Psalms 103 Cross References - Wycliffe

¹ The hundrid and thridde salm. Mi soule, blesse thou the Lord; my Lord God, thou art magnyfied greetli. Thou hast clothid knouleching and fairnesse; and thou art clothid with liyt, ² as with a cloth. And thou stretchist forth heuene as a skyn; ³ and thou hilist with watris the hiyer partis therof. Which settist a cloude thi stiyng; which goest on the fetheris of wyndis. ⁴ Which makist spiritis thin aungels; and thi mynystris brennynge fier. ⁵ Which hast foundid the erthe on his stablenesse; it schal not be bowid in to the world of world. ⁶ The depthe of watris as a cloth is the clothing therof; watris schulen stonde on hillis. ⁷ Tho schulen fle fro thi blamyng; men schulen be aferd of the vois of thi thundur. ⁸ Hillis stien vp, and feeldis goen doun; in to the place which thou hast foundid to tho. ⁹ Thou hast set a terme, which tho schulen not passe; nether tho schulen be turned, for to hile the erthe. ¹⁰ And thou sendist out wellis in grete valeis; watris schulen passe bitwix the myddil of hillis. ¹¹ Alle the beestis of the feeld schulen drynke; wielde assis schulen abide in her thirst. ¹² Briddis of the eir schulen dwelle on tho; fro the myddis of stoonys thei schulen yyue voices. ¹³ And thou moistist hillis of her hiyer thingis; the erthe schal be fillid of the fruyt of thi werkis. ¹⁴ And thou bringist forth hei to beestis; and eerbe to the seruyce of men. That thou bringe forth breed of the erthe; ¹⁵ and that wiyn make glad the herte of men. That he make glad the face with oile; and that breed make stidefast the herte of man. ¹⁶ The trees of the feeld schulen be fillid, and the cedris of the Liban, whiche he plauntide; ¹⁷ sparewis schulen make nest there. The hous of the gerfaukun is the leeder of tho; ¹⁸ hiye hillis ben refute to hertis; a stoon is refutt to irchouns. ¹⁹ He made the moone in to tymes; the sunne knewe his goyng doun. ²⁰ Thou hast set derknessis, and nyyt is maad; alle beestis of the wode schulen go ther ynne. ²¹ Liouns whelpis rorynge for to rauysche; and to seke of God meete to hem silf. ²² The sunne is risun, and tho ben gaderid togidere; and tho schulen be set in her couchis. ²³ A man schal go out to his werk; and to his worching, til to the euentid. ²⁴ Lord, thi werkis ben magnefiede ful myche, thou hast maad alle thingis in wisdom; the erthe is fillid with thi possessioun. ²⁵ This see is greet and large to hondis; there ben crepinge beestis, of which is noon noumbre. Litil beestis with grete; ²⁶ schippis schulen passe there. This dragoun which thou hast formyd; for to scorne hym. ²⁷ Alle thingis abiden of thee; that thou yyue to hem meete in tyme. ²⁸ Whanne thou schalt yyue to hem, thei schulen gadere; whanne thou schalt opene thin hond, alle thingis schulen be fillid with goodnesse. ²⁹ But whanne thou schalt turne awey the face, thei schulen be disturblid; thou schalt take awei the spirit of them, and thei schulen faile; and thei schulen turne ayen in to her dust. ³⁰ Sende out thi spirit, and thei schulen be formed of the newe; and thou schalt renule the face of the erthe. ³¹ The glorie of the Lord be in to the world; the Lord schal be glad in hise werkis. ³² Which biholdith the erthe, and makith it to tremble; which touchith hillis, and tho smoken. ³³ I schal singe to the Lord in my lijf; Y schal seie salm to my God, as longe as Y am. ³⁴ Mi speche be myrie to him; forsothe Y schal delite in the Lord. ³⁵ Synneris faile fro the erthe, and wickid men faile, so that thei be not; my soule, blesse thou the Lord.

¹⁹ in swoot of thi cheer thou schalt ete thi breed, til thou turne ayen in to the erthe of which thou art takun; for thou art dust, and thou schalt turne ayen in to dust.

²⁴ And Enoth yeed with God, and apperide not afterward, for God took hym awei.

⁹ God seide eft to Abraham, And therfor thou schalt kepe my couenaunt, and thi seed after thee, in her generaciouns. ¹⁰ This is my couenaunt, which ye schulen kepe bitwixe me and you, and thi seed after thee; ech male kynde of you schal be circumcidid,

² And whanne he hadde seyn hem, he seide, These ben the castels of God; and he clepide the name of that place Manaym, that is, castels.

¹⁶ the aungel that delyuerede me fro alle yuelis, blesse thes children, and my name be clepid on hem, and the names of my fadris Abraham and Ysaac; and wexe thei in multitude on erthe.

²⁶ and seide, If thou schalt here the vois of thi Lord God, and schalt do that that is riytful byfore hym, and schalt obeie to his comaundementis, and schalt kepe alle hise heestis, Y schal not brynge yn on thee al the syknesse, which Y puttide in Egipt, for Y am thi Lord Sauyour.

⁵ Therfor if ye schulen here my vois, and schulen kepe my couenaunt, ye schulen be to me in to a specialte of alle puplis; for al the lond is myn;

⁸ And alle the puple answeride to gidere, We schulen do alle thingis whiche the Lord spak. And whanne Moises hadde teld the wordis of the puple to the Lord,

²⁰ and the Lord cam doun on the hil of Synay, in thilke cop of the hil, and clepide Moises to the cop therof. And whanne he hadde stied thidur,

⁶ and Y do mercy in to `a thousynde, to hem that louen me, and kepen myn heestis.

²¹ And the puple stood afer; forsothe Moises neiyede to the derknesse, wherynne God was.

² and Moises aloone stie to the Lord, and thei schulen not neiye, nether the puple schal stie with hym. ³ Therfore Moises cam, and telde to the puple alle the wordis and domes of the Lord; and al the puple answeride with o vois, We schulen do alle the wordis of the Lord, whiche he spak. ⁴ Forsothe Moises wroot alle the wordis of the Lord; and he roos eerli, and bildide an auter to the Lord at the rootis of the hil, and he bildide twelue titlis bi twelue lynagis of Israel.

⁸ Forsothe he took, and sprengide `the blood on the puple, and seide, This is the blood of the boond of pees, which the Lord couenauntide with yow on alle these wordis.

¹³ Therfore if Y haue founde grace in thi siyt, schewe thi face to me, that Y knowe thee, and fynde grace bifor thin iyen; biholde thi puple, and this folk.

⁶ and whanne the Lord passide bifore hym, he seide, Lordschipere, Lord God, mercyful, and pitouse, pacient, and of myche mersiful doyng, and sothefast, ⁷ which kepist couenaunt and mercy in to `a thousande, which doist awey wickidnesse, and trespassis, and synnes, and noon bi hym silf is innocent anentis thee, which yeldist the wickidnesse of fadris to sones and to sones of sones, into the thridde and fourthe generacioun.

⁷ which kepist couenaunt and mercy in to `a thousande, which doist awey wickidnesse, and trespassis, and synnes, and noon bi hym silf is innocent anentis thee, which yeldist the wickidnesse of fadris to sones and to sones of sones, into the thridde and fourthe generacioun.

¹² whethir Y conseyuede al this multitude, ethir gendride it, that thou seie to me, Bere thou hem in thi bosum as a nurise is wont to bere a litil yong child, and bere thou in to the lond for which thou hast swore to the fadris `of hem.

⁷ And he seide, And my seruaunt Moises is not siche, which is moost feithful in al myn hows;

¹³ And Moises criede to the Lord, and seide, Lord, Y biseche, heele thou hir.

¹⁸ Lord pacient, and of myche mercy, doynge awei wickidnesse and trespassis, and leeuynge no man vngilti, which visitist the synnes of fadris in to sones in to the thridde and fourthe generacioun, Y biseche,

⁷ thei camen to Moyses, and seiden, We synneden, for we spaken ayens the Lord and thee; preie thou, that he take awey fro vs the serpentis. ⁸ And Moises preiede for the puple; and the Lord seide to hym, Make thou a serpent of bras, and sette thou it for a signe; he that is smytun and biholdith it, schal lyue. ⁹ Therfor Moyses made a serpent of bras, and settide for a signe; and men smytun and biholdynge it, weren heelid.

⁵ Alle the citees weren strengthid with hiyest wallis, and with yatis and barris; with out townes vnnoumbrable, that hadden not wallis.

²³ Be thou war, lest ony tyme thou foryete the couenaunt of thi Lord God, which he made with thee, and lest thou make to thee a grauun licness of tho thingis whiche the Lord forbeed to make.

¹⁰ and Y do mersy in to many thousyndis to hem that louen me, and kepen myn heestis.

⁶ And these wordis whiche Y comaunde to thee to dai, schulen be in thin herte; ⁷ and thou schalt telle tho to thi sones, and thou schalt thenke on tho, sittynge in thin hows, and goynge in the weie, slepynge, and rysinge. ⁸ And thou schalt bynde tho as a signe in thin hond; and tho schulen be, and schulen be moued bifor thin iyen; and thou schalt write tho in the lyntel, ⁹ and in the doris of thin hows.

¹² and thou hast ete, and art fillid,

⁹ And thou schalt wite, that thi Lord God hym silf is a strong God, and feithful, and kepith couenaunt and mersi to hem that louen hym, and to hem that kepen hise comaundementis, in to a thousynde generaciouns;

² And thou schalt haue mynde of al the weie, bi which thi Lord God ledde thee by fourti yeer, bi deseert, that he schulde turmente, and schulde tempte thee; and that tho thingis that weren tretid in `thi soule schulden be knowun, whether thou woldist kepe hise comaundementis, ethir nay. <sup>3</sup> And he turmentide thee with nedynesse, and he yaf to thee meete, manna which thou knewist not, and thi fadris `knewen not, that he schulde schewe to thee, that a man lyueth not in breed aloone, but in ech word that cometh `out of the Lordis mouth, `that is, bi manna, that cam down `at the heest of the Lord. ⁴ Thi cloth, bi which thou were hilid, failide not for eldnesse, and thi foot was not brokun undernethe, lo!

¹⁰ that whanne thou hast ete, and art fillid, thou blesse thi Lord God for the beste lond which he yaf to thee. ¹¹ Therfor kepe thou, and be war, lest ony tyme thou foryete thi Lord God, and dispise hise comaundementis, and domes, and cerymonyes, whiche Y comaunde to thee to dai; ¹² lest aftir that thou hast ete, and art fillid, hast bildid faire housis, and hast dwellid in tho, ¹³ and hast droues of oxun, and flockis of scheep, and plente of siluer, and of gold, and of alle thingis, thine herte be reisid, ¹⁴ and thenke not on thi Lord God, that ledde thee out of the lond of Egipt, and fro the hous of seruage,

¹⁵ and netheles the Lord was glued to thi fadris, and louede hem, and he chees her seed after hem, and you of alle folkis, as it is preued to dai.

¹⁴ Thou schalt not denye the hire of thi brother nedi and pore, ethir of the comelyng that dwellith with thee in thi lond, and is with ynne thi yatis; ¹⁵ but in the same dai thou schalt yelde to hym the prijs of his trauel, bifor the goyng doun of the sunne, for he is pore, and susteyneth therof his lijf; lest he crye ayens thee to the Lord, and it be arettid to thee into synne.

⁶ Whether thou yeldist these thingis to the Lord, thou fonned puple and vnwijs? Whether he is not thi fadir, that weldide thee, and made, `and made thee of nouyt?

¹⁸ Thou hast forsake God that gendride thee, and thou hast foryete `thi Lord creatour.

¹⁰ And `a profete roos no more in Israel `as Moises, whom the Lord knewe face to face,

¹⁴ To whom he answeride, Nay, but Y am prince of the `hoost of the Lord, and now Y come.

¹³ And Dauid seide to Nathan, Y haue synned to the Lord. And Nathan seide to Dauid, Also the Lord hath turned awei thi synne; thou schalt not die.

¹⁹ Sotheli thilke Mychee addide, and seide, Therefore here thou the word of the Lord; Y siy the Lord sittynge on his trone, and Y siy al the oost of heuene stondynge nyy hym, on the riyt side and on the left side.

³⁵ Therfor it was don, in that niyt the aungel of the Lord cam, and smoot in the castels of Assiryens an hundrid foure score and fyue thousynde. And whanne Sennacherib hadde rise eerli, he siy alle bodies of deed men; and he departide, and yede awei.

¹⁸ And therfor Mychee seide, Here ye the word of the Lord. Y siy the Lord sittynge in his trone, and al the oost of heuene stondynge nyy him at the riytside and `leftside.

²⁵ but he yeldide not bi the benefices whiche he hadde take, for his herte was reisid; and ire was maad ayens hym, and ayens Juda, and ayens Jerusalem.

³¹ And he stood in his trone, and smoot a boond of pees bifor the Lord, for to `go aftir hym, and to kepe the comaundementis, and witnessyngis, and iustifiyngis of hym, in al his herte and in al his soule; and to do tho thingis that weren writun in that book, which he hadde red.

¹³ And after alle thingis that camen on vs in oure werste werkis, and in oure grete trespas, for thou, oure God, hast delyuered vs fro oure wickidnesse, and hast youe helthe to vs,

⁶ And Esdras seide, Thou thi silf, Lord, art aloone; thou madist heuene and the heuene of heuenes, and al the oost of tho heuenes; thou madist the erthe and alle thingis that ben there ynne; `thou madist the sees and alle thingis that ben in tho; and thou quikenyst alle these thingis; and the oost of heuene worschipith thee.

¹⁴ And thou schewidist to hem an halewid sabat; and thou comaundidist `to hem comaundementis, and cerymonyes, and lawe, in the hond of Moises, thi seruaunt.

¹⁷ And thei nolden here; and thei hadden not mynde of thi merueils, which thou haddist do to hem; and thei maden hard her nollis; and thei yauen the heed, that thei `weren al turned to her seruage as bi strijf; but thou art God helpful, meke, and merciful, abidynge longe, `ether pacient, and of myche merciful doyng, and forsokist not hem;

³¹ But in thi mercies ful manye thou madist not hem in to wastyng, nethir thou forsokist hem; for thou art God of merciful doynges, and meke.

⁵ Mi fleisch is clothid with rot, and filthis of dust; my skyn driede vp, and is drawun togidere. ⁶ My daies passiden swiftliere thanne a web is kit doun `of a webstere; and tho daies ben wastid with outen ony hope.

⁶ My daies passiden swiftliere thanne a web is kit doun `of a webstere; and tho daies ben wastid with outen ony hope. ⁷ God, haue thou mynde, for my lijf is wynde, and myn iye schal not turne ayen, that it se goodis.

⁷ God, haue thou mynde, for my lijf is wynde, and myn iye schal not turne ayen, that it se goodis. ⁸ Nethir the siyt of man schal biholde me; but thin iyen ben in me, and Y schal not `be in deedli lijf. ⁹ As a cloude is wastid, and passith, so he that goith doun to helle, schal not stie; ¹⁰ nether schal turne ayen more in to his hows, and his place schal no more knowe hym.

²¹ Whi doist thou not awei my sinne, and whi takist thou not awei my wickidnesse? Lo! now Y schal slepe in dust, and if thou sekist me eerli, Y schal not abide.

¹⁸ If a man drawith it out of `his place, his place schal denye it, and schal seie, Y knowe thee not. ¹⁹ For this is the gladnesse of his weie, that eft othere ruschis springe out of the erthe.

⁹ Y preye, haue thou mynde, that thou madist me as cley, and schalt brynge me ayen in to dust.

⁶ to schewe to thee the priuetees of wisdom, and that his lawe is manyfold, and thou schuldist vndurstonde, that thou art requirid of hym to paie myche lesse thingis, than thi wickidnesse disserueth.

²⁵ Thou schewist thi myyt ayens a leef, which is rauyschid with the wynd; and thou pursuest drye stobil.

¹ A man is borun of a womman, and lyueth schort tyme, and is fillid with many wretchidnessis. ² Which goith out, and is defoulid as a flour; and fleeth as schadewe, and dwellith neuere perfitli in the same staat. ³ And gessist thou it worthi to opene thin iyen on siche a man; and to brynge hym in to doom with thee?

¹⁰ But whanne a man is deed, and maad nakid, and wastid; Y preye, where is he?

⁹ The iye that siy hym schal not se; and his place schal no more biholde him.

¹² Whether thou thenkist, that God is hiyere than heuene, and is enhaunsid aboue the coppe of sterris?

¹³ This is the part of a wickid man anentis God, and the eritage of violent men, ether rauenours, whiche thei schulen take of Almyyti God. ¹⁴ If hise children ben multiplied, thei schulen be slayn in swerd; and hise sones sones schulen not be fillid with breed. ¹⁵ Thei, that ben residue of hym, schulen be biried in perischyng; and the widewis of hym schulen not wepe. ¹⁶ If he gaderith togidere siluer as erthe, and makith redi clothis as cley; ¹⁷ sotheli he made redi, but a iust man schal be clothid in tho, and an innocent man schal departe the siluer. ¹⁸ As a mouyte he hath bildid his hous, and as a kepere he made a schadewyng place. ¹⁹ A riche man, whanne he schal die, schal bere no thing with hym; he schal opene hise iyen, and he schal fynde no thing. ²⁰ Pouert as water schal take hym; and tempeste schal oppresse hym in the nyyt.

²⁰ Pouert as water schal take hym; and tempeste schal oppresse hym in the nyyt. ²¹ Brennynge wynd schal take hym, and schal do awei; and as a whirlewynd it schal rauysche hym fro his place.

²¹ Brennynge wynd schal take hym, and schal do awei; and as a whirlewynd it schal rauysche hym fro his place. ²² He schal sende out turmentis on hym, and schal not spare; he fleynge schal `fle fro his hond. ²³ He schal streyne hise hondis on him, and he schal hisse on hym, and schal biholde his place.

¹⁹ Also God blameth a synnere bi sorewe in the bed, and makith alle the boonys of hym `to fade. <sup>20</sup> Breed is maad abhomynable to hym in his lijf, and mete desirable `bifor to his soule. ²¹ His fleisch schal faile for rot, and hise boonys, that weren hilid, schulen be maad nakid. ²² His soule schal neiye to corrupcioun, and his lijf to thingis `bryngynge deeth. ²³ If an aungel, oon of a thousynde, is spekynge for hym, that he telle the equyte of man, God schal haue mercy on hym, ²⁴ and schal seie, Delyuere thou hym, that he go not doun in to corrupcioun; Y haue founde in what thing Y schal do merci to hym. ²⁵ His fleisch is wastid of turmentis; turne he ayen to the daies of his yonge wexynge age. ²⁶ He schal biseche God, and he schal be quemeful to hym; and he schal se his face in hertly ioye, and he schal yelde to man his riytfulnesse. ²⁷ He schal biholde men, and he schal seie, Y haue synned, and verili Y haue trespassid; and Y haue not resseyued, as Y was worthi. ²⁸ For he delyueride his soule, that it schulde not go in to perischyng, but that he lyuynge schulde se liyt. ²⁹ Lo! God worchith alle these thingis in thre tymes bi alle men; ³⁰ that he ayen clepe her soulis fro corrupcioun, and liytne in the liyt of lyuynge men.

⁴ He that dwellith in heuenes schal scorne hem; and the Lord schal bimowe hem.

¹² And alle that louen thi name schulen haue glorie in thee;

⁵ What is a man, that thou art myndeful of hym; ethir the sone of a virgyn, for thou visitist hym?

⁵ For thou hast maad my doom and my cause; thou, that demest riytfulnesse, `hast set on the trone.

⁵ God is not in his siyt; hise weies ben defoulid in al tyme. God, thi domes ben takun awei fro his face; he schal be lord of alle hise enemyes.

⁴ The Lord destrie alle gileful lippis; and the greet spekynge tunge.

⁵ lest ony tyme myn enemye seie, Y hadde the maistri ayens hym. Thei, that troblen me, schulen haue ioie, if Y schal be stirid; forsothe Y hopide in thi merci.

³ Mi God, Y schal crye bi dai, and thou schalt not here; and bi nyyt, and not to vnwisdom to me.

⁵ `This man schal take blessyng of the Lord; and mercy of God his helthe.

⁶ I schal waische myn hondis among innocentis; and, Lord, Y schal cumpasse thin auter.

¹⁰ In whose hondis wyckidnessis ben; the riythond of hem is fillid with yiftis.

¹ The title of the nyne and twentithe salm. The salm of song, for the halewyng of the hows of Dauid.

² Lord, Y hopide in thee, be Y not schent with outen ende; delyuere thou me in thi riytfulnesse.

⁵ Thou schalt lede me out of the snare, which thei hidden to me; for thou art my defendere.

¹ The two and threttithe salm hath no title. Ye iust men, haue fulli ioye in the Lord; presyng togidere bicometh riytful men. ² Knouleche ye to the Lord in an harpe; synge ye to hym in a sautre of ten strengis. ³ Synge ye to hym a newe song; seie ye wel salm to hym in criyng. ⁴ For the word of the Lord is riytful; and alle hise werkis ben in feithfulnesse. ⁵ He loueth merci and doom; the erthe is ful of the merci of the Lord.

⁶ Neiye ye to him, and be ye liytned; and youre faces schulen not be schent.

²² Lord, thou hast seen, be thou not stille; Lord, departe thou not fro me.

⁵ Schewe thi weie to the Lord; and hope thou in hym, and he schal do.

¹ The title of the eiyte and threttithe salm. For victorie, to Iditum, the song of Dauid. ² I seide, Y schal kepe my weies; that Y trespasse not in my tunge. I settide kepyng to my mouth; whanne a synnere stood ayens me. ³ I was doumb, and was mekid ful gretli, and was stille fro goodis; and my sorewe was renulid. ⁴ Myn herte was hoot with ynne me; and fier schal brenne out in my thenkyng. ⁵ I spak in my tunge; Lord, make thou myn eende knowun to me. And the noumbre of my daies what it is; that Y wite, what failith to me. ⁶ Lo! thou hast set my daies mesurable; and my substaunce is as nouyt bifor thee. Netheles al vanytee; ech man lyuynge. ⁷ Netheles a man passith in ymage; but also he is disturblid veynli. He tresorith; and he noot, to whom he `schal gadere tho thingis.

³ Mi soule thirstide to God, `that is a `quik welle; whanne schal Y come, and appere bifor the face of God? ⁴ Mi teeris weren looues to me bi dai and nyyt; while it is seid to me ech dai, Where is thi God?

⁸ Depthe clepith depthe; in the vois of thi wyndows. Alle thin hiye thingis and thi wawis; passiden ouer me.

² The Lord is greet, and worthi to be preisid ful myche; in the citee of oure God, in the hooli hil of hym.

⁷ There sorewis as of a womman trauelynge of child;

¹ The title of the fiftithe salm. To victorie, the salm of Dauid;

¹ The title of the oon and fiftithe salm. To victorie, the salm of Dauid, ² `whanne Doech Idumei cam, and telde to Saul, and seide to him, Dauid cam in to the hows of Abymelech. ³ What hast thou glorie in malice; which art miyti in wickidnesse?

⁷ God schal al to-breke the teeth of hem in her mouth; the Lord schal breke togidere the greet teeth of liouns. ⁸ Thei schulen come to nouyt, as water rennynge awei; he bente his bouwe, til thei ben maad sijk. ⁹ As wexe that fletith awei, thei schulen be takun awei; fier felle aboue, and thei siyen not the sunne. ¹⁰ Bifore that youre thornes vndurstoden the ramne; he swolewith hem so in ire, as lyuynge men.

¹⁰ Bifore that youre thornes vndurstoden the ramne; he swolewith hem so in ire, as lyuynge men. ¹¹ The iust man schal be glad, whanne he schal se veniaunce; he schal waische hise hondis in the blood of a synner.

⁵ for to schete in priuetees hym that is vnwemmed.

⁴ God, al the erthe worschipe thee, and synge to thee; seie it salm to thi name.

¹¹ Thou leddist vs in to a snare, thou puttidist tribulaciouns in oure bak;

¹⁷ Lord, here thou me, for thi merci is benygne; vp the multitude of thi merciful doyngis biholde thou in to me.

⁴ For biholdyng is not to the deth of hem; and stidefastnesse in the sikenesse of hem.

¹² Lo! thilke synneris and hauynge aboundance in the world; helden richessis.

²⁰ For he smoot a stoon, and watris flowiden; and streemys yeden out in aboundaunce. Whether also he may yyue breed; ether make redi a bord to his puple?

⁵ Lord, hou longe schalt thou be wrooth in to the ende? schal thi veniaunce be kyndelid as fier?

¹¹ Vpe the greetnesse of thin arm; welde thou the sones of slayn men.

⁵ Whether a man schal seie to Sion, And a man is born ther ynne; and that man altherhiyeste foundide it?

¹ The title of the nyne and eiytetithe salm. The preier of Moises, the man of God. Lord, thou art maad help to vs; fro generacioun in to generacioun. ² Bifore that hillis weren maad, ether the erthe and the world was formed; fro the world and in to the world thou art God.

² Bifore that hillis weren maad, ether the erthe and the world was formed; fro the world and in to the world thou art God.

⁵ His treuthe schal cumpasse thee with a scheld; thou schalt not drede of nyytis drede. ⁶ Of an arowe fliynge in the dai, of a gobelyn goynge in derknessis; of asailing, and a myddai feend.

¹⁶ I schal fille hym with the lengthe of daies; and Y schal schewe myn helthe to him.

³ Wite ye, that the Lord hym silf is God; he made vs, and not we maden vs. His puple, and the scheep of his lesewe,

⁵ I pursuede hym; that bacbitide priueli his neiybore. With the proude iye and an herte vnable to be fillid; Y eet not with this.

¹ The hundrid and thridde salm. Mi soule, blesse thou the Lord; my Lord God, thou art magnyfied greetli. Thou hast clothid knouleching and fairnesse; and thou art clothid with liyt,

¹¹ Alle the beestis of the feeld schulen drynke; wielde assis schulen abide in her thirst. ¹² Briddis of the eir schulen dwelle on tho; fro the myddis of stoonys thei schulen yyue voices.

¹⁷ sparewis schulen make nest there. The hous of the gerfaukun is the leeder of tho;

²² The sunne is risun, and tho ben gaderid togidere; and tho schulen be set in her couchis.

¹ The title of the hundrid and fourthe salm. Alleluya. Knouleche ye to the Lord, and inwardli clepe ye his name; telle ye hise werkis among hethen men.

⁴ seke ye the Lord, and be ye confermed; seke ye euere his face.

²⁸ He sente derknessis, and made derk; and he made not bitter hise wordis.

³⁵ And it eet al the hey in the lond of hem; and it eet al the fruyt of the lond of hem.

⁵ To se in the goodnesse of thi chosun men, to be glad in the gladnes of thi folk; that thou be heried with thin eritage.

²⁶ And he reiside his hond on hem; to caste doun hem in desert. ²⁷ And to caste awei her seed in naciouns; and to leese hem in cuntreis. ²⁸ And thei maden sacrifice to Belfagor; and thei eeten the sacrificis of deed beestis. ²⁹ And thei wraththiden God in her fyndyngis; and fallyng was multiplied in hem. ³⁰ And Fynees stood, and pleeside God; and the veniaunce ceesside. ³¹ And it was arrettid to hym to riytfulnesse; in generacioun and in to generacioun, til in to with outen ende. ³² And thei wraththiden God at the watris of ayenseiyng; and Moises was trauelid for hem, for thei maden bittere his spirit, ³³ and he departide in his lippis. ³⁴ Thei losten not hethen men; whiche the Lord seide to hem. ³⁵ And thei weren meddlid among hethene men, and lerneden the werkis of hem, ³⁶ and serueden the grauen ymagis of hem; and it was maad to hem in to sclaundre. ³⁷ And thei offriden her sones; and her douytris to feendis. ³⁸ And thei schedden out innocent blood, the blood of her sones and of her douytris; whiche thei sacrificiden to the grauun ymagis of Chanaan. ³⁹ And the erthe was slayn in bloodis, and was defoulid in the werkis of hem; and thei diden fornicacioun in her fyndyngis. ⁴⁰ And the Lord was wrooth bi strong veniaunce ayens his puple; and hadde abhominacioun of his eritage. ⁴¹ And he bitook hem in to the hondis of hethene men; and thei that hatiden hem, weren lordis of hem. ⁴² And her enemyes diden tribulacioun to hem, and thei weren mekid vndir the hondis of enemyes; ⁴³ ofte he delyuerede hem. But thei wraththiden hym in her counsel; and thei weren maad low in her wickidnessis. ⁴⁴ And he siye, whanne thei weren set in tribulacioun; and he herde the preyer of hem. ⁴⁵ And he was myndeful of his testament; and it repentide hym bi the multitude of his merci.

⁷ And he ledde forth hem in to the riyt weie; that thei schulden go in to the citee of dwelling.

²¹ The mercies of the Lord knouleche to hym; and hise merueils to the sones of men. ²² And offre thei the sacrifice of heriyng; and telle thei hise werkis in ful out ioiyng.

⁹ Galaad is myn, and Manasses is myn; and Effraym is the vptaking of myn heed. Juda is my king; Moab is the caudron of myn hope.

¹ The `title of the hundrid and enleuenthe salm. Alleluya. Blissid is the man that dredith the Lord; he schal wilne ful myche in hise comaundementis.

³ The see siy, and fledde; Jordan was turned abac.

³ What schal Y yelde to the Lord; for alle thingis which he yeldide to me?

¹ `The titil of the hundrid and eiytenthe salm. Alleluia. Blessid ben men with out wem in the weie; that gon in the lawe of the Lord.

³ Israel hope in the Lord; fro this tyme now and in to the world.

¹ The hundrid and sixe and thrittithe salm. On the floodis of Babiloyne there we saten, and wepten; while we bithouyten on Syon. ² In salewis in the myddil therof; we hangiden vp oure orguns. ³ For thei that ledden vs prisoners; axiden vs there the wordis of songis. And thei that ledden awei vs seiden; Synge ye to vs an ympne of the songis of Syon. ⁴ Hou schulen we singe a songe of the Lord; in an alien lond? ⁵ If Y foryete thee, Jerusalem; my riyt hond be youun to foryeting. ⁶ Mi tunge cleue to my chekis; if Y bithenke not on thee. If Y purposide not of thee, Jerusalem; in the bigynnyng of my gladnesse. ⁷ Lord, haue thou mynde on the sones of Edom; for the dai of Jerusalem. Whiche seien, Anyntische ye, anyntische ye; `til to the foundement ther ynne. <sup>8</sup> Thou wretchid douyter of Babiloyne; he is blessid, that `schal yelde to thee thi yelding, which thou yeldidist to vs. ⁹ He is blessid, that schal holde; and hurtle doun hise litle children at a stoon.

¹ The `title of the hundrid and eiyte and thrittithe salm. `To victorie, the salm of Dauith. Lord, thou hast preued me, and hast knowe me;

⁸ the Lord liytneth blynde men. The Lord reisith men hurtlid doun; the Lord loueth iust men.

¹⁰ The Lord schal regne in to the worldis; Syon, thi God schal regne in generacioun and in to generacioun.

¹ The `title of the hundrid and sixe and fourtithe salm. Alleluya. Herie ye the Lord, for the salm is good; heriyng be myrie, and fair to oure God.

¹ The `title of the hundrid and sixe and fourtithe salm. Alleluya. Herie ye the Lord, for the salm is good; heriyng be myrie, and fair to oure God. ² The Lord schal bilde Jerusalem; and schal gadere togidere the scateryngis of Israel.

⁷ Bifore synge ye to the Lord in knoulechyng; seye ye salm to oure God in an harpe.

³ For he hath coumfortid the lockis of thi yatis; he hath blessid thi sones in thee.

² Alle hise aungels, herie ye hym; alle hise vertues, herye ye hym. ³ Sunne and moone, herie ye hym; alle sterris and liyt, herie ye hym. ⁴ Heuenes of heuenes, herie ye hym; and the watris that ben aboue heuenes, ⁵ herie ye the name of the Lord. ⁶ For he seide, and thingis weren maad; he comaundide, and thingis weren maad of nouyt. He ordeynede tho thingis in to the world, and in to the world of world; he settide a comaundement, and it schal not passe. ⁷ Ye of erthe, herie ye the Lord; dragouns, and alle depthis of watris. ⁸ Fier, hail, snow, iys, spiritis of tempestis; that don his word. ⁹ Mounteyns, and alle litle hillis; trees berynge fruyt, and alle cedris. ¹⁰ Wielde beestis, and alle tame beestis; serpentis, and fetherid briddis. ¹¹ The kingis of erthe, and alle puplis; the princis, and alle iugis of erthe. ¹² Yonge men, and virgyns, elde men with yongere, herie ye the name of the Lord;

⁶ ech spirit, herye the Lord.

¹ Mi sone, foryete thou not my lawe; and thyn herte kepe my comaundementis.

¹² For the Lord chastisith hym, whom he loueth; and as a fadir in the sone he plesith hym.

³¹ He that falsli chalengith a nedi man, dispisith his maker; but he that hath merci on a pore man, onourith that makere.

²² Do thou not violence to a pore man, for he is pore; nethir defoule thou a nedi man in the yate. ²³ For the Lord schal deme his cause, and he schal turmente hem, that turmentiden his soule.

¹⁰ Touche thou not the termes of litle children; and entre thou not in to the feeld of fadirles and modirles children.

³ Heuene aboue, and the erthe bynethe, and the herte of kyngis is vnserchable.

⁷ and dust turne ayen in to his erthe, wherof it was, and the spirit turne ayen to God, that yaf it.

² Serafyn stoden on it, sixe wyngis weren to oon, and sixe wyngis to the tothir; with twei wyngis thei hiliden the face of hym, and with twei wyngis thei hiliden the feet of hym, and with twei wyngis thei flowen. ³ And thei crieden `the toon to the tother, and seiden, Hooli, hooli, hooli is the Lord God of oostis; al erthe is ful of his glorie.

⁴ thou schalt take this parable ayens the kyng of Babiloyne, and thou schalt sei, Hou ceesside the wrongful axere, restide tribute? ⁵ The Lord hath al to-broke the staf of wickid men, the yerde of lordis, ⁶ that beet puplis in indignacioun, with vncurable wounde, that sugetide folkis in woodnesse, that pursuede cruely. ⁷ Ech lond restide, and was stille; it was ioiful, and made ful out ioie. ⁸ Also fir trees and cedris of the Liban weren glad on thee; sithen thou sleptist, noon stieth that kittith vs doun. ⁹ Helle vndur thee is disturblid for the meeting of thi comyng; he schal reise giauntis to thee; alle the princes of erthe han rise fro her seetis, alle the princes of naciouns. ¹⁰ Alle thei schulen answere, and thei shulen seie to thee, And thou art woundid as and we, thou art maad lijk vs. ¹¹ Thi pride is drawun doun to hellis, thi deed careyn felle doun; a mouyte schal be strewyd vndur thee, and thin hilyng schal be wormes. ¹² A! Lucifer, that risidist eerli, hou feldist thou doun fro heuene; thou that woundist folkis, feldist doun togidere in to erthe. ¹³ Which seidist in thin herte, Y schal stie in to heuene, Y schal enhaunse my seete aboue the staris of heuene; Y schal sitte in the hil of testament, in the sidis of the north. ¹⁴ Y schal stie on the hiynesse of cloudis; Y schal be lijk the hiyeste. ¹⁵ Netheles thou schalt be drawun doun to helle, in to the depthe of the lake. ¹⁶ Thei that schulen se thee, schulen be bowid doun to thee, and schulen biholde thee. Whether this is the man, that disturblid erthe, that schook togidere rewmes? ¹⁷ that settide the world desert, and distried the citees therof, and openyde not the prisoun to the boundun men of hym? ¹⁸ Alle the kyngis of hethene men, alle slepten in glorie, a man in his hous. ¹⁹ But thou art cast out of thi sepulcre, as an vnprofitable stok, as defoulid with rot; and wlappid with hem that ben slayn with swerd, and yeden doun to the foundement of the lake. ²⁰ As a rotun careyn, thou schalt not haue felouschipe, nethir with hem in sepulture, for thou hast lost thi lond, thou hast slayn the puple; the seed of the worst men schal not be clepid with outen ende. ²¹ Make ye redi hise sones to sleying, for the wickidnesse of her fadris; thei schulen not rise, nether thei schulen enherite the lond, nether thei schulen fille the face of the roundenesse of citees. ²² And Y schal rise on hem, seith the Lord of oostis, and Y schal leese the name of Babyloyne, and the relifs, and generacioun, and seed, seith the Lord. ²³ And Y schal sette that Babiloyne in to possessioun of an irchoun, and in to mareisis of watris; and Y schal swepe it with a beesme, and Y schal stampe, seith the Lord of oostis. ²⁴ The Lord of oostis swoor, seiynge, Whether it schal not be so, as Y gesside, and it schal bifalle so, as Y tretide in soule? ²⁵ That Y al to-breke the kyng of Assiriens in my lond, and that Y defoule hym in myn hillis; and his yok schal be takun awei fro hem, and his birthun schal be takun awei fro the schuldur of hem. ²⁶ This is the councel which Y thouyte on al the lond, and this is the hond stretchid forth on alle folkis. ²⁷ For whi the Lord of oostis hath demed, and who mai make vnstidfaste? and his hond is stretchid forth, and who schal turne it awei? ²⁸ The birthun of Filisteis. In the yeer wheryne kyng Achas diede, this birthun was maad. ²⁹ Al thou Filistea, be not glad, for the yerde of thi smytere is maad lesse; for whi a cocatrice schal go out of the roote of an eddre, and his seed schal soupe up a brid. ³⁰ And the firste gendrid of pore men schulen be fed, and pore men schulen reste feithfuli; and Y schal make thi throte to perisch in hungur, and Y schal sle thi relifs. ³¹ Yelle, thou yate; cry, thou citee, al Filistea is cast doun; for whi smoke schal come fro the north, and noon is that schal ascape his oost. ³² And what schal be answerid to the messangeris of folk? for the Lord hath foundid Sion, and the pore men of his puple schulen hope in hym.

¹ Wo to the coroun of pride, to the drunkun men of Effraym, and to the flour fallynge doun of the glorie of the ful out ioiyng therof, that weren in the cop of the fatteste valei, and erriden of wyn.

⁴ and the flour of glorie of the ful out ioiyng of hym, that is on the cop of valei of fat thingis, schal be fallyng doun, as a tymeli thing bifore the ripenesse of heruest; which whanne a man seynge biholdith, anoon as he takith with hond, he schal deuoure it.

¹⁶ This thouyt of you is weiward, as if cley thenke ayens a pottere, and the werk seie to his makere, Thou madist not me; and a thing `that is maad, seie to his makere, Thou vndurstondist not.

²⁴ And a neiybore schal seie, Y was not sijk; the puple that dwellith in that Jerusalem, wickidnesse schal be takun awei fro it.

¹⁷ Lo! my bitternesse is moost bittir in pees; forsothe thou hast delyuered my soule, that it perischide not; thou hast caste awey bihynde thi bak alle my synnes.

⁶ The vois of God, seiynge, Crie thou. And Y seide, What schal Y crie? Ech fleisch is hei, and al the glorie therof is as the flour of the feeld. ⁷ The hei is dried vp, and the flour felle doun, for the spirit of the Lord bleew therynne.

⁷ The hei is dried vp, and the flour felle doun, for the spirit of the Lord bleew therynne. ⁸ Verely the puple is hey; the hey is dried vp, and the flour felle doun; but the word of the Lord dwellith with outen ende.

³¹ But thei that hopen in the Lord, schulen chaunge strengthe, thei schulen take fetheris as eglis; thei schulen renne, and schulen not trauele; thei schulen go, and schulen not faile.

⁸ And thou, Israel, my seruaunte, Jacob, whom Y chees, the seed of Abraham, my frend, in whom Y took thee;

¹⁰ Synge ye a newe song to the Lord; his heriyng is fro the laste partis of erthe; ye that goon doun in to the see, and the fulnesse therof, ilis, and the dwelleris of tho. ¹¹ The desert be reisid, and the citees therof; he schal dwelle in the housis of Cedar; ye dwelleris of the stoon, herie ye; thei schulen crie fro the cop of hillis. ¹² Thei schulen sette glorie to the Lord, and they schulen telle his heriyng in ilis.

²⁰ And a beeste of the feelde schal glorifie me, dragouns and ostrigis schulen glorifie me; for Y yaf watris in desert, and floodis in the lond without weie, that Y schulde yyue drynk to my puple, to my chosun puple.

²⁵ Y am, Y my silf am, that do awei thi wickidnessis for me, and Y schal not haue mynde on thy synnes.

²³ Ye heuenes, herie, for the Lord hath do merci; the laste partis of erth, synge ye hertli song; hillis, sowne ye preisyng; the forest and ech tre therof, herie God; for the Lord ayenbouyte Jacob, and Israel schal haue glorie.

⁶ That thei that ben at the risyng of the sunne, and thei that ben at the west, know, that with out me is no God.

¹³ Y made nyy myn riytfulnesse, it schal not be drawun afer, and myn helthe shal not tarie; Y schal yyue helthe in Sion, and my glorie in Israel.

¹³ Heuenes, herie ye, and, thou erthe, make ful out ioie; hillis, synge ye hertli heriyng; for the Lord coumfortide his puple, and schal haue merci on hise pore men.

⁶ Reise youre iyen to heuene, and se ye vndur erthe bynethe; for whi heuenes schulen melte awei as smoke, and the erthe schal be al to-brokun as a cloth, and the dwelleris therof schulen perische as these thingis; but myn helthe schal be withouten ende, and my riytfulnesse schal not fayle.

¹² `Y my silf schal coumforte you; what art thou, that thou drede of a deedli man, and of the sone of man, that schal wexe drie so as hei?

⁵ Forsothe he was woundid for oure wickidnessis, he was defoulid for oure greet trespassis; the lernyng of oure pees was on hym, and we ben maad hool bi his wannesse.

⁷ An vnfeithful man forsake his weie, and a wickid man forsake hise thouytis; and turne he ayen to the Lord, and he schal haue merci on hym, and to oure God, for he is myche to foryyue.

⁹ For as heuenys ben reisid fro erthe, so my weies ben reisid fro youre weies, and my thouytis fro youre thouytis.

¹⁶ For Y schal not stryue with outen ende, nether Y schal be wrooth `til to the ende; for whi a spirit schal go out fro my face, and Y schal make blastis.

⁶ Whether not this is more the fastyng, which Y chees? Vnbynde thou the byndingis togidere of vnpitee, releesse thou birthuns pressynge doun; delyuere thou hem free, that ben brokun, and breke thou ech birthun. ⁷ Breke thi breed to an hungri man, and brynge in to thin hous nedi men and herborles; whanne thou seest a nakid man, hile thou hym, and dispise not thi fleisch.

¹ Who is this that cometh fro Edom, in died clothis fro Bosra? this fair man in his `long cloth, goynge in the multitude of his vertu? Y that speke riytfulnesse, and am a forfiytere for to saue.

⁷ I schal haue mynde on the merciful doyngis of the Lord, Y schal preche the heriyng of the Lord on alle thingis whiche the Lord yeldide to vs, and on the multitude `of goodis of the hous of Israel, whiche he yaf to hem bi his foryyuenesse, and bi the multitude of hise mercies.

¹¹ And he hadde mynde on the daies of the world, of Moises, and of his puple. Where is he, that ledde hem out of the see, with the scheepherdis of his floc? Where is he, that settide the spirit of his holi in the myddil therof; ¹² whiche ledde out Moises to the riyt half in the arm of his maieste? which departide watris bifore hem, that he schulde make to hym silf a name euerlastynge;

¹⁵ Biholde thou fro heuene, and se fro thin hooli dwellyng place, and fro the seete of thi glorie. Where is thi feruent loue, and thi strengthe, the multitude of thin entrailis, and of thi merciful doyngis? ¹⁶ Tho withelden hem silf on me. Forsothe thou art oure fadir, and Abraham knew not vs, and Israel knew not vs.

¹ The Lord seith these thingis, Heuene is my seete, and the erthe is the stool of my feet. Which is this hous, which ye schulen bilde to me, and which is this place of my reste?

³¹ Se ye the word of the Lord, whether Y am maad a wildirnesse to Israel, ether a lond late bryngynge forth fruyt? Whi therfor seide my puple, We han go awei, we schulen no more come to thee? ³² Whethir a virgyn schal foryete hir ournement? and a spousesse `schal foryete hir brest girdil? But mi puple hath foryete me bi daies with out noumbre.

⁵ Whether thou schalt be wrooth with outen ende, ether schalt contynue in to the ende? Lo! thou hast spoke, and hast do yuels, and thou were myyti. And for wordis of penaunce thou blasfemydist bi wordis of pride; and thou fillidist thin yuel thouyt, and schewidist thi strengthe ayens thi hosebonde, that thou maist do that thing that thou tretidist bi word.

¹² Go thou, and crye these wordis ayens the north; and thou schalt seie, Thou aduersarie, Israel, turne ayen, seith the Lord, and Y schal not turne awei my face fro you; for Y am hooli, seith the Lord, and Y schal not be wrooth with outen ende.

⁶ if ye maken not fals caleng to a comelyng, and to a fadirles child, and to a widewe; nether scheden out innocent blood in this place, and goen not after alien goddis, in to yuel to you silf, ⁷ Y schal dwelle with you in this place, in the lond which Y yaf to youre fadris, fro the world and til in to the world. ⁸ Lo! ye trusten to you in the wordis of leesyng, that shulen not profite to you; ⁹ to stele, to sle, to do auowtrie, to swere falsli, to make sacrifice to Baalym, and to go aftir alien goddys, whiche ye knowen not. ¹⁰ And ye camen, and stoden bifor me in this hous, in which my name is clepid to help; and ye seiden, We ben delyuered, for we han do alle these abhomynaciouns. ¹¹ Whether therfor this hous, wherynne my name is clepid to help bifore youre iyen, is maad a denne of theues? I, Y am, Y siy, seith the Lord. ¹² Go ye to my place in Silo, where my name dwellide at the bigynnyng, and se ye what thingis Y dide to it, for the malice of my puple Israel. ¹³ And now, for ye han do alle these werkis, seith the Lord, and Y spak to you, and roos eerli, and Y spak, and ye herden not, and Y clepide you, and ye answeriden not; ¹⁴ Y schal do to this hous, wherynne my name is clepid to help, and in which hous ye han trist, and to the place which Y yaf to you and to youre fadris, as Y dide to Silo. ¹⁵ And Y schal caste you forth fro my face, as Y castide forth alle youre britheren, al the seed of Effraym.

¹⁴ Lord, heele thou me, and Y schal be heelid; make thou me saaf, and Y schal be saaf; for thou art myn heriyng.

³ Fer the Lord apperide to me, and in euerlastynge charite Y louede thee; therfor Y doynge merci drow thee.

⁹ Thei schulen come in wepyng, and Y schal brynge hem ayen in merci; and Y schal brynge hem bi the strondis of watris in a riytful weie, thei schulen not spurne therynne; for Y am maad a fadir to Israel, and Effraym is my gendrid sone.

²⁰ For Effraym is a worschipful sone to me, for he is a delicat child; for sithen Y spak of hym, yit Y schal haue mynde on hym; therfor myn entrails ben disturblid on him, Y doynge merci schal haue merci on hym, seith the Lord.

³⁴ And a man schal no more teche his neiybore, and a man his brother, and seie, Knowe thou the Lord; for alle schulen knowe me, fro the leeste of hem `til to the mooste, seith the Lord; for Y schal be merciful to the wickidnessis of hem, and Y schal no more be myndeful on the synne of hem.

¹⁸ which doist merci in thousyndis, and yeldist the wickidnesse of fadris in to the bosum of her sones aftir hem. Thou strongeste, greet, myyti, Lord of oostis is name to thee;

²⁴ that this puple spak, seiynge, Twei kynredis whiche the Lord chees, ben cast awei, and thei dispisiden my puple, for it is no more a folc bifore hem. ²⁵ The Lord seith these thingis, If Y settide not my couenaunt bitwixe dai and niyt, and if Y settide not lawis to heuene and erthe; ²⁶ sotheli and Y schal caste awei the seed of Jacob, and of Dauid, my seruaunt, that Y take not of the seed of hym princes, of the seed of Abraham, of Isaac, and of Jacob; for Y schal brynge ayen the conuersioun of hem, and Y schal haue merci on hem.

²⁰ In tho daies, and in that tyme, seith the Lord, the wickidnesse of Israel schal be souyt, and it schal not be; and the synne of Juda schal be souyt, and it schal not be foundun; for Y schal be merciful to hem, whiche Y schal forsake.

²² Heth. The mercies of the Lord ben manye, for we ben not wastid; for whi hise merciful doyngis failiden not.

⁷ Thei punyschiden with wrongis fadir and modir in thee, thei calengiden falsli a comelyng in the myddis of thee, thei maden sori a fadirles child and a widewe at thee.

¹² Thei token yiftis at thee, to schede out blood; thou tokist vsure and ouerabundaunce, and thou calengidist greedili thi neiyboris, and thou hast foryete me, seith the Lord God. ¹³ Lo! Y haue smyte togidere myn hondis on thin aueryce, which thou didist, and on the blood which is sched out in the myddis of thee. ¹⁴ Whether thin herte schal susteyne, ether thin hondis schulen haue power in the daies whiche Y schal make to thee? For Y the Lord spak, and Y schal do.

¹⁷ The tree which thou siyest hiy and strong, whos heiythe stretchith `til to heuene, and the biholdyng therof in to ech lond,

²⁵ Alle these thingis camen on Nabugodonosor, the kyng.

³⁴ Now therfor Y Nabugodonosor herie, and magnefie, and glorifie the kyng of heuene; for alle hise werkis ben trewe, and alle his weies ben domes; and he may make meke hem that goon in pride.

⁹ Y bihelde, til that trones weren set, and the elde of daies sat; his cloth was whijt as snow, and the heeris of his heed weren as cleene wolle, his trone was as flawmes of fier, hise wheelis weren fier kyndlid. ¹⁰ A flood of fier and rennynge faste yede out fro his face, a thousynde thousynde mynistriden to hym, and ten sithis a thousynde sithis an hundrid thousynde stoden niy hym; the dom sat, and bookis weren opened.

¹⁸ My God, for thi silf boowe doun thin eere, and here; opene thin iyen, and se oure desolacioun, and the citee, on which thi name is clepid to help. For not in oure iustifiyngis we setten forth mekeli preiers bifor thi face, but in thi many merciful doyngis. ¹⁹ Lord, here thou; Lord, be thou plesid, perseyue thou, and do; my Lord God, tarie thou not, for thi silf, for thi name is clepid to help on the citee, and on thi puple.

²⁴ Seuenti woukis of yeeris ben abreggid on thi puple, and on thin hooli citee, that trespassyng be endid, and synne take an ende, and that wickidnesse be doon awei, and euerlastynge riytfulnesse be brouyt, and that the visioun, and prophesie be fillid, and the hooli of seyntis be anoyntid.

¹⁵ And Y schal yyue to it vyn tilieris therof of the same place, and the valei of Achar, that is, of disturblyng, for to opene hope. And it schal synge there bi the daies of hir yongthe, and bi the daies of hir stiyng fro the lond of Egipt.

¹¹ And the Lord yaf his vois bifor the face of his oost, for hise oostis ben ful manye; for tho ben stronge, and doen the word of hym. For the dai of the Lord is greet, and ful ferdful, and who schal suffre it?

¹³ and kerue ye youre hertis, and not youre clothis, and be ye conuertid to youre Lord God, for he is benygne, and merciful, pacient, and of myche merci, and abidynge, ether foryyuynge, on malice.

² And he preiede the Lord, and seide, Lord, Y biseche, whether this is not my word, whanne Y was yit in my lond? For this thing Y purposide, for to fle in to Tharsis; for Y woot, that thou, God, art meke and merciful, pacient, and of merciful doyng, and foryyuynge on malice.

¹ Wo to you, that thenken vnprofitable thing, and worchen yuele in youre beddis; in the morewtid liyt thei don it, for the hond of hem is ayenus God. ² Thei coueitiden feeldis, and tooken violentli; and rauyschiden housis, and falsli calengiden a man and his hous, a man and his eritage. ³ Therfor the Lord seith these thingis, Lo! Y thenke on this meynee yuel, fro which ye schulen not take awei youre neckis; and ye schulen not walke proude, for the worste tyme is.

² and louen yuele? Whiche violentli taken awei the skynnes of hem fro aboue hem, and the fleisch of hem fro aboue the bonys of hem. ³ Whiche eeten the fleisch of my puple, and hiliden the skyn of hem fro aboue; and broken togidere the boonys of hem, and kittiden togidere as in a cawdroun, and as fleisch in the myddil of a pot. ⁴ Thanne thei schulen crie to the Lord, and he schal not here hem; and he schal hide hise face fro hem in that tyme, as thei diden wickidli in her fyndingis.

⁵ My puple, bithenke, Y preie, what Balaac, kyng of Moab, thouyte, and what Balaam, sone of Beor, of Sethym, answeride to hym til to Galgala, that thou schuldist knowe the riytwisnesse of the Lord.

¹⁸ God, who is lijk thee, that doist awei wickidnesse, and berist ouer the synne of relifs of thin eritage? He shal no more sende in his stronge veniaunce, for he is willynge merci; he schal turne ayen,

¹⁸ God, who is lijk thee, that doist awei wickidnesse, and berist ouer the synne of relifs of thin eritage? He shal no more sende in his stronge veniaunce, for he is willynge merci; he schal turne ayen, ¹⁹ and haue merci on vs. He schal put doun oure wickidnessis, and schal caste fer in to depnesse of the see alle oure synnes.

³ The Lord is pacient, and greet in strengthe, and he clensynge schal not make innocent. The Lord cometh in tempest, and the weies of hym ben in whirlwynd, and cloudis ben the dust of hise feet; ⁴ he blameth the see, and drieth it, and bryngith alle flodis to desert. Basan is maad sijk, and Carmel, and the flour of Liban langwischide.

² Lord, it is thi werk, in the myddil of yeeris quykene thou it. In the middil of yeeris thou schalt make knowun; whanne thou schalt be wrooth, thou schalt haue mynde of mercy.

¹⁷ Ye maden the Lord for to trauele in youre wordis, and ye seiden, Wherynne maden we hym for to trauele? In that that ye seien, Ech man that doith yuel, is good in the siyt of the Lord, and siche plesen to hym; ether certis where is the God of doom?

¹⁶ Thanne men dredynge God spaken, ech with his neiybore; and the Lord perseyuede, and herde, and a book of mynde is writun bifor hym to `men dredynge God, and thenkynge his name. ¹⁷ And thei schulen be to me, seith the Lord of oostis, in the dai in which Y schal make, in to a special tresour; and Y schal spare hem, as a man sparith his sone seruynge to hym.

² And to you dredynge my name the sunne of riytwisnesse schal rise, and heelthe in pennys of hym; and ye schulen go out, and schulen skippe, as a calf of the droue.

⁹ And thus ye schulen preye, Oure fadir that art in heuenes, halewid be thi name; ¹⁰ thi kyngdoom come to; be thi wille don `in erthe as in heuene;

³² For hethene men seken alle these thingis; and youre fadir woot, that ye han nede to alle these thingis.

² And lo! thei brouyten to hym a man sike in palesie, liggynge in a bed. And Jhesus saw the feith of hem, and seide to the man sike in palesye, Sone, haue thou trist; thi synnes ben foryouun to thee. ³ And lo! summe of the scribis seiden withynne hem silf, This blasfemeth. ⁴ And whanne Jhesus hadde seyn her thouytis, he seide, Wherto thenken ye yuele thingis in youre hertis? ⁵ What is liytere to seye, Thi synnes ben foryouun to thee, ethir `to seie, Rise thou, and walke? ⁶ But that ye wite that mannus sone hath power to foryyue synnes in erthe, thanne he seide to the sijk man in palesie, Rise vp; take thi bed, and go in to thin hous.

⁴¹ Mannus sone shal sende hise aungels, and thei schulen gadere fro his rewme alle sclaundris, and hem that doon wickidnesse;

³⁰ And thanne the tokene of mannus sone schal appere in heuene, and thanne alle kynredis of the erthe schulen weile; and thei schulen see mannus sone comynge in the cloudis of heuene, with miche vertu and maieste. ³¹ And he schal sende hise aungels with a trumpe, and a greet vois; and thei schulen gedere hise chosun fro foure wyndis, fro the hiyest thingis of heuenes to the endis of hem.

⁵³ Whether gessist thou, that Y may not preie my fadir, and he schal yyue to me now mo than twelue legiouns of aungels?

²⁰ techynge hem to kepe alle thingis, what euer thingis Y haue comaundid to you; and lo! Y am with you in alle daies, in to the ende of the world.

⁵ And whanne Jhesus hadde seyn the feith of hem, he seide to the sijk man in palesie, Sone, thi synnes ben foryouun to thee.

¹⁰ But that ye wite that mannus sone hath power in erthe to foryyue synnes, he seide to the sijk man in palesie, Y seie to thee, ¹¹ ryse vp, take thi bed, and go in to thin hous.

³⁰ and thou schalt loue thi Lord God of al thin herte, and of al thi soule, and of al thi mynde, and of al thi myyt. ³¹ This is the firste maundement. And the secounde is lijk to this, Thou schalt loue thi neiybore as thi silf. Ther is noon other maundement gretter than these. ³² And the scribe seide to hym, Maister, in treuthe thou hast wel seid; for o God is, and ther is noon other, outakun hym; ³³ that he be loued of al the herte, and of al the mynde, and of al the vndurstondynge, and of al the soule, and of al strengthe, and to loue the neiybore as hym silf, is gretter than alle brent offryngis and sacrifices.

⁶ And bothe weren iust bifor God, goynge in alle the maundementis and iustifiyngis of the Lord, withouten pleynt.

¹⁹ And the aungel answeride, and seide to hym, For Y am Gabriel, that stonde niy bifor God; and Y am sent to thee to speke, and to euangelize to thee these thingis.

⁴⁶ And Marie seide, Mi soule magnyfieth the Lord, ⁴⁷ and my spirit hath gladid in God, myn helthe.

⁵⁰ And his mercy is fro kynrede in to kynredes, to men that dreden hym.

¹³ And sudenli ther was maad with the aungel a multitude of heuenli knyythod, heriynge God,

¹³ And sudenli ther was maad with the aungel a multitude of heuenli knyythod, heriynge God, ¹⁴ and seiynge, Glorie be in the hiyeste thingis to God, and in erthe pees be to men of good wille.

⁴⁷ For the which thing Y seie to thee, many synnes ben foryouun to hir, for sche hath loued myche; and to whom is lesse foryouun, he loueth lesse. ⁴⁸ And Jhesus seide to hir, Thi synnes ben foryouun to thee.

¹¹ Therfor who of you axith his fadir breed, whether he schal yyue hym a stoon? or if he axith fisch, whether he schal yyue hym a serpent for the fisch? ¹² or if he axe an eye, whether he schal a reche hym a scorpioun?

²¹ And the sone seide to hym, Fadir, Y haue synned in to heuene, and bifor thee; and now Y am not worthi to be clepid thi sone. ²² And the fadir seide to hise seruauntis, Swithe brynge ye forth the firste stoole, and clothe ye hym, and yyue ye a ryng in his hoond,

¹⁵ And oon of hem, as he saiy that he was clensid, wente ayen, magnifiynge God with grete vois. ¹⁶ And he fel doun on the face bifore hise feet, and dide thankyngis; and this was a Samaritan. ¹⁷ And Jhesus answerde, and seide, Whether ten ben not clensid, and where ben the nyne? ¹⁸ There is noon foundun, that turnede ayen, and yaf glorie to God, but this alien.

²⁴ God is a spirit, and it bihoueth hem that worschipen hym, to worschipe in spirit and treuthe.

⁴⁵ Nyle ye gesse, that Y am to accuse you anentis the fadir; it is Moises that accusith you, in whom ye hopen. ⁴⁶ For if ye bileueden to Moises, perauenture ye schulden bileue also to me; for he wroot of me. ⁴⁷ But if ye bileuen not to hise lettris, hou schulen ye bileue to my wordis?

¹⁷ Jhesus seith to hir, Nyle thou touche me, for Y haue not yit stied to my fadir; but go to my britheren, and seie to hem, Y stie to my fadir and to youre fadir, to my God and to youre God.

³⁵ This Moises whom thei denyeden, seiynge, Who ordeynede thee prince and domesman on vs? God sente this prince and ayenbiere, with the hoond of the aungel, that apperide to hym in the busch. ³⁶ This Moises ledde hem out, and dide wondris and signes in the loond of Egipt, and in the reed see, and in desert fourti yeeris. ³⁷ This is Moises, that seide to the sones of Israel, God schal reise to you a profete of youre bretheren, as me ye schulen here him. ³⁸ This it is, that was in the chirche in wildirnesse, with the aungel that spak to hym in the mount of Syna, and with oure fadris; which took words of lijf to yyue to vs. ³⁹ To whom oure fadris wolden not obeie, but puttiden hym awei, and weren turned awei in hertis in to Egipt, ⁴⁰ seiynge to Aaron, Make thou to vs goddis, that schulen go bifore vs; for to this Moyses that ledde vs out of the lond of Egipt, we witen not what is don to hym. ⁴¹ And thei maden a calf in tho daies, and offriden a sacrifice to the mawmet; and thei weren glad in the werkis of her hondis. ⁴² And God turnede, and bitook hem to serue to the knyythod of heuene, as it is writun in the book of profetis, Whether ye, hous of Israel, offriden to me slayn sacrificis, ether sacrificis, fourti yeris in desert? ⁴³ And ye han take the tabernacle of Moloc, and the sterre of youre god Renfam, figuris that ye han maad to worschipe hem; and Y schal translate you in to Babiloyn. ⁴⁴ The tabernacle of witnessing was with oure fadris in desert, as God disposide to hem, and spak to Moyses, that he schulde make it aftir the fourme that he say. ⁴⁵ Which also oure fadris token with Jhesu, and brouyten in to the possessioun of hethene men, whiche God puttide awey fro the face of oure fadris, til in to the daies of Dauid, ⁴⁶ that fonde grace anentis God, and axide that he schulde fynde a tabernacle to God of Jacob. ⁴⁷ But Salomon bildide the hous `to hym. ⁴⁸ But the hiy God dwellith not in thingis maad bi hoond, ⁴⁹ as he seith bi the profete, Heuene is a seete to me, and the erthe is the stool of my feet; what hous schulen ye bilde to me, seith the Lord, ether what place is of my restyng? ⁵⁰ Whether myn hoond made not alle these thingis? ⁵¹ With hard nol, and vncircumcidid hertis and eris ye withstoden eueremore the Hooli Goost; and as youre fadris, so ye. ⁵² Whom of the profetis han not youre fadris pursued, and han slayn hem that bifor telden of the comyng of the riytful man, whos traitouris and mansleeris ye weren now? ⁵³ Whiche token the lawe in ordynaunce of aungels, and han not kept it. ⁵⁴ And thei herden these thingis, and weren dyuersli turmentid in her hertis, and grenneden with teeth on hym. ⁵⁵ But whanne Steuene was ful of the Hooli Goost, he bihelde in to heuene, and say the glorie of God, and Jhesu stondinge on the riythalf of the vertu of God. And he seide, Lo! Y se heuenes openyd, and mannus sone stondynge on the riythalf of the vertu of God. ⁵⁶ And thei crieden with a greet vois, and stoppiden her eris, and maden with o wille an assauyt in to hym. ⁵⁷ And thei brouyten hym out of the citee, and stonyden. And the witnessis diden of her clothis, bisidis the feet of a yong man, that was clepid Saule. ⁵⁸ And thei stonyden Steuene, that clepide God to help, seiynge, Lord Jhesu, resseyue my spirit. ⁵⁹ And he knelide, and criede with a greet vois, and seide, Lord, sette not to hem this synne. And whanne he hadde seid this thing, he diede.

²⁶ Britheren, and sones of the kynde of Abraham, and whiche that in you dreden God, to you the word of helthe is sent.

³² And we schewen to you the biheest that was maad to oure fadris; ³³ for God hath fulfillid this to her sones, and ayenreisid Jhesu; as in the secounde salm it is writun, Thou art my sone, to dai Y bigat thee. ³⁴ And he ayenreiside hym fro deth, that he schulde not turne ayen in to corrupcioun, seide thus, For Y schal yyue to you the hooli trewe thingis of Dauid.

¹⁶ In this thing Y studie with outen hirtyng, to haue concience to God, and to men euermore.

¹⁷ For the riytwisnesse of God is schewid in it, of feith in to feith,

²¹ But now with outen the lawe the riytwisnesse of God is schewid, that is witnessid of the lawe and the profetis. ²² And the riytwisnesse of God is bi the feith of Jhesu Crist in to alle men and on alle men that bileuen in hym; for ther is no departyng. ²³ For alle men synneden, and han nede to the glorie of God; ²⁴ and ben iustified freli bi his grace, bi the ayenbiyng that is in `Crist Jhesu. ²⁵ Whom God ordeynede foryyuer, bi feith in his blood, to the schewyng of his riytwisnesse, for remyssioun of biforgoynge synnes,

²⁰ And the lawe entride, that gilt schulde be plenteuouse; but where gilt was plenteuouse, ²¹ grace was more plenteuouse. That as synne regnede in to deth, so grace regne bi riytwisnesse in to euerlastynge lijf, bi `Crist Jhesu oure Lord.

²⁸ And we witen, that to men `that louen God, alle thingis worchen togidere in to good, to hem that aftir purpos ben clepid seyntis. ²⁹ For thilke that he knewe bifor, he bifor ordenede bi grace to be maad lijk to the ymage of his sone, that he be the first bigetun among many britheren. ³⁰ And thilke that he bifore ordeynede to blis, hem he clepide; and whiche he clepide, hem he iustifiede; and whiche he iustifiede, and hem he glorifiede.

⁸ For Y seie, that Jhesu Crist was a mynystre of circumcisioun for the treuthe of God, to conferme the biheestis of fadris.

¹⁵ What thanne? Y schal preye in spirit, Y schal preye in mynde; Y schal seie salm, in spirit, Y schal seie salm also in mynde.

¹⁶ For which thing we failen not, for thouy oure vtter man be corruptid; netheles the ynner man is renewid fro dai to dai.

⁴ as he hath chosun vs in hym silf bifor the makyng of the world, that we weren hooli, and with out wem in his siyt, in charite. ⁵ Which hath bifor ordeyned vs in to adopcioun of sones bi Jhesu Crist in to hym, bi the purpos of his wille, ⁶ in to the heriyng of the glorie of his grace; ⁷ in which he hath glorified vs in his dereworthe sone. In whom we han redempcioun bi his blood, foryyuenesse of synnes, aftir the ritchessis of his grace,

⁷ in which he hath glorified vs in his dereworthe sone. In whom we han redempcioun bi his blood, foryyuenesse of synnes, aftir the ritchessis of his grace, ⁸ that aboundide greetli in vs in al wisdom and prudence,

²¹ aboue ech principat, and potestat, and vertu, and domynacioun, and aboue ech name that is named, not oneli in this world, but also in the world to comynge; ²² and made alle thingis suget vndur hise feet, and yaf hym to be heed ouer al the chirche,

⁴ but God, that is riche in merci, for his ful myche charite in which he louyde vs, ⁵ yhe, whanne we weren deed in synnes, quikenede vs togidere in Crist, bi whos grace ye ben sauyd, and ayen reiside togidere, ⁶ and made togidere to sitte in heuenli thingis in Crist Jhesu; ⁷ that he schulde schewe in the worldis aboue comynge the plenteuouse ritchessis of his grace in goodnesse on vs in Crist Jhesu.

¹¹ For which thing be ye myndeful, that sumtyme ye weren hethene in fleisch, which weren seid prepucie, fro that that is seid circumcisioun maad bi hond in fleisch; ¹² and ye weren in that time with out Crist, alienyd fro the lyuyng of Israel, and gestis of testamentis, not hauynge hope of biheest, and with outen God in this world. ¹³ But now in Crist Jhesu ye that weren sum tyme fer, ben maad nyy in the blood of Crist.

¹⁸ moun comprehende with alle seyntis, which is the breede, and the lengthe, and the hiynesse, and the depnesse; ¹⁹ also to wite the charite of Crist more excellent than science, that ye be fillid in al the plentee of God.

⁹ And this thing Y preie, that youre charite be plenteuouse more and more in kunnyng, and in al wit;

⁹ For which thing God enhaunside hym, and yaf to hym a name that is aboue al name; ¹⁰ that in the name of Jhesu ech kne be bowid, of heuenli thingis, of ertheli thingis, and of hellis;

¹⁶ The word of Crist dwelle in you plenteuousli, in al wisdom; and teche and moneste you silf in salmes, and ympnes, and spiritual songis, in grace synginge in youre hertis to the Lord.

¹ Therfor, britheren, fro hennus forward we preien you, and bisechen in the Lord Jhesu, that as ye han resseyued of vs, hou it bihoueth you to go and to plese God, so walke ye, that ye abounde the more.

⁷ and to you that ben troblid, rest with vs in the schewing of the Lord Jhesu fro heuene, with aungelis of his vertu, ⁸ in the flawme of fier, that schal yyue veniaunce to hem that knowen not God, and that obeien not to the euangelie of oure Lord Jhesu Crist.

¹³ in which also he clepide you bi oure gospel, in to geting of the glorie of oure Lord Jhesu Crist. ¹⁴ Therfor, britheren, stonde ye, and holde ye the tradiciouns, that ye han lerud, ethir bi word, ethir bi oure pistle.

¹⁷ Amen. Comaunde thou to the riche men of this world, that thei vndurstonde not hiyli, nether that thei hope in vncerteynte of richessis, but in the lyuynge God, that yyueth to vs alle thingis plenteuously to vse;

⁹ that delyueride vs, and clepide with his hooli clepyng, not after oure werkis, but bi his purpos and grace, that is youun in Crist Jhesu bifore worldli tymes;

⁶ And whanne eftsoone he bryngith in the firste bigetun sone in to the world, he seith, And alle the aungels of God worschipe hym. ⁷ But he seith to aungels, He that makith hise aungels spiritis, and hise mynystris flawme of fier.

¹⁴ Whether thei alle ben not seruynge spiritis, sente to seruen for hem that taken the eritage of heelthe?

¹ But a capitle on tho thingis that ben seid. We han siche a bischop, that sat in the riythalf of the seete of greetnesse in heuenes,

⁶ But now he hath getun a betere mynysterie, bi so myche as he is a mediatour of a betere testament, which is confermyd with betere biheestis. ⁷ For if the ilke firste hadde lackid blame, the place of the secounde schulde not haue be souyt. ⁸ For he repreuynge hem seith, Lo! daies comen, seith the Lord, and Y schal make perfit a newe testament on the hous of Israel, and on the hous of Juda; ⁹ not lijk the testament that Y made to her fadris, `in the dai in which Y cauyte her hond, that Y schulde lede hem out of the loond of Egipt; for thei dwelliden not perfitli in my testament, and Y haue dispisid hem, seith the Lord. ¹⁰ But this is the testament, which Y schal dispose to the hous of Israel aftir tho daies, seith the Lord, in yyuynge my lawis in to the soulis of hem, and in to the hertis of hem I schal aboue write hem; and Y schal be to hem in to a God, and they schulen be to me in to a puple. ¹¹ And ech man schal not teche his neiyebore, and ech man his brother, seiynge, Knowe thou the Lord; for alle men schulen knowe me, fro the lesse to the more of hem. ¹² For Y schal be merciful to the wickidnesse of hem, and now Y schal not bithenke on the synnes of hem. ¹³ But in seiynge a newe, the formere wexide eeld; and that that is of many daies, and wexith eeld, is nyy the deeth.

² ellis thei schulden haue ceessid to be offrid, for as myche as the worschiperis clensid onys, hadden not ferthermore conscience of synne.

⁵ And ye han foryet the coumfort that spekith to you as to sones, and seith, My sone, nyle thou dispise the teching of the Lord, nether be thou maad weri, the while thou art chastisid of hym. ⁶ For the Lord chastisith hym that he loueth; he betith euery sone that he resseyueth. ⁷ Abide ye stille in chastising; God proferith hym to you as to sones. For what sone is it, whom the fadir chastisith not? ⁸ That if ye `ben out of chastising, whos parteneris ben ye alle maad, thanne ye ben auowtreris, and not sones. ⁹ And aftirward we hadden fadris of oure fleisch, techeris, and we with reuerence dredden hem. Whethir not myche more we schulen obeische to the fadir of spiritis, and we schulen lyue? ¹⁰ And thei in tyme of fewe dayes tauyten vs bi her wille; but this fadir techith to that thing that is profitable, in resseyuynge the halewing of hym. ¹¹ And ech chastisyng in present tyme semeth to be not of ioye, but of sorewe; but aftirward it schal yelde fruyt of riytwisnesse moost pesible to men exercisid bi it.

¹⁰ and a riche man in his lownesse; for as the flour of gras he schal passe. ¹¹ The sunne roos vp with heete, and driede the gras, and the flour of it felde doun, and the fairnesse of his chere perischide; and so a riche man welewith in hise weies. ¹² Blessid is the man, that suffrith temptacioun; for whanne he schal be preued, he schal resseyue the coroun of lijf, which God biheyte to men that louen hym.

⁶ But ye han dispisid the pore man. Whether riche men oppressen not you bi power, and thei drawen you to domes?

¹ Do now, ye riche men, wepe ye, yellinge in youre wretchidnessis that schulen come to you. ² Youre richessis ben rotun, and youre clothis ben etun of mouytis. ³ Youre gold and siluer hath rustid, and the rust of hem schal be to you in to witnessyng, and schal ete youre fleischis, as fier. Ye han tresourid to you wraththe in the last daies. ⁴ Lo! the hire of youre werke men, that repiden youre feeldis, which is fraudid of you, crieth; and the cry of hem hath entrid in to the eeris of the Lord of oostis. ⁵ Ye han ete on the erthe, and in youre letcheries ye han nurschid youre hertis. In the dai of sleyng ye brouyten, ⁶ and slowen the iust man, and he ayenstood not you.

¹¹ Lo! we blessen hem that suffriden. Ye herden the `suffring, ethir pacience, of Joob, and ye sayn the ende of the Lord, for the Lord is merciful, and doynge merci.

¹⁵ and the preier of feith schal saue the sijk man, and the Lord schal make hym liyt; and if he be in synnes, thei schulen be foryouun to hym.

²⁴ For ech fleisch is hey, and al the glorie of it is as flour of hey; the hei driede vp, and his flour felde doun;

²² and swolewith deth, that we schulden be made eiris of euerlastinge lijf. He yede in to heuene, and aungelis, and powers, and vertues, ben maad sugetis to hym.

⁴ And whanne the prince of scheepherdis schal appere, ye schulen resseyue the coroun of glorie, that may neuere fade.

¹ Simount Petre, seruaunt and apostle of `Jhesu Crist, to hem that han take with vs the euene feith, in the riytwisnesse of oure God and sauyour Jhesu Crist,

⁷ But if we walken in liyt, as also he is in liyt, we han felawschip togidere; and the blood of Jhesu Crist, his sone, clensith vs fro al synne.

⁸ And the foure beestis hadden euery of hem sixe wyngis; and al aboute and with ynne thei weren ful of iyen; and thei hadden not reste dai and nyyt, seiynge, Hooli, hooli, hooli, the Lord God almyyti, that was, and that is, and that is to comynge.

⁹ And thei sungun a newe song, and seiden, Lord oure God, thou art worthi to take the book, and to opene the seelis of it; for thou were slayn, and ayenbouytist vs to God in thi blood, of ech lynage, `and tunge, and puple, and nacioun;

¹² The lomb that was slayn, is worthi to take vertu, and godhed, and wisdom, and strengthe, and onour, and glorie, and blessing. ¹³ And ech creature that is in heuene, and that is on erthe, and vndur erthe, and the see, and whiche thingis ben in it, Y herde alle seiynge, To hym that sat in the trone, and to the lomb, blessyng, and onour, and glorie, and power, in to worldis of worldis. ¹⁴ And the foure beestis seiden, Amen. And the foure and twenti eldre men fellen doun on her faces, and worschipiden hym that lyueth in to worldis of worldis.

⁵ And a vois wente out of the trone, and seide, Alle the seruauntis of oure God, seie ye heriyngus to oure God, and ye that dreden God, smale and grete. ⁶ And Y herde a vois of a grete trumpe, as the vois of many watris, and as the vois of grete thundris, seiynge, Alleluya; for oure Lord God almyyti hath regned.

⁸ And Y am Joon, that herde and say these thingis. And aftirward that Y hadde `herd and seyn, Y felde doun, to worschipe bifor the feet of the aungel, that schewide to me these thingis. <sup>9</sup> And he seide to me, Se thou, that thou do not; for Y am seruaunt `with thee, and of thi britheren, prophetis, and of hem that kepen the wordis of prophesie of this book; worschipe thou God.