Psalms 80:2 Cross References - Wycliffe

² Make ye fulli ioye to God, oure helpere; synge ye hertli to God of Jacob.

¹⁸ The castels of the sones of Effraym schulen be at the west coost, of whiche the prince was Elisama, the sone of Amyud; ¹⁹ and al the oost of his fiyteris, that weren noumbrid, fourti thousynde and fyue hundrid. ²⁰ And with hem was the lynage of `the sones of Manasses, of whiche the prince was Gamaliel, the sone of Fadassur; <sup>21</sup> al the oost of hise fiyteris, that weren noumbrid, two and thretti thousande and two hundrid. <sup>22</sup> In the lynage of the sones of Beniamyn the prince was Abidan, the sone of Gedeon; <sup>23</sup> and al the oost of hise fiyteris, that weren noumbrid, fyue and thretti thousynde and foure hundrid. <sup>24</sup> Alle that weren noumbrid in the castels of Effraym weren an hundrid thousynde and eiyte thousynde and oon hundrid; thei schulen go forth `the thridde bi her cumpenyes.

²² Also the sones of Effraym, bi her cumpanyes, moueden tentis, in whos oost the prince was Elisama, the sone of Amyud. ²³ Forsothe in the lynage of the sones of Manasses the prince was Gamaliel, the sone of Phadussur. ²⁴ And in the lynage of Beniamyn the duk was Abidan, the sone of Gedeon.

⁹ And thei schulen seie in that dai, Lo! this is oure God; we abididen hym, and he schal saue vs; this is the Lord; we suffriden him, and we schulen make ful out ioie, and schulen be glad in his helthe.

²² For whi the Lord is oure iuge, the Lord is oure lawe yyuere, the Lord is oure kyng; he schal saue vs.

¹³ The Lord as a strong man schal go out, as a man a werryour he schal reise feruent loue; he schal speke, and schal crie; he schal be coumfortid on hise enemyes. ¹⁴ Y was stille, euere Y helde silence; Y was pacient, Y schal speke as a womman trauelynge of child; Y schal scatere, and Y schal swolowe togidere.