Proverbs 24:14 Cross References - Wycliffe

¹⁴ `So and the techyng of wisdom is good to thi soule; and whanne thou hast founde it, thou schalt haue hope in the laste thingis, and thin hope schal not perische.

¹⁰ Lord, make thou saaf the kyng; and here thou vs in the dai in which we inwardli clepen thee.

¹ Mi sone, if thou resseyuest my wordis, `and hidist myn heestis anentis thee; ² that thin eere here wisdom, bowe thin herte to knowe prudence. ³ For if thou inwardli clepist wisdom, and bowist thin herte to prudence; ⁴ if thou sekist it as money, and diggist it out as tresours; ⁵ thanne thou schalt vndirstonde the drede of the Lord, and schalt fynde the kunnyng of God.

¹⁰ If wysdom entrith in to thin herte, and kunnyng plesith thi soule,

¹³ Blessid is the man that fyndith wisdom, and which flowith with prudence. ¹⁴ The geting therof is betere than the marchaundie of gold and of siluer; the fruytis therof ben the firste and clenneste. ¹⁵ It is preciousere than alle richessis; and alle thingis that ben desirid, moun not be comparisound to this. ¹⁶ Lengthe of daies is in the riythalf therof, and richessis and glorie ben in the lifthalf therof. ¹⁷ The weies therof ben feire weies, and alle the pathis therof ben pesible. ¹⁸ It is a tre of lijf to hem that taken it; and he that holdith it, is blessid.

¹⁸ That schal be fair to thee, whanne thou hast kept it in thin herte, and it schal flowe ayen in thi lippis.

¹⁸ For thou schalt haue hope at the laste, and thin abidyng schal not be don awei.

¹⁶ Thi wordis ben foundun, and Y eet tho; and thi word was maad to me in to ioye, and in to gladnesse of myn herte; for thi name, Lord God of oostis, is clepid to help on me.

²¹ Jhesus seith to hym, If thou wolt be perfite, go, and sille alle thingis that thou hast, and yyue to pore men, and thou schalt haue tresoure in heuene; and come, and sue me.

²⁵ But he that biholdith in the lawe of perfit fredom, and dwellith in it, and is not maad a foryetful herere, but a doere of werk, this schal be blessid in his dede.