Titus 3:14 Cross References - Wycliffe

¹⁴ Thei that ben of ouris, lerne to be gouernouris in good werkis, to necessarie vsis, that thei be not with out fruyt.

³ that Y schulde sette coumfort to the moureneris of Sion, and that Y schulde yyue to them a coroun for aische, oile of ioie for mourenyng, a mentil of preysyng for the spirit of weilyng. And stronge men of riytfulnesse schulen be clepid ther ynne, the plauntyng of the Lord for to glorifie.

¹⁹ Euery tre that makith not good fruyt, schal be kyt doun, and schal be cast in to the fier.

¹⁹ And he saye a fige tree bisidis the weie, and cam to it, and foond no thing ther ynne but leeues oneli. And he seide to it, Neuer fruyt come forth of thee, in to with outen eende, And anoon the fige tre was dried vp.

⁶ And he seide this liknesse, A man hadde a fige tre plauntid in his vynyerd, and he cam sekynge fruyt in it, and foond noon. ⁷ And he seide to the tilier of the vynyerd, Lo! thre yeeris ben, sithen Y come sekynge fruyt in this fige tre, and Y fynde noon; therfor kitte it doun, whereto ocupieth it the erthe? ⁸ And he answerynge seide to hym, Lord, suffre it also this yeer, the while Y delue aboute it, and Y schal donge it; ⁹ if it schal make fruyt, if nay, in tyme comynge thou schalt kitte it doun.

⁸ In this thing my fadir is clarified, that ye brynge forth ful myche fruyt, and that ye be maad my disciplis.

¹⁶ Ye han not chosun me, but Y chees you; and Y haue put you, that ye go, and brynge forth fruyt, and youre fruyt dwelle; that what euere thing ye axen the fadir in my name, he yyue to you.

³ And for he was of the same craft, he dwellide with hem, and wrouyte; and thei weren of roopmakeris craft.

³⁵ Alle these thingis Y schewide to you, for so it bihoueth men trauelinge to resseyue sike men, and to haue mynde of the `word of the Lord Jhesu; for he seide, It is more blesful to yyue, than to resseyue.

²⁸ Therfor whanne Y haue endid this thing, and haue asigned to hem this fruyt, Y schal passe bi you in to Spayne.

²⁸ He that stal, now stele he not; but more trauele he in worchinge with hise hondis that that is good, that he haue whereof he schal yyue to nedi.

¹¹ fillid with the fruyt of riytwysnesse bi Jhesu Crist, in to the glory and the heriyng of God.

¹⁷ Not for Y seke yifte, but Y requyre fruyt aboundinge in youre resoun.

¹⁰ that ye walke worthili to God plesynge bi alle thingis, and make fruyt in al good werk, and wexe in the science of God,

⁹ For, britheren, ye ben myndeful of oure trauel and werynesse; we worchiden nyyt and day, that we schulden not greue ony of you, and prechiden to you the euangelie of God.

⁸ nethir with outen oure owne trauel we eeten breed of ony man, but in trauel and werynesse worchiden niyt and dai, that we greuyden noon of you.

⁸ A trewe word is, and of these thingis Y wole that thou conferme othere, that thei that bileuen to God, be bisy to be aboue othere in good werkis. These thingis ben good, and profitable to men.

⁶ that thei be renewid eftsoone to penaunce. Whiche eftsones crucifien to hem silf the sone of God, and han to scorn. ⁷ For the erthe that drinkith reyn ofte comynge on it, and bringith forth couenable erbe to hem of whiche it is tilid, takith blessing of God. ⁸ But that that is bringinge forth thornes and breris, is repreuable, and next to curs, whos endyng schal be in to brennyng. ⁹ But, ye moost dereworthe, we tristen of you betere thingis, and neer to helthe, thouy we speken so. ¹⁰ For God is not vniust, that he foryete youre werk and loue, whiche ye han schewid in his name; for ye han mynystrid to seyntis, `and mynistren. ¹¹ And we coueiten that ech of you schewe the same bisynesse to the fillyng of hope in to the ende; ¹² that ye be not maad slowe, but also sueris of hem, whiche bi feith and pacience schulen enherite the biheestis.

⁸ For if these ben with you, and ouercomen, thei schulen not make you voide, nethir with out fruyt, in the knowyng of oure Lord Jhesu Crist.