Romans 2:7 Cross References - Wycliffe

⁷ sotheli to hem that ben bi pacience of good werk, glorie, and onour, and vncorrupcioun, to hem that seken euerlastynge lijf;

⁹ And a iust man schal holde his weie, and he schal adde strengthe to clene hondis.

³ For thin arowis ben fitchid in me; and thou hast confermed thin hond on me.

²⁵ Teth. The Lord is good to hem that hopen in to hym, to a soule sekynge hym. ²⁶ Teth. It is good to abide with stilnesse the helthe of God.

¹² And for wickidnesse schal `be plenteuouse, the charite of manye schal wexe coold; ¹³ but he that schal dwelle stable in to the ende, schal be saaf.

¹⁵ But that that fel in to good erthe, ben these that, in a good herte, and best heren the word, and holdun, and brengen forth fruyt in pacience.

⁴⁴ Hou moun ye bileue, that resseyuen glorie ech of othere, and ye seken not the glorie `that is of God aloone?

⁶⁶ And he seide, Therfor Y seide to you, that no man may come to me, but it were youun to hym of my fadir. ⁶⁷ Fro this tyme many of hise disciplis wenten abak, and wenten not now with hym. ⁶⁸ Therfor Jhesus seide to the twelue, Whether ye wolen also go awei? ⁶⁹ And Symount Petre answeride to hym, Lord, to whom schulen we gon? Thou hast wordis of euerlastynge lijf;

¹⁰ but glorie, and honour, and pees, to ech man that worchith good thing, to the Jew first, and to the Greke.

¹⁸ And Y deme, that the passiouns of this tyme ben not worthi to the glorie to comynge, that schal be schewid in vs.

²⁴ But bi hope we ben maad saaf. For hope that is seyn, is not hope; for who hopith that thing, that he seeth? ²⁵ And if we hopen that thing that we seen not, we abiden bi pacience.

²³ to schewe the riytchessis of his glorie in to vessels of merci, whiche he made redi in to glorie.

⁵³ For it byhoueth this corruptible thing to clothe vncorrupcioun, and this deedli thing to putte awei vndeedlinesse. ⁵⁴ But whanne this deedli thing schal clothe vndeedlynesse, thanne schal the word be doon, that is writun, Deth is sopun vp in victorie.

⁵⁸ Therfore, my dereworthe britheren, be ye stidefast, and vnmouable, beynge plenteuouse in werk of the Lord, euere more witynge that youre trauel is not idel in the Lord.

¹⁶ For which thing we failen not, for thouy oure vtter man be corruptid; netheles the ynner man is renewid fro dai to dai. ¹⁷ But that liyt thing of oure tribulacioun that lastith now, but as it were by a moment, worchith in vs ouer mesure an euerlastynge birthin in to the heiynesse of glorie; ¹⁸ while that we biholden not tho thingis that ben seyn, but tho that ben not seyn. For tho thingis that ben seyn, ben but durynge for a schort tyme; but tho thingis that ben not seyn, ben euerlastynge.

⁹ And doynge good faile we not; for in his tyme we schal repe, not failinge.

²⁷ to whiche God wold make knowun the richessis of the glorie of this sacrament in hethene men, which is Crist in you, the hope of glorie.

¹⁰ but now it is opyn bi the liytnyng of oure sauyour Jhesu Crist, which destriede deth, and liytnede lijf and vncorrupcioun bi the gospel.

⁷ Y haue stryuun a good strijf, Y haue endid the cours, Y haue kept the feith. ⁸ In `the tothir tyme a coroun of riytwisnesse is kept to me, which the Lord, a iust domesman, schal yelde to me in that dai; and not oneli to me, but also to these that louen his comyng.

¹² that ye be not maad slowe, but also sueris of hem, whiche bi feith and pacience schulen enherite the biheestis.

¹⁵ and so he long abidinge hadde the biheeste.

³⁵ Therfor nyle ye leese youre trist, which hath greet rewarding. ³⁶ For pacience is nedeful to you, that ye do the wille of God, and bringe ayen the biheest.

⁷ Therfor, britheren, be ye pacient, til to the comyng of the Lord. Lo! an erthetilier abidith preciouse fruyt of the erthe, paciently suffrynge, til he resseyue `tymeful and lateful fruyt. ⁸ And be ye pacient, and conferme ye youre hertis, for the comyng of the Lord schal neiye.

⁷ that the preuyng of youre feith be myche more preciouse than gold, that is preuyd bi fier; and be foundun in to heriyng, and glorie, and onour, in the reuelacioun of Jhesu Crist. ⁸ Whom whanne ye han not seyn, ye louen; in to whom also now ye not seynge, bileuen; but ye that bileuen schulen haue ioye, and gladnesse that may not be teld out,

¹³ but comyne ye with the passiouns of Crist, and haue ye ioye, that also ye be glad, and haue ioye in the reuelacioun of his glorie. ¹⁴ If ye ben dispisid for the name of Crist, ye schulen be blessid; for that that is of the onour, and of the glorie, and of the vertu of God, and the spirit that is his, schal reste on you.

²⁵ And this is the biheeste, that he bihiyte to vs euerlastinge lijf.

¹⁰ Drede thou no thing of these thingis, whiche thou schalt suffre. Lo! the deuel schal sende summe of you in to prisoun, that ye be temptid; and ye schulen haue tribulacioun ten daies. Be thou feithful to the deth, and Y schal yyue to thee a coroun of lijf. ¹¹ He that hath eeris, here he, what the spirit seith to the chirchis. He that ouercometh, schal not be hirt of the secounde deth.