוא עם בית אחאב וימצא את שׂרי יהודה ובני אחי אחזיהו משׁרתים לאחזיהו ויהרגם׃
2 Chronicles 22:8
2 Chronicles 22:9-10
2 Chronicles 22:10
10 ועתליהו אם אחזיהו ראתה כי מת בנה ותקם ותדבר את כל זרע הממלכה לבית יהודה׃
2 Chronicles 34:3-7
3 ובשׁמונה שׁנים למלכו והוא עודנו נער החל לדרושׁ לאלהי דויד אביו ובשׁתים עשׂרה שׁנה החל לטהר את יהודה וירושׁלם מן הבמות והאשׁרים והפסלים והמסכות׃4 וינתצו לפניו את מזבחות הבעלים והחמנים אשׁר למעלה מעליהם גדע והאשׁרים והפסלים והמסכות שׁבר והדק ויזרק על פני הקברים הזבחים׃5 ועצמות כהנים שׂרף על מזבחותים ויטהר את יהודה ואת ירושׁלם׃6 ובערי מנשׁה ואפרים ושׁמעון ועד נפתלי בהר בתיהם סביב׃7 וינתץ את המזבחות ואת האשׁרים והפסלים כתת להדק וכל החמנים גדע בכל ארץ ישׂראל וישׁב לירושׁלם׃
Ezra 6:11
11 ומני שׂים טעם די כל אנשׁ די יהשׁנא פתגמא דנה יתנסח אע מן ביתה וזקיף יתמחא עלהי וביתה נולו יתעבד על דנה׃
Ezra 10:19
19 ויתנו ידם להוציא נשׁיהם ואשׁמים איל צאן על אשׁמתם׃
Nehemiah 10:29
29 (10:30) מחזיקים על אחיהם אדיריהם ובאים באלה ובשׁבועה ללכת בתורת האלהים אשׁר נתנה ביד משׁה עבד האלהים ולשׁמור ולעשׂות את כל מצות יהוה אדנינו ומשׁפטיו וחקיו׃
Job 13:7
7 הלאל תדברו עולה ולו תדברו רמיה׃
Job 18:19
19 לא נין לו ולא נכד בעמו ואין שׂריד במגוריו׃
Job 21:19
19 אלוה יצפן לבניו אונו ישׁלם אליו וידע׃
Psalms 39:1
1 למנצח לידיתון מזמור לדוד׃ (39:2) אמרתי אשׁמרה דרכי מחטוא בלשׁוני אשׁמרה לפי מחסום בעד רשׁע לנגדי׃
Psalms 78:10
10 לא שׁמרו ברית אלהים ובתורתו מאנו ללכת׃
Psalms 109:8-9
Psalms 109:13
13 יהי אחריתו להכרית בדור אחר ימח שׁמם׃
Psalms 119:9
9 במה יזכה נער את ארחו לשׁמר כדברך׃
Psalms 125:5
5 והמטים עקלקלותם יוליכם יהוה את פעלי האון שׁלום על ישׂראל׃
Proverbs 4:23
23 מכל משׁמר נצר לבך כי ממנו תוצאות חיים׃
Proverbs 13:20
20 הלוך את חכמים וחכם ורעה כסילים ירוע׃
Proverbs 27:2
2 יהללך זר ולא פיך נכרי ואל שׂפתיך׃
Proverbs 29:5
5 גבר מחליק על רעהו רשׁת פורשׂ על פעמיו׃
Isaiah 5:3
3 ועתה יושׁב ירושׁלם ואישׁ יהודה שׁפטו נא ביני ובין כרמי׃
Isaiah 14:21-22
Isaiah 27:4
4 חמה אין לי מי יתנני שׁמיר שׁית במלחמה אפשׂעה בה אציתנה יחד׃
Jeremiah 27:7-8
Jeremiah 27:17
17 אל תשׁמעו אליהם עבדו את מלך בבל וחיו למה תהיה העיר הזאת חרבה׃
Jeremiah 35:6-10
6 ויאמרו לא נשׁתה יין כי יונדב בן רכב אבינו צוה עלינו לאמר לא תשׁתו יין אתם ובניכם עד עולם׃7 ובית לא תבנו וזרע לא תזרעו וכרם לא תטעו ולא יהיה לכם כי באהלים תשׁבו כל ימיכם למען תחיו ימים רבים על פני האדמה אשׁר אתם גרים שׁם׃8 ונשׁמע בקול יהונדב בן רכב אבינו לכל אשׁר צונו לבלתי שׁתות יין כל ימינו אנחנו נשׁינו בנינו ובנתינו׃9 ולבלתי בנות בתים לשׁבתנו וכרם ושׂדה וזרע לא יהיה׃10 ונשׁב באהלים ונשׁמע ונעשׂ ככל אשׁר צונו יונדב אבינו׃
Jeremiah 35:14-19
14 הוקם את דברי יהונדב בן רכב אשׁר צוה את בניו לבלתי שׁתות יין ולא שׁתו עד היום הזה כי שׁמעו את מצות אביהם ואנכי דברתי אליכם השׁכם ודבר ולא שׁמעתם אלי׃15 ואשׁלח אליכם את כל עבדי הנבאים השׁכים ושׁלח לאמר שׁבו נא אישׁ מדרכו הרעה והיטיבו מעלליכם ואל תלכו אחרי אלהים אחרים לעבדם ושׁבו אל האדמה אשׁר נתתי לכם ולאבתיכם ולא הטיתם את אזנכם ולא שׁמעתם אלי׃16 כי הקימו בני יהונדב בן רכב את מצות אביהם אשׁר צום והעם הזה לא שׁמעו אלי׃17 לכן כה אמר יהוה אלהי צבאות אלהי ישׂראל הנני מביא אל יהודה ואל כל יושׁבי ירושׁלם את כל הרעה אשׁר דברתי עליהם יען דברתי אליהם ולא שׁמעו ואקרא להם ולא ענו׃18 ולבית הרכבים אמר ירמיהו כה אמר יהוה צבאות אלהי ישׂראל יען אשׁר שׁמעתם על מצות יהונדב אביכם ותשׁמרו את כל מצותיו ותעשׂו ככל אשׁר צוה אתכם׃19 לכן כה אמר יהוה צבאות אלהי ישׂראל לא יכרת אישׁ ליונדב בן רכב עמד לפני כל הימים׃
Jeremiah 44:28-29
Jeremiah 49:19
19 הנה כאריה יעלה מגאון הירדן אל נוה איתן כי ארגיעה אריצנו מעליה ומי בחור אליה אפקד כי מי כמוני ומי יעידני ומי זה רעה אשׁר יעמד לפני׃
Ezekiel 9:5-7
Ezekiel 17:18
18 ובזה אלה להפר ברית והנה נתן ידו וכל אלה עשׂה לא ימלט׃
Ezekiel 22:21-22
Ezekiel 29:18-20
18 בן אדם נבוכדראצר מלך בבל העביד את חילו עבדה גדלה אל צר כל ראשׁ מקרח וכל כתף מרוטה ושׂכר לא היה לו ולחילו מצר על העבדה אשׁר עבד עליה׃19 לכן כה אמר אדני יהוה הנני נתן לנבוכדראצר מלך בבל את ארץ מצרים ונשׂא המנה ושׁלל שׁללה ובזז בזה והיתה שׂכר לחילו׃20 פעלתו אשׁר עבד בה נתתי לו את ארץ מצרים אשׁר עשׂו לי נאם אדני יהוה׃
Ezekiel 33:31
31 ויבואו אליך כמבוא עם וישׁבו לפניך עמי ושׁמעו את דבריך ואותם לא יעשׂו כי עגבים בפיהם המה עשׂים אחרי בצעם לבם הלך׃
Ezekiel 36:27
27 ואת רוחי אתן בקרבכם ועשׂיתי את אשׁר בחקי תלכו ומשׁפטי תשׁמרו ועשׂיתם׃
Daniel 2:5
5 ענה מלכא ואמר לכשׂדיא מלתא מני אזדא הן לא תהודעונני חלמא ופשׁרה הדמין תתעבדון ובתיכון נולי יתשׂמון׃
Daniel 3:29
29 ומני שׂים טעם די כל עם אמה ולשׁן די יאמר שׁלה על אלההון די שׁדרך מישׁך ועבד נגוא הדמין יתעבד וביתה נולי ישׁתוה כל קבל די לא איתי אלה אחרן די יכל להצלה כדנה׃
Daniel 9:10
10 ולא שׁמענו בקול יהוה אלהינו ללכת בתורתיו אשׁר נתן לפנינו ביד עבדיו הנביאים׃
Hosea 1:4
4 ויאמר יהוה אליו קרא שׁמו יזרעאל כי עוד מעט ופקדתי את דמי יזרעאל על בית יהוא והשׁבתי ממלכות בית ישׂראל׃
Hosea 8:5-6
Hosea 10:5
5 לעגלות בית און יגורו שׁכן שׁמרון כי אבל עליו עמו וכמריו עליו יגילו על כבודו כי גלה ממנו׃
Hosea 13:2
2 ועתה יוספו לחטא ויעשׂו להם מסכה מכספם כתבונם עצבים מעשׂה חרשׁים כלה להם הם אמרים זבחי אדם עגלים ישׁקון׃
Joel 1:14
14 קדשׁו צום קראו עצרה אספו זקנים כל ישׁבי הארץ בית יהוה אלהיכם וזעקו אל יהוה׃
Joel 3:2
2 (4:2) וקבצתי את כל הגוים והורדתים אל עמק יהושׁפט ונשׁפטתי עמם שׁם על עמי ונחלתי ישׂראל אשׁר פזרו בגוים ואת ארצי חלקו׃
Joel 3:11-14
Amos 1:3-4
Nahum 1:6
6 לפני זעמו מי יעמוד ומי יקום בחרון אפו חמתו נתכה כאשׁ והצרים נתצו ממנו׃
Zechariah 1:6
6 אך דברי וחקי אשׁר צויתי את עבדי הנביאים הלוא השׂיגו אבתיכם וישׁובו ויאמרו כאשׁר זמם יהוה צבאות לעשׂות לנו כדרכינו וכמעללינו כן עשׂה אתנו׃
Malachi 4:1
1 (3:19) כי הנה היום בא בער כתנור והיו כל זדים וכל עשׂה רשׁעה קשׁ ולהט אתם היום הבא אמר יהוה צבאות אשׁר לא יעזב להם שׁרשׁ וענף׃