Proverbs 24:25 Cross References - Wycliffe

²⁵ Thei that repreuen iustli synners, schulen be preisid; and blessing schal come on hem.

¹⁷ Thou schalt not hate thi brothir in thin herte, but repreue hym opynly, lest thou haue synne on hym.

¹³ For Y biforseide to hym, that Y schulde deme his hows with outen ende for wickidnesse; for he knew, that hise sones diden vnworthili, and he chastiside not hem.

¹⁹ And thou schalt speke to hym, and `thou schalt seie, The Lord God seith these thingis, Thou hast slayn, ferthermore and thou hast take in possessioun; and aftir these thingis thou schalt adde, In this place, wherynne doggis lickiden the blood of Naboth, thei schulen licke also thi blood. ²⁰ And Achab seyde to Elie, Whether thou hast founde me thin enemy? Which Elie seide, Y haue founde, for thou art seeld that thou schuldist do yuel in the siyt of the Lord.

⁷ And myn herte thouyte with me, and Y blamede the principal men and magistratis; and Y seide to hem, Axe ye not vsuris, `ech man of youre britheren. And Y gaderide togidire a greet cumpeny ayens hem, ⁸ and Y seide to hem, As ye witen, we bi oure power ayenbouyten oure britheren Jewis, that weren seeld to hethene men; and ye therfor sillen youre britheren, and schulen we ayenbie hem? And thei holden silence, and founden not what thei schulen answere. ⁹ And Y seide to hem, It is not good thing, which ye doon; whi goen ye not in the drede of oure God, and repreef be not seid to vs of hethene men, oure enemyes?

⁸ And Y castide forth the vessels of the hows of Tobie out of the tresorie; ⁹ and Y comaundide, and thei clensiden the tresories; and Y brouyte ayen there the vessels of Goddis hous, sacrifice, and encence. ¹⁰ And Y knew that the partes of dekenes weren not youun, and that ech man of the dekenes and of the syngeris, and of hem that mynystriden hadde fledde in to his cuntrei; ¹¹ and Y dide the cause ayens magistratis, and Y seide, Whi `forsaken we the hous of God? And Y gaderide hem togidere, `that is, dekenes and mynystris `that hadden go awei, and Y made hem to stonde in her stondyngis.

¹⁷ And Y rebuykide the principal men of Juda, and Y seide to hem, What is this yuel thing which ye doen, and maken vnhooli the daie of the sabat?

²⁵ And Y rebuykide hem, and Y curside; and Y beet the men `of hem, and Y made hem ballid, and Y made hem to swere bi the Lord, that thei schulden not yyue her douytris to the sones of `tho aliens, and that thei schulden not take of the douytris of `tho aliens to her sones, and to hem silf;

²⁸ Forsothe Sanabalath Horonyte hadde weddid a douyter of the sones of Joiada, sone of Eliasib, the grete prest, which Sanaballath Y droof awei fro me.

¹⁶ Y was a fadir of pore men; and Y enqueride most diligentli the cause, which Y knew not. ¹⁷ Y al tobrak the grete teeth of the wickid man, and Y took awei prey fro hise teeth. ¹⁸ And Y seide, Y schal die in my nest; and as a palm tre Y schal multiplie daies.

²³ He that repreueth a man, schal fynde grace aftirward at hym; more than he that disseyueth bi flateryngis of tunge.

⁴ For Joon seide to him, It is not leueful to thee to haue hir.

²⁰ But reproue thou men that synnen bifor alle men, that also othere haue drede.

² preche the word, be thou bisi couenabli with outen rest, repreue thou, biseche thou, blame thou in al pacience and doctryn.

¹³ This witnessyng is trewe. For what cause blame hem sore, that thei be hool in feith,

¹⁵ Speke thou these thingis, and moneste thou, and repreue thou with al comaundement; no man dispise thee.