Psalms 91:3 Cross References - Wycliffe

³ To schewe eerli thi merci; and thi treuthe bi nyyt.

³⁷ weren deed, and smytun in the siyt of the Lord. ³⁸ Sotheli Josue, the sone of Nun, and Caleph, the sone of Jephone, lyueden, of alle men that yeden to se the lond.

⁴⁶ Take the censer, and whanne fyer is takun vp of the auter, caste encense aboue, and go soone to the puple, that thou preye for hem; for now ire is gon out fro the Lord, and the wounde is feers. ⁴⁷ And whanne Aaron hadde do this, and hadde runne to the myddis of the multitude, which the brennynge wastid thanne, he offeride encense; ⁴⁸ and he stood bytwixe the deed men and lyuynge, and bisouyte for the puple, and the wounde ceesside.

¹⁵ And the Lord sente pestilence in to Israel fro the morewtid `til to the tyme ordeyned [Note: that is, til to the oure of sacrifice of euentid; the ii. laste dayes of pestilence, weren seid bi manassing, and weren releessid for the penaunce of Dauyth. ]; and seuenti thousynde of men weren deed of the puple fro Dan `til to Bersabee.

³⁷ If hungur risith in the lond, ether pestilence is, ether corrupt eyr is, ether rust, ether locuste, ether myldew, and his enemy turmentith hym, and bisegith the yatis, al wounde, al sikenesse, al cursyng,

¹⁰ Which yyueth reyn on the face of erthe, and moistith alle thingis with watris. ¹¹ Which settith meke men an hiy, and reisith with helthe hem that morenen. ¹² Which distrieth the thouytis of yuel willid men, that her hondis moun not fille tho thingis that thei bigunnen. ¹³ Which takith cautelouse men in the felnesse `of hem, and distrieth the counsel of schrewis. <sup>14</sup> Bi dai thei schulen renne in to derknessis, and as in nyyt so thei schulen grope in myddai. <sup>15</sup> Certis God schal make saaf a nedi man fro the swerd of her mouth, and a pore man fro the hond of the violent, `ethir rauynour. ¹⁶ And hope schal be to a nedi man, but wickidnesse schal drawe togidere his mouth. ¹⁷ Blessid is the man, which is chastisid of the Lord; therfor repreue thou not the blamyng of the Lord. ¹⁸ For he woundith, and doith medicyn; he smytith, and hise hondis schulen make hool. ¹⁹ In sixe tribulaciouns he schal delyuere thee, and in the seuenthe tribulacioun yuel schal not touche thee. ²⁰ In hungur he schal delyuere thee fro deeth, and in batel fro the power of swerd. ²¹ Thou schalt be hid fro the scourge of tunge, and thou schalt not drede myseiste, `ethir wretchidnesse, whanne it cometh. ²² In distriyng maad of enemyes and in hungur thou schalt leiye, and thou schalt not drede the beestis of erthe.

⁶ Lord, thi werkis ben magnefied greetli; thi thouytis ben maad ful depe.

⁵ Be thou rauyschid as a doo fro the hond; and as a bridde fro aspiyngis of the foulere.

²³ til an arowe perse his mawe. As if a brid hastith to the snare; and woot not, that it is don of the perel of his lijf.

¹² A man knowith not his ende; but as fischis ben takun with an hook, and as briddis ben takun with a snare, so men ben takun in yuel tyme, whanne it cometh sudeynli on hem.

⁸ The biholdere of Effraym with my God is a profete; a snare of fallyng is maad now on alle the weies of hym, woodnesse is in the hous of his God.

⁵ Whether a brid schal falle in to a snare of erthe, with outen a foulere? Whether a snare schal be takun awei fro erthe, bifor that it tak sum thing?

⁹ For thei that wolen be maad riche, fallen in to temptacioun, and `in to snare of the deuel, and in to many vnprofitable desiris and noyous, whiche drenchen men in to deth and perdicioun.

²⁶ and that thei rise ayen fro the snares of the deuel, of whom thei ben holdun prisoneris at his wille.