Proverbs 29:3 Cross References - Wycliffe

³ A man that loueth wisdom, makith glad his fadir; but he that nurschith `an hoore, schal leese catel.

⁸ Make fer thi weie fro hir, and neiye thou not to the doris of hir hous. ⁹ Yyue thou not thin onour to aliens, and thi yeeris to the cruel; ¹⁰ lest perauenture straungeris be fillid with thi strengthis, and lest thi trauels be in an alien hous;

²⁶ For the prijs of an hoore is vnnethe of o loof; but a womman takith the preciouse soule of a man.

¹ The parablis of Salomon. A wijs sone makith glad the fadir; but a fonned sone is the sorewe of his modir.

²⁰ A wise sone makith glad the fadir; and a fonned man dispisith his modir.

¹⁷ He that loueth metis, schal be in nedynesse; he that loueth wiyn and fatte thingis, schal not be maad riche.

²⁰ Desirable tresoure and oile is in the dwelling places of a iust man; and an vnprudent man schal distrie it.

¹⁵ Mi sone, if thi soule is wijs, myn herte schal haue ioye with thee;

²⁴ The fadir of a iust man ioieth ful out with ioie; he that gendride a wijs man, schal be glad in hym. ²⁵ Thi fadir and thi modir haue ioye, and he that gendride thee, make ful out ioye.

¹¹ Mi sone, studie thou a boute wisdom, and make thou glad myn herte; that thou maist answere a word to a dispisere.

⁷ He that kepith the lawe, is a wijs sone; but he that fedith glotouns, schendith his fadir.

¹⁹ He that worchith his lond, schal be fillid with looues; he that sueth ydelnesse, schal be fillid with nedynesse.

¹³ And the aungel seide to hym, Zacarie, drede thou not; for thi preyer is herd, and Elizabeth, thi wijf, schal bere to thee a sone, and his name schal be clepid Joon. ¹⁴ And ioye and gladyng schal be to thee; and many schulen `haue ioye in his natyuyte. ¹⁵ For he schal be greet bifor the Lord, and he schal not drynke wyn and sidir, and he schal be fulfillid with the Hooli Goost yit of his modir wombe. ¹⁶ And he schal conuerte many of the children of Israel to her Lord God; ¹⁷ and he schal go bifor hym in the spirit and the vertu of Helie; and he schal turne the hertis of the fadris in to the sones, and men out of bileue to the prudence of iust men, to make redi a perfit puple to the Lord.

¹³ And not aftir many daies, whanne alle thingis weren gederid togider, the yonger sone wente forth in pilgrymage in to a fer cuntre; and there he wastide hise goodis in lyuynge lecherously.

³⁰ But aftir that this thi sone, that hath deuourid his substaunce with horis, cam, thou hast slayn to hym a fat calf.