Romans 3:5 Cross References - Wycliffe

⁵ But if oure wickidnesse comende the riytwisnesse of God, what shulen we seie? Whether God is wickid, that bryngith in wraththe?

³⁹ Se ye that Y am aloone, and noon other God is outakun me; Y schal sle, and Y schal make to lyue; Y schal smyte, and Y schal make hool; and noon is that may delyuere fro myn hond. ⁴⁰ And Y schal reise myn hond to heuene, and Y schal seie, Y lyue with outen ende. ⁴¹ If Y schal whette my swerd as leit, and myn hond schal take doom, Y schal yelde veniaunce to myn enemyes, and Y schal quyte to hem that haten me. ⁴² Y schal fille myn arewis with blood, and my swerd schal deuoure fleischis of the blood of hem that ben slayn, and of the caitifte of the heed of enemyes maad nakid. ⁴³ Folkis, preise ye the puplis of hym, for he schal venie the blood of hise seruauntis, and he schal yelde veniaunce in to the enemyes of hem; and he schal be merciful to the lond of his puple.

¹⁰ I schal kepe my strengthe to thee; ¹¹ for God is myn vptaker, my God, his mercy schal come byfore me.

¹ The foure and nyntithe salm. Come ye, make we ful out ioie to the Lord; hertli synge we to God, oure heelthe. ² Bifore ocupie we his face in knowleching; and hertli synge we to him in salmes.

² The Lord is a punyschere, and the Lord is vengynge; the Lord is venginge, and hauynge strong veniaunce; the Lord is vengynge ayens hise aduersaries, and he is wraththing to hise enemyes.

⁶ Who schal stonde bifore the face of his indignacioun? and who schal ayenstonde in the wraththe of his stronge veniaunce? His indignacioun is sched out as fier, and stoonys ben brokun of hym. ⁷ The Lord is good, and coumfortynge in the dai of tribulacioun, and knowynge hem that hopen in hym. ⁸ And in greet flood passynge forth, he schal make ende of his place; and derknessis schulen pursue hise enemyes.

⁵ But aftir thin hardnesse and vnrepentaunt herte, thou tresorist to thee wraththe in the dai of wraththe and of schewyng of the riytful doom of God,

⁷ For if the treuthe of God hath aboundid in my lessyng, in to the glorie of hym, what yit am Y demed as a synner?

¹⁹ And we witen, that what euere thingis the lawe spekith, it spekith to hem that ben in the lawe, that ech mouth be stoppid, and ech world be maad suget to God.

²⁵ Whom God ordeynede foryyuer, bi feith in his blood, to the schewyng of his riytwisnesse, for remyssioun of biforgoynge synnes, ²⁶ in the beryng up of God, to the schewyng of his riytwisnesse in this tyme, that he be iust, and iustifyynge hym that is of the feith of Jhesu Crist.

¹ What thanne schulen we seie, that Abraham oure fadir aftir the flesch foond?

¹ Therfor what schulen we seie? Schulen we dwelle in synne, that grace be plenteuouse?

¹⁹ Y seie that thing that is of man, for the vnstidefastnesse of youre fleisch. But as ye han youun youre membris to serue to vnclennesse, and to wickidnesse `in to wickidnesse, so now yyue ye youre membris to serue to riytwisnesse in to hoolynesse.

⁷ What therfor schulen we seie? The lawe is synne? God forbede. But Y knew not synne, but bi lawe; for Y wiste not that coueitynge was synne, but for the lawe seide, Thou schalt not coueyte.

²⁰ But the creature is suget to vanyte, not willynge, but for hym that made it suget in hope; ²¹ for the ilke creature schal be delyuered fro seruage of corrupcioun in to liberte of the glorie of the sones of God.

¹³ that the more schulde serue the lesse, as it is writun, Y louede Jacob, but Y hatide Esau. ¹⁴ What therfor schulen we seie? Whether wickidnesse be anentis God?

¹⁸ Therfor of whom God wole, he hath merci; and whom he wole, he endurith. ¹⁹ Thanne seist thou to me, What is souyt yit? for who withstondith his wille? ²⁰ O! man, who art thou, that answerist to God? Whether a maad thing seith to hym that made it, What hast thou maad me so?

¹⁹ Ye moost dere britheren, not defendynge you silf, but yyue ye place to wraththe; for it is writun, The Lord seith, To me veniaunce, and Y schal yelde.

⁸ Whether aftir man Y sey these thingis? whether also the lawe seith not these thingis?

³² If aftir man Y haue fouyten to beestis at Efesi, what profitith it to me, if deed men risen not ayen? Ete we, and drynke we, for we schulen die to morewe.

¹⁵ Britheren, Y seie aftir man, no man dispisith the testament of a man that is confermed, or ordeyneth aboue.

⁶ If netheles it is iust tofor God to quite tribulacioun to hem that troblen you, ⁷ and to you that ben troblid, rest with vs in the schewing of the Lord Jhesu fro heuene, with aungelis of his vertu, ⁸ in the flawme of fier, that schal yyue veniaunce to hem that knowen not God, and that obeien not to the euangelie of oure Lord Jhesu Crist. ⁹ Whiche schulen suffre euere lastinge peynes, in perischinge fro the face of the Lord, and fro the glorie of his vertu,

³ and syngynge the song of Moises, the seruaunt of God, and the song of the lomb, and seiden, Grete and wondurful ben thi werkis, Lord God almyyti; thi weies ben iust and trewe, Lord, kyng of worldis.

⁵ Just art thou, Lord, that art, and that were hooli, that demest these thingis; ⁶ for thei schedden out the blood of halewis and prophetis, and thou hast youun to hem blood to drinke; for thei ben worthi. ⁷ And I herde anothir seiynge, Yhe! Lord God almiyti, trewe and iust ben thi domes.

²⁰ Heuene, and hooli apostlis, and prophetis, make ye ful out ioye on it, for God hath demed youre dom of it.