Proverbs 24:11 Cross References - Wycliffe

¹¹ Delyuere thou hem, that ben led to deth; and ceesse thou not to delyuere hem, that ben drawun to deth.

⁸ And Abisay seide to Dauid, God hath closid to dai thin enemy in to thin hondis; now therfor Y schal peerse hym with a spere onys in the erthe, and `no nede schal be the secounde tyme. ⁹ And Dauid seide to Abysai, Sle thou not hym, for who schal holde forth his hond into the crist of the Lord, and schal be innocent?

¹⁷ Y al tobrak the grete teeth of the wickid man, and Y took awei prey fro hise teeth.

⁴ Thei maden a wickid counsel on thi puple; and thei thouyten ayens thi seyntis.

⁶ Whether not this is more the fastyng, which Y chees? Vnbynde thou the byndingis togidere of vnpitee, releesse thou birthuns pressynge doun; delyuere thou hem free, that ben brokun, and breke thou ech birthun. ⁷ Breke thi breed to an hungri man, and brynge in to thin hous nedi men and herborles; whanne thou seest a nakid man, hile thou hym, and dispise not thi fleisch.

³¹ And it bifel, that a prest cam doun the same weie, and passide forth, whanne he hadde seyn hym. ³² Also a dekene, whanne he was bisidis the place, and saiy him, passide forth.

²³ And thei contynueden with greet voicis axynge, that he schulde be crucified; and the voicis of hem woxen stronge. ²⁴ And Pilat demyde her axyng to be don. ²⁵ And he delyueride to hem hym, that for mansleyng and sedicioun was sent in to prisoun, whom thei axiden; but he bitook Jhesu to her wille.

¹⁷ And alle token Sostenes, prince of the synagoge, and smoten him bifor the doom place; and no thing of these was to charge to Gallion.

³¹ And whanne thei souyten to sle hym, it was teld to the tribune of the cumpany of knyytis, that al Jerusalem is confoundid. ³² Which anoon took knyytis, and centuriens, and ran to hem. And whanne thei hadden seen the tribune, and the knyytis, thei ceessiden to smyte Poul.

¹⁰ And whanne greet discencioun was maad, the tribune dredde, lest Poul schulde be to-drawun of hem; and he comaundide knyytis to go doun, and to take hym fro the myddil of hem, and to lede hym in to castels.

²³ And he clepide togidre twei centuriens, and he seide to hem, Make ye redi twei hundrid knyytis, that thei go to Cesarie, and horse men seuenti, and spere men twey hundrid, fro the thridde our of the nyyt. ²⁴ And make ye redy an hors, for Poul to ride on, to lede hym saaf to Felix, the presydent. ²⁵ For the tribune dredde, lest the Jewis wolden take hym bi the weie, and sle hym, and aftirward he miyte be chalengid, as he hadde take money. ²⁶ And wroot hym `a pistle, conteynynge these thingis. Claudius Lisias to the beste Felix, president, heelthe. ²⁷ This man that was take of the Jewis, and bigan to be slayn, Y cam vpon hem with myn oost, and delyuerede hym fro hem, whanne Y knewe that he was a Romayn. ²⁸ And Y wolde wite the cause, which thei puttiden ayens hym; and Y ledde hym to the counsel of hem. ²⁹ And Y foond, that he was accusid of questiouns of her lawe, but he hadde no cryme worthi the deth, ethir boondis. ³⁰ And whanne it was teeld me of the aspies, that thei arayden for hym, Y sente hym to thee, and Y warnede also the accuseris, that thei seie at thee. Fare wel. ³¹ And so the knyytis, as thei weren comaundid, token Poul, and ledde hym bi nyyt into Antipatriden. ³² And in the dai suynge, whanne the horsmen weren left, that schulden go with hym, thei turneden ayen to the castels. ³³ And whanne thei camen to Cesarie, thei token the pistle to the president, and thei setten also Poul byfore him. ³⁴ And whanne he hadde red, and axide, of what prouynce he was, and knewe that he was of Cilicie, ³⁵ Y schal here thee, he seide, whanne thin accuseris comen. And he comaundide hym to be kept in the moot halle of Eroude.

¹⁶ In this thing we han knowe the charite of God, for he puttide his lijf for vs, and we owen to putte oure lyues for oure britheren. ¹⁷ He that hath the catel of this world, and seeth that his brothir hath nede, and closith his entrailis fro hym, hou dwellith the charite of God in hym?