Romans 15:18 Cross References - Wycliffe

¹⁸ For Y dar not speke ony thing of tho thingis, whiche Crist doith not bi me, in to obedience of hethene men, in word and dedis,

¹⁴ A cloude and wind, and reyn not suynge, is a gloriouse man, and not fillynge biheestis.

¹⁸ And Jhesus cam nyy, and spak to hem, and seide, Al power in heuene and in erthe is youun to me. ¹⁹ Therfor go ye, and teche alle folkis, baptisynge hem in the name of the Fadir, and of the Sone, and of the Hooli Goost; ²⁰ techynge hem to kepe alle thingis, what euer thingis Y haue comaundid to you; and lo! Y am with you in alle daies, in to the ende of the world.

²⁰ And thei yeden forth, and prechiden euery where, for the Lord wrouyte with hem, and confermyde the word with signes folewynge.

²⁷ And thei dwelliden not a litil tyme with the disciplis.

⁴ And whanne thei camen to Jerusalem, thei weren resseyued of the chirche and of the apostlis, and of the eldre men, and telden, hou greet thingis God dide with hem.

¹² And al the multitude helde pees, and herden Barnaban and Poul, tellinge hou grete signes and wondris God dide bi hem in hethene men.

¹⁹ Whiche whanne he hadde gret, he telde bi alle thingis, what God hadde doon in hethene men, bi the mynysterie of hym.

²⁰ but Y tolde to hem that been at Damask first, and at Jerusalem, and bi al the cuntre of Judee, and to hethene men, that thei schulden do penaunce, and be conuertid to God, and do worthi werkis of penaunce.

⁵ bi whom we han resseyued grace and the office of apostle, to obeie to the feith in alle folkis for his name,

¹⁷ But Y thanke God, that ye weren seruauntis of synne; but ye han obeischid of herte in to that fourme of techyng, in which ye ben bitakun.

²⁶ which mysterie is now maad opyn bi scripturis of prophetis, bi the comaundement of God with outen bigynnyng and endyng, to the obedience of feith in alle hethene men, the mysterie

⁶ Y plauntide, Apollo moystide, but God yaf encreessyng. ⁷ Therfor nether he that plauntith is ony thing, nethir he that moistith, but God that yiueth encreessyng. ⁸ And he that plauntith, and he that moistith, ben oon; and ech schal take his owne mede, aftir his trauel. ⁹ For we ben the helperis of God; ye ben the erthetiliyng of God, ye ben the bildyng of God.

¹ Bigynnen we therfor eftsoone to preise vs silf? or whether we neden, as summen, pistlis of preisinge to you, or of you? ² Ye ben oure pistle, writun in oure hertis, which is knowun and red of alle men, ³ and maad opyn, for ye ben the pistle of Crist mynystrid of vs, and writun, not with enke, but bi the spirit of the lyuynge God; not in stony tablis, but in fleischli tablis of herte.

¹ But we helpynge monesten, that ye resseyuen not the grace of God in veyn.

⁴ For the armuris of oure knyythod ben not fleischli, but myyti bi God to the distruccioun of strengthis. And we distrien counsels, ⁵ and alle hiynesse that hiyeth it silf ayens the science of God, and dryuen `in to caitifte al vndirstonding in to the seruyce of Crist.

¹³ For we schulen not haue glorie ouer mesure, but bi the mesure of the reule which God mesuride to vs, the mesure that stretchith to you. ¹⁴ For we ouerstretchen not forth vs, as not stretchinge to you. For to you we camen in the gospel of Crist, ¹⁵ not gloriynge ouer mesure in othere mennus trauelis. For we `han hope of youre feith that wexith in you to be magnefied bi oure reule in abundaunce, ¹⁶ also to preche in to tho thingis that ben biyendis you, not to haue glorie in othere mennus reule, in these thingis that ben maad redi. ¹⁷ He that glorieth, haue glorie in the Lord. ¹⁸ For not he that comendith hym silf is preuyd, but whom God comendith.

³¹ God and the fadir of oure Lord Jhesu Crist, that is blessid in to worldis, woot that Y lie not.

⁶ For if Y schal wilne to glorie, Y schal not be vnwijs, for Y schal seie treuthe; but Y spare, lest ony man gesse me ouer that thing that he seeth in me, or herith ony thing of me.

⁸ for he that wrouyte to Petre in apostlehed of circumcisioun, wrouyte also to me among the hethene;

¹⁷ Al thing, what euere thing ye don, in word or in dede, alle thingis in the name of oure Lord Jhesu Crist, doynge thankyngis to God and to the fadir bi hym.

⁹ and he brouyt to the ende is maad cause of euerlastinge heelthe to alle that obeischen to hym, and is clepid of God a bischop,

⁸ By feith he that is clepid Abraham, obeiede to go out in to a place, whiche he schulde take in to eritage; and he wente out, not witinge whidur he schulde go.

²² But be ye doeris of the word, and not hereris oneli, disseiuynge you silf.

¹⁸ Mi litle sones, loue we not in word, nethir in tunge, but in werk and treuthe.

⁹ Whanne Myyhel, arkaungel, disputide with the deuel, and stroof of Moises bodi, he was not hardi to brynge in dom of blasfemye, but seide, The Lord comaunde to thee.