Romans 14:7 Cross References - Wycliffe

⁷ For no man of vs lyueth to hymsilf, and no man dieth to hymself.

⁹ For whi for this thing Crist was deed, and roos ayen, that he be Lord bothe of quyke and of deed men.

¹⁹ Whether ye witen not, that youre membris ben the temple of the Hooli Goost, that is in you, whom ye han of God, and ye ben not youre owne? ²⁰ For ye ben bouyt with greet prijs. Glorifie ye, and bere ye God in youre bodi.

¹⁵ And Crist diede for alle, that thei that lyuen, lyue not now to hem silf, but to hym that diede for hem, and roos ayen.

¹⁹ For bi the lawe Y am deed to the lawe, and Y am fitchid to the crosse, that Y lyue to God with Crist. ²⁰ And now lyue not Y, but Crist lyueth in me. But that Y lyue now in fleisch, Y lyue in the feith of Goddis sone, that louede me, and yaf hym silf for me.

²⁰ For in no thing Y schal be schamed, but in al trist as euere more and now, Crist schal be magnefied in my bodi, ether bi lijf, ether bi deth. ²¹ For me to lyue is Crist, and to die is wynnyng. ²² That if to lyue in fleisch, is fruyt of werk to me, lo! what Y schal chese, Y knowe not. ²³ But Y am constreyned of twei thingis, Y haue desire to be dissolued, and to be with Crist, it is myche more betere; but to dwelle in fleisch, ²⁴ is nedeful for you.

¹⁰ that whether we waken, whether we slepen, we lyue togidere with him.

¹⁴ that yaf hym silf for vs, to ayenbie vs fro al wickidnesse, and make clene to hym silf a puple acceptable, and suere of good werkis.

² that that is left now in fleisch lyue not now to the desiris of men, but to the wille of God.