Psalms 90:8 Cross References - Wycliffe

⁸ Netheles thou schalt biholde with thin iyen; and thou schalt se the yelding of synneris.

²¹ For the iyen of God ben on the weies of men, and biholdith alle goyngis of hem.

²¹ Thanne thou schalt take plesauntli the sacrifice of riytfulnesse, offryngis, and brent sacrifices; thanne thei schulen putte calues on thin auter.

¹⁶ The enemyes of the Lord lieden to hym; and her tyme schal be in to worldis.

¹ The `title of the hundrid and nyne and thrittithe `salm. To victorie, the salm of Dauith. ² Lord, delyuere thou me fro an yuel man; delyuere thou me fro a wickid man. ³ Whiche thouyten wickidnesses in the herte; al dai thei ordeyneden batels. ⁴ Thei scharpiden her tungis as serpentis; the venym of snakis vndir the lippis of hem.

²¹ The Lord seeth the weie of a man; and biholdith alle hise steppis.

¹⁴ God schal brynge alle thingis in to dom, that ben don; for ech thing don bi errour, whether it be good, ether yuel.

¹³ And the Lord seide, For thei forsoken my lawe, which Y yaf to hem, and thei herden not my vois, and thei yeden not therynne; ¹⁴ and thei yeden aftir the schrewidnesse of her herte, and aftir Baalym, which thei lerneden of her fadris; ¹⁵ therfor the Lord of oostis, God of Israel, seith these thingis, Lo! Y schal fede this puple with wermod, and Y schal yyue to hem drynke the watir of galle. ¹⁶ And Y schal scatere hem among hethene men, whiche thei and her fadris knewen not; and Y schal sende swerd aftir hem, til thei ben wastid.

¹⁷ For myn iyen ben on alle the weies of hem; tho weies ben not hid fro my face, and the wickidnesse of hem was not priuy fro myn iyen.

²⁴ A man schal not be priuy in hid places, and Y schal not se hym, seith the Lord. Whether Y fille not heuene and erthe? seith the Lord.

¹² And he seide to me, Certis, sone of man, thou seest what thingis the eldere men of the hous of Israel doen in derknessis, ech man in the hid place of his bed; for thei seiyn, The Lord seeth not vs, the Lord hath forsake the lond.

¹ And whanne myche puple stood aboute, so that thei treden ech on othir, he bigan to seie to hise disciplis, Be ye war of the sourdouy of the Farisees, that is ypocrisie. ² For no thing is hilid, that schal not be schewid; nether hid, that schal not be wist.

¹⁶ in the dai whanne God schal deme the priuy thingis of men aftir my gospel, bi Jhesu Crist.

⁵ Therfor nyle ye deme bifore the tyme, til that the Lord come, which schal liytne the hyd thingis of derknessis, and schal schewe the counseils of hertis; and thanne preisyng schal be to ech man of God.

¹² and spedi in worching, and more able to perse than any tweyne eggid swerd, and stretchith forth to the departynge of the soule and of the spirit, and of the ioynturis and merewis, and demere of thouytis, and of intentis and hertis. ¹³ And no creature is vnuisible in the siyt of God. For alle thingis ben nakid and opyn to hise iyen, to whom a word to vs.

²⁰ For if oure herte repreueth vs, God is more than oure hert, and knowith alle thingis.

¹² And Y sai deed men, grete and smale, stondynge in the siyt of the trone; and bookis weren opened, and deed men weren demed of these thingis that weren writun in the bookis, aftir the werkis of hem.