Psalms 134 Cross References - Wycliffe

¹ The title of the hundrid and foure and thrittithe salm. Alleluya. Herie ye the name of the Lord; ye seruauntis of the Lord, herie ye. ² Ye that stonden in the hous of the Lord; in the hallis of `the hous of oure God. <sup>3</sup> Herie ye the Lord, for the Lord is good; singe ye to his name, for it is swete. <sup>4</sup> For the Lord chees Jacob to him silf; Israel in to possessioun to him silf. <sup>5</sup> For Y haue knowe, that the Lord is greet; and oure God bifore alle goddis. <sup>6</sup> The Lord made alle thingis, what euere thingis he wolde, in heuene and in erthe; in the see, and in alle depthis of watris. <sup>7</sup> He ledde out cloudis fro the ferthest part of erthe; and made leitis in to reyn. Which bringith forth wyndis fro hise tresours; <sup>8</sup> which killide the firste gendrid thingis of Egipt, fro man `til to beeste. ⁹ He sente out signes and grete wondris, in the myddil of thee, thou Egipt; in to Farao and in to alle hise seruauntis. ¹⁰ Which smoot many folkis; and killide stronge kingis. ¹¹ Seon, the king of Ammorreis, and Og, the king of Basan; and alle the rewmes of Chanaan. ¹² And he yaf the lond of hem eritage; eritage to Israel, his puple. ¹³ Lord, thi name is with outen ende; Lord, thi memorial be in generacioun and in to generacioun. ¹⁴ For the Lord schal deme his puple; and he schal be preied in hise seruauntis. ¹⁵ The symulacris of hethene men ben siluer and gold; the werkis of the hondis of men. ¹⁶ Tho han a mouth, and schulen not speke; tho han iyen, and schulen not se. ¹⁷ Tho han eeris, and schulen not here; for `nether spirit is in the mouth of tho. <sup>18</sup> Thei that maken tho, be maad lijk tho; and alle that tristen in tho. <sup>19</sup> The hous of Israel, blesse ye the Lord; the hous of Aaron, blesse ye the Lord. <sup>20</sup> The hous of Leuy, blesse ye the Lord; ye that dreden the Lord, `blesse ye the Lord. ²¹ Blessid be the Lord of Syon; that dwellith in Jerusalem.

³⁵ Ye schulen dwelle dai and nyyt in the tabernacle, and ye schulen kepe the kepyngis of the Lord, that ye die not; for so it is comaundid to me.

⁸ In that tyme Y departide the lynage of Leuy, that it schulde bere the arke of boond of pees of the Lord, and schulde stonde bifor hym in seruyce, and schulde blesse in his name til in to present dai.

²³ both hem and the sones of hem in the doris of the hows of the Lord, and in the tabernacle of witnessyng, bi her whiles.

³³ These ben the princis of chauntouris bi the meynees of Leuytis, that dwelliden in chaumbris, so that thei schulden serue contynueli dai and nyyt in her seruyce.

³⁰ Forsothe the dekenes schulen be, that thei stonde eerli, for to knowleche and synge to the Lord, and lijk maner at euentide, ³¹ as wel in the offryng of brent sacrifices of the Lord, as in sabatis, and kalendis, and othere solempnytees, bi the noumbre and cerymonyes of eche thing contynueli bifor the Lord; ³² and that thei kepe the obseruaunces of the tabernacle of the boond of pees of the Lord, and the custum of the seyntuarie, and the obseruaunce of the sones of Aaron, her britheren, that thei mynystre in the hows of the Lord.

¹¹ My sones, nyle ye be reccheles; the Lord hath chose you, that ye stonde bifor hym, and serue hym, that ye herie hym, and brenne encense to hym.

² Lord, the kyng schal be glad in thi vertu; and he schal ful out haue ioye greetli on thin helthe.

⁶ He enhaunside me in a stoon; and now he enhaunside myn heed ouer myn enemyes. I cumpasside, and offride in his tabernacle a sacrifice of criyng; Y schal synge, and Y schal seie salm to the Lord.

² Brynge ye to the Lord glorie and onour; brynge ye to the Lord glorie to his name; herie ye the Lord in his hooli large place.

² God, here thou my preier, whanne Y biseche; delyuere thou my soule fro the drede of the enemy.

⁴ For thei scharpiden her tungis as a swerd, thei benten a bowe, a bittir thing;

²¹ Liouns whelpis rorynge for to rauysche; and to seke of God meete to hem silf.

² The werkis of the Lord ben greete; souyt out in to alle hise willis.

¹ The `title of the hundrid and twentithe salm. The song of greces. I reiside myn iyen to the hillis; fro whannus help schal come to me.

¹ The `title of the hundrid and oon and twentithe salm. The song of the grecis of Dauid. I am glad in these thingis, that ben seid to me; We schulen go in to the hous of the Lord.

¹ The `title of the hundrid and two and twentithe salm. `The song of grecis. To thee Y haue reisid myn iyen; that dwellist in heuenes.

¹ The `title of the hundrid and thre and twentithe `salm. The song of grecis `of Dauith. Israel seie now, No but for the Lord was in vs;

¹ The `title of the hundrid and foure and twentithe salm. `The song of greces. Thei that tristen in the Lord ben as the hil of Syon; he schal not be moued with outen ende,

¹ The `title of the hundrid and fyue and twentithe `salm. The song of grecis. Whanne the Lord turnede the caitifte of Sion; we weren maad as coumfortid.

¹ The `title of the hundrid and sixe and twentithe `salm. The song of greces of Salomon. `No but the Lord bilde the hous; thei that bilden it han trauelid in veyn. No but the Lord kepith the citee; he wakith in veyn that kepith it.

¹ The title of the hundrid and seuene and twentithe salm. The song of greces. Blessid ben alle men, that dreden the Lord; that gon in hise weies.

¹ The `title of the hundrid and eiyte and twentithe `salm. The song of greces. Israel seie now; Ofte thei fouyten ayens me fro my yongth.

⁵ alle that haten Sion be schent, and turned abak.

¹ The `title of the hundrid and nyne and twentithe `salm. The song of greces. Lord, Y criede to thee fro depthes; Lord, here thou mi vois.

¹ The title of the hundrid and thrittithe salm. The song of greces, `to Dauith himself. Lord, myn herte is not enhaunsid; nether myn iyen ben reisid. Nether Y yede in the grete thingis; nether in merueilis aboue me.

¹ The title of the hundrid and oon and thrittithe salm. The song of greces. Lord, haue thou mynde on Dauid; and of al his myldenesse.

¹ The `title of the hundrid and two and thrittithe salm. The song of grecis. Lo! hou good and hou myrie it is; that britheren dwelle togidere.

¹ The `title of the hundrid and thre and thrittithe salm. The song of greces. Lo! now blesse ye the Lord; alle the seruauntis of the Lord. Ye that stonden in the hous of the Lord; in the hallis of `the hous of oure God.

¹ The title of the hundrid and fyue and thrittithe salm. Alleluya. Knouleche ye to the Lord, for he is good, for his merci is withouten ende. ² Knouleche ye to the God of goddis.

¹⁹ Seon, the king of Amorreis. ²⁰ And Og, the king of Baasan. ²¹ And he yaf the lond of hem eritage.

²¹ And he yaf the lond of hem eritage.

² With my vois Y criede to the Lord; with my vois Y preiede hertli to the Lord.

⁵ Oure Lord is greet, and his vertu is greet; and of his wisdom is no noumbre. ⁶ The Lord takith vp mylde men; forsothe he makith low synneris `til to the erthe.

¹⁹ Coph. Rise thou togidere, herie thou in the nyyt, in the begynnyng of wakyngis; schede out thin herte as watir, bifore the siyt of the Lord; reise thin hondis to hym for the soulis of thi litle children, that failiden for hungur in the heed of alle meetyngis of weies.

⁴¹ Nun. Reise we oure hertis with hondis, to the Lord in to heuenes.

³⁷ And this was a widewe to foure scoor yeer and foure; and sche departide not fro the temple, but seruyde to God nyyt and dai in fastyngis and preieris.

²⁶ and so al Israel schulde be maad saaf. As it is writun, He schal come of Syon, that schal delyuere, and turne awei the wickidnesse of Jacob.

⁸ Therfor Y wole, that men preye in al place, liftinge vp clene hondis with outen wraththe and strijf.

¹⁵ Therfor thei ben bifor the trone of God, and seruen to hym dai and niyt, in his temple. And he that sittith in the trone, dwellith on hem.

⁵ And a vois wente out of the trone, and seide, Alle the seruauntis of oure God, seie ye heriyngus to oure God, and ye that dreden God, smale and grete.