Psalms 147:17 Cross References - Wycliffe

²³ And Moises held forth the yerde in to heuene; and the Lord yaf thundris, and hail, and leitis rennynge aboute on the lond; and the Lord reynede hail on the lond of Egipt; ²⁴ and hail and fier meddlid togidere weren borun forth; and it was of so myche greetnesse, how greet apperide neuere bifore in al the lond of Egipt, sithen thilke puple was maad. ²⁵ And the hail smoot in the lond of Egipt alle thingis that weren in the feeldis, fro man til to werk beeste; and the hail smoot al the eerbe of the feeld, and brak al the flex of the cuntrey;

¹¹ And whanne thei fledden the sones of Israel, and weren in the goyng doun of Betheron, the Lord sente grete stoonus on hem fro heuene, til to Azecha; and many mo weren deed bi the `stoonys of hail, than thei whiche the sones of Israel `smytiden bi swerd.

⁹ Tempestis schulen go out fro the ynnere thingis, and coold fro Arturus. ¹⁰ Whanne God makith blowyng, frost wexith togidere; and eft ful brood watris ben sched out.

²² Whethir thou entridist in to the tresours of snow, ether biheldist thou the tresours of hail? ²³ whiche thingis Y made redy in to the tyme of an enemy, in to the dai of fiytyng and of batel.

²⁹ Of whos wombe yede out iys, and who gendride frost fro heuene? ³⁰ Watris ben maad hard in the licnesse of stoon, and the ouer part of occian is streyned togidere.