Romans 15:32 Cross References - Wycliffe

³² that Y come to you in ioye, bi the wille of God, and that Y be refreischid with you. And God of pees be with you alle. Amen.

¹³ As the coold of snow in the dai of heruest, so a feithful messanger to hym that sente `thilke messanger, makith his soule to haue reste.

²¹ he consentide not, but he made `fare wel, and seide, Eft Y schal turne ayen to you, if God wole; and he wente forth fro Effesi.

¹ But as it was demed hym to schippe into Ytalie, thei bitoken Poul with othere kepers to a centurien, bi name Julius, of the cumpeny of knyytis of the emperoure.

⁴¹ And whanne we felden into a place of grauel gon al aboute with the see, thei hurtliden the schip. And whanne the formere part was fitchid, it dwellide vnmouable, and the last part was brokun of strengthe of the see. ⁴² And counsel of the kniytis was, to sle men that weren in warde, lest ony schulde ascape, whanne he hadde swymmed out. ⁴³ But the centurien wolde kepe Poul, and forbede it to be don. And he comaundide hem that miyte swymme, to go in to the see, and scape, and go out to the loond.

¹⁵ And fro thennus whanne britheren hadden herd, thei camen to vs to the cheping of Appius, and to the Thre tauernes. ¹⁶ And whanne Poul hadde seyn hem, he dide thankyngis to God, and took trist. And whanne `we camen to Rome, it was suffrid to Poul to dwelle bi hym silf, with a kniyt kepinge him.

³⁰ And he dwellide ful twei yeer in his hirid place; and he resseyuede alle that entryden to hym, ³¹ and prechide the kingdom of God, and tauyte tho thingis that ben of the Lord Jhesu Crist, with al trist, with out forbedyng. Amen.

¹⁰ that with outen ceessyng Y make mynde of you euere in my preieris, and biseche, if in ony maner sum tyme Y haue a spedi weie in the wille of God to come to you. ¹¹ For Y desire to se you, to parten sumwhat of spiritual grace, ¹² that ye be confermyd, that is, to be coumfortid togidere in you, bi feith that is bothe youre and myn togidere. ¹³ And, britheren, Y nyle, that ye vnknowun, that ofte Y purposide to come to you, and Y am lett to this tyme, that Y haue sum fruyt in you, as in othere folkis.

²³ And now Y haue not ferthere place in these cuntrees, but Y haue desire to come to you, of many yeris that ben passid. ²⁴ Whanne Y bygynne to passe in to Spayne, Y hope that in my goyng Y schal se you, and of you Y schal be led thidur, if Y vse you first in parti.

¹⁹ but Y schal come to you soone, if God wole; and Y schal knowe not the word of hem that ben blowun with pride, but the vertu.

¹⁸ for thei filliden that thing that failide to you; for thei han refreischid bothe my spirit and youre. Therfor knowe ye hem, that ben suche maner men.

¹³ Therfor we ben coumfortid, but in youre coumfort more plenteuousli we ioyeden more on the ioie of Tite, for his spirit is fulfillid of alle you.

¹² For, britheren, Y wole that ye wite, that the thingis that ben aboute me han comun more to the profit of the gospel, ¹³ so that my boondis weren maad knowun in Crist, in ech moot halle, and in alle other placis; ¹⁴ that mo of britheren tristinge in the Lord more plenteuously for my boondis, dursten without drede speke the word of God.

⁶ But now, whanne Tymothe schal come to vs fro you, and telle to vs youre feith and charite, and that ye han good mynde of vs, euere desyringe to se vs, as we also you; ⁷ therfor, britheren, we ben coumfortid in you, in al oure nede and tribulacioun, bi youre feith. ⁸ For now we lyuen, if ye stonden in the Lord. ⁹ For what doyng of thankingis moun we yelde to God for you, in al ioye, in which we ioyen for you bifor oure Lord? ¹⁰ nyyt and dai more plenteuousli preiynge, that we se youre face, and fulfille tho thingis that failen to youre feith.

¹⁶ The Lord yyue merci to the hous of Onesyforus, for ofte he refreischide me, and schamyde not my chayne.

⁷ And Y hadde greet ioye and coumfort in thi charite, for the entrailis of hooli men restiden bi thee, brother.

²⁰ So, brothir, Y schal vse thee in the Lord; fille thou myn entrails in Crist.

¹⁵ For what is youre lijf? A smoke apperinge at a litil, and aftirward it schal be wastid. Therfor that ye seie, If the Lord wole, and if we liuen, we schulen do this thing, ether that thing.