Bible verses about "the big bang theory" | Wycliffe

⁶ Forsothe a litil child is borun to vs, and a sone is youun to vs, and prinsehod is maad on his schuldre; and his name schal be clepid Wondurful, A counselour, God, Strong, A fadir of the world to comynge, A prince of pees.

¹ In the bigynnyng was the word, and the word was at God, and God was the word. ² This was in the bigynnyng at God. ³ Alle thingis weren maad bi hym, and withouten hym was maad no thing, that thing that was maad. ⁴ In hym was lijf, and the lijf was the liyt of men; and the liyt schyneth in derknessis, ⁵ and derknessis comprehendiden not it. ⁶ A man was sent fro God, to whom the name was Joon. ⁷ This man cam in to witnessyng, that he schulde bere witnessing of the liyt, that alle men schulden bileue bi hym. ⁸ He was not the liyt, but that he schulde bere witnessing of the liyt. ⁹ There was a very liyt, which liytneth ech man that cometh in to this world. ¹⁰ He was in the world, and the world was maad bi hym, and the world knew hym not. ¹¹ He cam in to his owne thingis, and hise resseyueden hym not. ¹² But hou many euer resseyueden hym, he yaf to hem power to be maad the sones of God, to hem that bileueden in his name; the whiche not of bloodis, ¹³ nether of the wille of fleische, nether of the wille of man, but ben borun of God. ¹⁴ And the word was maad man, and dwellyde among vs, and we han seyn the glorie of hym, as the glorie of the `oon bigetun sone of the fadir, ful of grace and of treuthe. <sup>15</sup> Joon berith witnessyng of hym, and crieth, and seith, This is, whom Y seide, He that schal come aftir me, is maad bifore me, for he was tofor me; <sup>16</sup> and of the plente of hym we alle han takun, and grace for grace. <sup>17</sup> For the lawe was youun bi Moises; but grace and treuthe `is maad bi Jhesu Crist. ¹⁸ No man sai euer God, no but the `oon bigetun sone, that is in the bosum of the fadir, he hath teld out. <sup>19</sup> And this is the witnessyng of Joon, whanne Jewis senten fro Jerusalem prestis and dekenes to hym, that thei schulden axe hym, Who art thou? <sup>20</sup> He knoulechide, and denyede not, and he knoulechide, For Y am not Crist. <sup>21</sup> And thei axiden hym, What thanne? Art thou Elie? And he seide, Y am not. Art thou a profete? And he answeride, Nay. <sup>22</sup> Therfor thei seiden to hym, Who art thou? that we yyue an answere to these that senten vs. What seist thou of thi silf? <sup>23</sup> He seide, Y am a vois of a crier in deseert, Dresse ye the weie of the Lord, as Ysaie, the prophete, seide. <sup>24</sup> And thei that weren sent, weren of the Fariseis. <sup>25</sup> And thei axiden hym, and seiden to hym, What thanne baptisist thou, if thou art not Crist, nether Elie, nether a profete? <sup>26</sup> Joon answeride to hem, and seide, Y baptise in watir, but in the myddil of you hath stonde oon, that ye knowen not; <sup>27</sup> he it is, that schal come aftir me, that was maad bifor me, of whom Y am not worthi to louse the thwong of his schoo. <sup>28</sup> These thingis weren don in Bethanye biyende Jordan, where Joon was baptisyng. <sup>29</sup> Anothir day Joon say Jhesu comynge to hym, and he seide, Lo! the lomb of God; lo! he that doith awei the synnes of the world. <sup>30</sup> This is he, that Y seide of, Aftir me is comun a man, which was maad bifor me; for he was rather than Y. <sup>31</sup> And Y knew hym not, but that he be schewid in Israel, therfor Y cam baptisynge in watir. <sup>32</sup> And Joon bar witnessyng, and seide, That Y saiy the spirit comynge doun as a culuer fro heuene, and dwellide on hym. <sup>33</sup> And Y knew hym not; but he that sente me to baptise in watir, seide to me, On whom thou seest the Spirit comynge doun, and dwellynge on hym, this is he, that baptisith in the Hooli Goost. <sup>34</sup> And Y say, and bar witnessyng, that this is the sone of God. <sup>35</sup> Anothir dai Joon stood, and tweyne of hise disciplis; <sup>36</sup> and he biheeld Jhesu walkinge, and seith, Lo! the lomb of God. <sup>37</sup> And twei disciplis herden hym spekynge, <sup>38</sup> and folewiden Jhesu. And Jhesu turnede, and say hem suynge hym, and seith to hem, What seken ye? And thei seiden to hym, Rabi, that is to seie, Maistir, where dwellist thou? <sup>39</sup> And he seith to hem, Come ye, and se. And thei camen, and sayn where he dwellide; and dwelten with hym that dai. And it was as the tenthe our. <sup>40</sup> And Andrewe, the brother of Symount Petir, was oon of the tweyne, that herden of Joon, and hadden sued hym. <sup>41</sup> This foond first his brother Symount, and he seide to him, We han foundun Messias, that is to seie, Crist; and he ledde him to Jhesu. <sup>42</sup> And Jhesus bihelde hym, and seide, Thou art Symount, the sone of Johanna; thou schalt be clepid Cefas, that is to seie, Petre. <sup>43</sup> And on the morewe he wolde go out in to Galilee, and he foond Filip; and he seith to hym, Sue thou me. <sup>44</sup> Filip was of Bethsaida, the citee of Andrew and of Petre. <sup>45</sup> Filip foond Nathanael, and seide to hym, We han foundun Jhesu, the sone of Joseph, of Nazareth, whom Moyses wroot in the lawe and profetis. <sup>46</sup> And Nathanael seide to hym, Of Nazareth may sum good thing be? <sup>47</sup> Filip seide to hym, Come, and se. Jhesus siy Nathanael comynge to hym, and seide to hym, Lo! verili a man of Israel, in whom is no gile. <sup>48</sup> Nathanael seide to hym, Wherof hast thou knowun me? Jhesus `answerde, and seide to hym, Bifor that Filip clepide thee, whanne thou were vndur the fige tree, Y saiy thee. Nathanael answerde to hym, ⁴⁹ `and seide, Rabi, thou art the sone of God, thou art kyng of Israel. ⁵⁰ Jhesus answerde, and seide to hym, For Y seide to thee, Y sawy thee vndur the fige tre, thou bileuest; thou schalt se more than these thingis. ⁵¹ And he seide to hem, Treuli, treuli, Y seie to you, ye schulen se heuene opened, and the aungels of God stiynge vp and comynge doun on mannys sone.

¹ And it was don, whanne Jhesus hadde endid these wordis, he passide fro Galilee, and cam in to the coostis of Judee ouer Jordan. ² And myche puple suede him, and he heelide hem there. ³ And Farisees camen to him, temptynge him, and seiden, Whether it be leueful to a man to leeue his wijf, for ony cause? ⁴ Which answeride, and seide to hem, Han ye not red, for he that made men at the bigynnyng, made hem male and female? ⁵ And he seide, For this thing a man schal leeue fadir and modir, and he schal draw to his wijf; and thei schulen be tweyne in o fleisch. ⁶ And so thei ben not now tweyne, but o fleisch. Therfor a man departe not that thing that God hath ioyned. ⁷ Thei seien to hym, What thanne comaundide Moises, to yyue a libel of forsakyng, and to leeue of? ⁸ And he seide to hem, For Moises, for the hardnesse of youre herte, suffride you leeue youre wyues; but fro the bigynnyng it was not so. ⁹ And Y seie to you, that who euer leeueth his wijf, but for fornycacioun, and weddith another, doith letcherie; and he that weddith the forsakun wijf, doith letcherie. ¹⁰ His disciplis seien to him, If the cause of a man with a wijf is so, it spedith not to be weddid. ¹¹ And he seide to hem, Not alle men taken this word; but to whiche it is youun. ¹² For ther ben geldingis, whiche ben thus born of the modris wombe; and ther ben geldyngis, that ben maad of men; and there ben geldyngis, that han geldid hem silf, for the kyngdom of heuenes. He that may take, `take he. ¹³ Thanne litle children weren brouyte to hym, that he schulde putte hondis to hem, and preie. ¹⁴ And the disciplis blamyden hem. But Jhesus seide to hem, Suffre ye that litle children come to me, and nyle ye forbede hem; for of siche is the kyngdom of heuenes. ¹⁵ And whanne he hadde put to hem hondis, he wente fro thennus. ¹⁶ And lo! oon cam, and seide to hym, Good maister, what good schal Y do, that Y haue euerlastynge lijf? ¹⁷ Which seith to hym, What axist thou me of good thing? There is o good God. But if thou wolt entre to lijf, kepe the comaundementis. ¹⁸ He seith to hym, Whiche? And Jhesus seide, Thou schalt not do mansleying, thou schalt not do auowtrie, thou schalt not do thefte, thou schalt not seie fals witnessying; ¹⁹ worschipe thi fadir and thi modir, and, thou schalt loue thi neiybore as thi silf. ²⁰ The yonge man seith to hym, Y haue kept alle these thingis fro my youthe, what yit failith to me? ²¹ Jhesus seith to hym, If thou wolt be perfite, go, and sille alle thingis that thou hast, and yyue to pore men, and thou schalt haue tresoure in heuene; and come, and sue me. ²² And whanne the yong man hadde herd these wordis, he wente awei sorewful, for he hadde many possessiouns. ²³ And Jhesus seide to hise disciplis, Y seie to you treuthe, for a riche man of hard schal entre in to the kyngdom of heuenes. ²⁴ And eftsoone Y seie to you, it is liyter a camel to passe thorou a needlis iye, thanne a riche man to entre in to the kyngdom of heuens. ²⁵ Whanne these thingis weren herd, the disciplis wondriden greetli, and seiden, Who thanne may be saaf? ²⁶ Jhesus bihelde, and seide to hem, Anentis men this thing is impossible; but anentis God alle thingis ben possible. ²⁷ Thanne Petre answeride, and seide to hym, Lo! we han forsake alle thingis, and we han suede thee; what thanne schal be to vs? ²⁸ Jhesus seide to hem, Truli I seie to you, that ye that han forsake alle thingis, and han sued me, in the regeneracioun whanne mannus sone schal sitte in the sete of his maieste, ye schulen sitte on twelue setis, demynge the twelue kynredis of Israel. ²⁹ And euery man that forsakith hous, britheren or sistren, fadir or modir, wijf ethir children, or feeldis, for my name, he schal take an hundrid foold, and schal welde euerlastynge lijf. ³⁰ But manye schulen be, the firste the laste, and the laste the firste.

¹ Therfor we bringinge in a word of the bigynnyng of Crist, be we borun to the perfeccioun of hym, not eftsoone leggynge the foundement of penaunce fro deed werkis, and of the feith to God, and of teching of baptimys, ² and of leiynge on of hondis, and of risyng ayen of deed men, and of the euerlastinge doom. ³ And this thing we schulen do, if God schal suffre. ⁴ But it is impossible, that thei that ben onys liytned, and `han tastid also an heuenly yifte, and ben maad parceneris of the Hooli Goost, <sup>5</sup> and netheles han tastid the good word of God, and the vertues of the world to comynge, and ben slidun fer awei, <sup>6</sup> that thei be renewid eftsoone to penaunce. Whiche eftsones crucifien to hem silf the sone of God, and han to scorn. <sup>7</sup> For the erthe that drinkith reyn ofte comynge on it, and bringith forth couenable erbe to hem of whiche it is tilid, takith blessing of God. <sup>8</sup> But that that is bringinge forth thornes and breris, is repreuable, and next to curs, whos endyng schal be in to brennyng. <sup>9</sup> But, ye moost dereworthe, we tristen of you betere thingis, and neer to helthe, thouy we speken so. <sup>10</sup> For God is not vniust, that he foryete youre werk and loue, whiche ye han schewid in his name; for ye han mynystrid to seyntis, `and mynistren. ¹¹ And we coueiten that ech of you schewe the same bisynesse to the fillyng of hope in to the ende; ¹² that ye be not maad slowe, but also sueris of hem, whiche bi feith and pacience schulen enherite the biheestis. ¹³ For God bihetinge to Abraham, for he hadde noon grettere, bi whom he schulde swere, swoor bi hym silf, ¹⁴ and seide, Y blessinge schal blesse thee, and Y multipliynge schal multiplie thee; ¹⁵ and so he long abidinge hadde the biheeste. ¹⁶ For men sweren bi a grettere than hem silf, and the ende of al her ple is an ooth to confirmacioun. ¹⁷ In which thing God willynge to schewe plenteuouslier to the eiris of his biheest the sadnesse of his counsel, ¹⁸ puttide bitwixe an ooth, that bi twey thingis vnmeuable, bi whiche it is impossible that God lie, we han a strengeste solace, `we that fleen togidere to holde the hope that is put forth to vs. ¹⁹ Which hope as an ankir we han sikir to the soule, and sad, and goynge in to the ynnere thingis of hiding; ²⁰ where the bifore goere, Jhesus, that is maad bischop with outen ende bi the ordre of Melchisedech, entride for vs.

¹ Therfor heuenes and erthe ben maad perfit, and al the ournement of tho. ² And God fillide in the seuenthe dai his werk which he made; and he restide in the seuenthe dai fro al his werk which he hadde maad; ³ and he blesside the seuenthe dai, and halewide it; for in that dai God ceesside of al his werk which he made of nouyt, that he schulde make. ⁴ These ben the generaciouns of heuene and of erthe, in the day wherynne the Lord God made heuene and erthe, ⁵ and ech litil tre of erthe bifore that it sprong out in erthe; and he made ech erbe of the feeld bifore that it buriownede. For the Lord God had not reyned on erthe, and no man was that wrouyte erthe; ⁶ but a welle stiede out of the erthe, and moistide al the hiyere part of erthe. ⁷ Therfor the Lord God formede man of the sliym of erthe, and brethide in to his face the brething of lijf; and man was maad in to a lyuynge soule. ⁸ Forsothe the Lord God plauntide at the bigynnyng paradis of likyng, wherynne he settide man whom he hadde formed. ⁹ And the Lord God brouyte forth of the erthe ech tre fair in siyt, and swete to ete; also he brouyte forth the tre of lijf in the middis of paradis, and the tre of kunnyng of good and of yuel. ¹⁰ And a ryuer yede out fro the place of likyng to moyste paradis, which ryuer is departid fro thennus in to foure heedis. ¹¹ The name of the o ryuer is Fyson, thilke it is that cumpassith al the lond of Euilath, where gold cometh forth, ¹² and the gold of that lond is the beste, and there is foundun delium, that is, a tree of spicerie, and the stoon onychyn; ¹³ and the name to the secounde ryuer is Gyon, thilke it is that cumpassith al the loond of Ethiopie; ¹⁴ forsothe the name of the thridde ryuer is Tigris, thilke goith ayens Assiriens; sotheli the fourthe ryuer is thilke Eufrates. ¹⁵ Therfor the Lord God took man, and settide hym in paradis of likyng, that he schulde worche and kepe it. ¹⁶ And God comaundide to hym and seide, Ete thou of ech tre of paradis; ¹⁷ forsothe ete thou not of the tre of kunnyng of good and of yuel; for in what euere dai thou schalt ete therof, thou schalt die bi deeth. ¹⁸ And the Lord God seide, It is not good that a man be aloone, make we to hym an help lijk to hym silf. ¹⁹ Therfor whanne alle lyuynge beestis of erthe, and alle the volatils of heuene weren formed of erthe, the Lord God brouyte tho to Adam, that he schulde se what he schulde clepe tho; for al thing that Adam clepide of lyuynge soule, thilke is the name therof. ²⁰ And Adam clepide bi her names alle lyuynge thingis, and alle volatils, and alle vnresonable beestis of erthe. Forsothe to Adam was not foundun an helpere lijk hym. ²¹ Therfore the Lord God sente sleep in to Adam, and whanne he slepte, God took oon of hise ribbis, and fillide fleisch for it. ²² And the Lord God bildide the rib which he hadde take fro Adam in to a womman, and brouyte hir to Adam. ²³ And Adam seide, This is now a boon of my boonys, and fleisch of my fleisch; this schal be clepid virago, `for she is takun of man. ²⁴ Wherfor a man schal forsake fadir and modir, and schal cleue to his wijf, and thei schulen be tweyne in o fleisch. ²⁵ Forsothe euer eithir was nakid, that is, Adam and his wijf, and thei weren not aschamed.

³ Bi feith we vndurstonden that the worldis weren maad bi Goddis word, that visible thingis weren maad of vnuysible thingis.

³ And God seide, Liyt be maad, and liyt was maad.

⁵ The Lord God seith these thingis, makynge heuenes of noyt, and stretchynge forth tho, makynge stidfast the erthe, and tho thingis that buriownen of it, yyuynge breeth to the puple, that is on it, and yyuynge spirit to hem that treden on it.

⁸ But, ye moost dere, this o thing be not hid to you, that o dai anentis God is as a thousynde yeeris, and a thousynde yeeris ben as o dai.

¹ In the bigynnyng was the word, and the word was at God, and God was the word.

¹³ And myn hond foundide the erthe, and my riyt hond mat heuenes; Y schal clepe tho, and tho schulen stonde togidere.

¹ In the bigynnyng God made of nouyt heuene and erthe.

¹ In the bigynnyng God made of nouyt heuene and erthe. ² Forsothe the erthe was idel and voide, and derknessis weren on the face of depthe; and the Spiryt of the Lord was borun on the watris. ³ And God seide, Liyt be maad, and liyt was maad. ⁴ And God seiy the liyt, that it was good, and he departide the liyt fro derknessis; and he clepide the liyt, ⁵ dai, and the derknessis, nyyt. And the euentid and morwetid was maad, o daie. ⁶ And God seide, The firmament be maad in the myddis of watris, and departe watris fro watris. ⁷ And God made the firmament, and departide the watris that weren vndur the firmament fro these watris that weren on the firmament; and it was don so. ⁸ And God clepide the firmament, heuene. And the euentid and morwetid was maad, the secounde dai. ⁹ Forsothe God seide, The watris, that ben vndur heuene, be gaderid in to o place, and a drie place appere; and it was doon so. ¹⁰ And God clepide the drie place, erthe; and he clepide the gadryngis togidere of watris, the sees. And God seiy that it was good; ¹¹ and seide, The erthe brynge forth greene eerbe and makynge seed, and appil tre makynge fruyt bi his kynde, whos seed be in it silf on erthe; and it was doon so. ¹² And the erthe brouyte forth greene erbe and makynge seed bi his kynde, and a tre makynge fruyt, and ech hauynge seed by his kynde. And God seiy that it was good. ¹³ And the euentid and morwetid was maad, the thridde dai. ¹⁴ Forsothe God seide, Liytis be maad in the firmament of heuene, and departe tho the dai and niyt; and be tho in to signes, and tymes, and daies, and yeeris; ¹⁵ and shyne tho in the firmament of heuene, and liytne tho the erthe; and it was doon so. ¹⁶ And God made twei grete liytis, the gretter liyt that it schulde be bifore to the dai, and the lesse liyt that it schulde be bifore to the niyt; ¹⁷ and God made sterris; and settide tho in the firmament of heuene, that tho schulden schyne on erthe, ¹⁸ and that tho schulden be bifore to the dai and nyyt, and schulden departe liyt and derknesse. And God seiy that it was good. ¹⁹ And the euentid and the morwetid was maad, the fourthe dai. ²⁰ Also God seide, The watris brynge forth a `crepynge beeste of lyuynge soule, and a brid fleynge aboue erthe vndur the firmament of heuene. <sup>21</sup> And God made of nouyt grete whallis, and ech lyuynge soule and mouable, whiche the watris han brouyt forth in to her kyndis; and God made of nouyt ech volatile bi his kynde. And God seiy that it was good; <sup>22</sup> and blesside hem, and seide, Wexe ye, and be ye multiplied, and fille ye the watris of the see, and briddis be multiplied on erthe. <sup>23</sup> And the euentid and the morwetid was maad, the fyuethe dai. <sup>24</sup> And God seide, The erthe brynge forth a lyuynge soul in his kynde, werk beestis, and `crepynge beestis, and vnresonable beestis of erthe, bi her kyndis; and it was don so. ²⁵ And God made vnresonable beestis of erthe bi her kyndes, and werk beestis, `and ech crepynge beeste of erthe in his kynde. And God seiy that it was good; and seide, <sup>26</sup> Make we man to oure ymage and liknesse, and be he souereyn to the fischis of the see, and to the volatilis of heuene, and to vnresonable beestis of erthe, and to ech creature, and to ech `crepynge beest, which is moued in erthe. ²⁷ And God made of nouyt a man to his ymage and liknesse; God made of nouyt a man, to the ymage of God; God made of nouyt hem, male and female. ²⁸ And God blesside hem, and seide, Encreesse ye, and be ye multiplied, and fille ye the erthe, and make ye it suget, and be ye lordis to fischis of the see, and to volatilis of heuene, and to alle lyuynge beestis that ben moued on erthe. ²⁹ And God seide, Lo! Y haue youe to you ech eerbe berynge seed on erthe, and alle trees that han in hem silf the seed of her kynde, that tho be in to mete to you; ³⁰ and to alle lyuynge beestis of erthe, and to ech brid of heuene, and to alle thingis that ben moued in erthe, and in whiche is a lyuynge soule, that tho haue to ete; and it was doon so. ³¹ And God seiy alle thingis whiche he made, and tho weren ful goode. And the euentid and morwetid was maad, the sixte day.