Proverbs 12:5 Cross References - Wycliffe

⁵ The thouytis of iust men ben domes; and the counselis of wickid men ben gileful.

² Hou long schal Y sette counsels in my soule; sorewe in my herte bi dai? ³ Hou long schal myn enemy be reisid on me?

² For thei schulen wexe drie swiftli as hey; and thei schulen falle doun soone as the wortis of eerbis. ³ Hope thou in the Lord, and do thou goodnesse; and enhabite thou the lond, and thou schalt be fed with hise richessis. ⁴ Delite thou in the Lord; and he schal yyue to thee the axyngis of thin herte.

⁶ Mi soule, whi art thou sory; and whi disturblist thou me? Hope thou in God, for yit Y schal knouleche to hym; he is the helthe of my cheer, ⁷ and my God. My soule is disturblid at my silf; therfor, God, Y schal be myndeful of thee fro the lond of Jordan, and fro the litil hil Hermonyim.

¹ The `title of the hundrid and fourtithe salm. `The salm `of Dauith. Lord, Y criede to thee, here thou me; yyue thou tent to my vois, whanne Y schal crye to thee. ² Mi preier be dressid as encense in thi siyt; the reisyng of myn hondis be as the euentid sacrifice. ³ Lord, sette thou a keping to my mouth; and a dore of stonding aboute to my lippis.

²³ The desir of iust men is al good; abiding of wickid men is woodnesse.

⁹ The thouyte of a fool is synne; and a bacbitere is abhomynacioun of men.

⁷ An vnfeithful man forsake his weie, and a wickid man forsake hise thouytis; and turne he ayen to the Lord, and he schal haue merci on hym, and to oure God, for he is myche to foryyue.

¹⁴ Thou Jerusalem, waische thin herte fro malice, that thou be maad saaf. Hou long schulen noiful thouytis dwelle in thee?

³ But king Eroude herde, and was trublid, and al Jerusalem with hym. ⁴ And he gaderide to gidre alle the prynces of prestis, and scribis of the puple, and enqueride of hem, where Crist shulde be borun. ⁵ And thei seiden to hym, In Bethleem of Juda; for so it is writun bi a profete, ⁶ And thou, Bethleem, the lond of Juda, art not the leest among the prynces of Juda; for of thee a duyk schal go out, that schal gouerne my puple of Israel. ⁷ Thanne Eroude clepide pryueli the astromyens, and lernyde bisili of hem the tyme of the sterre that apperide to hem. ⁸ And he sente hem in to Bethleem, and seide, Go ye, and axe ye bisili of the child, and whanne yee han foundun, telle ye it to me, that Y also come, and worschipe hym.

¹⁶ Thanne Eroude seynge that he was disseyued of the astromyens, was ful wrooth; and he sente, and slowe alle the children, that weren in Bethleem, and in alle the coostis therof, fro two yeer age and with inne, aftir the tyme that he had enquerid of the astromyens.

⁴ and maden a counsel to holde Jhesu with gile, and sle him;

⁵ Therfor nyle ye deme bifore the tyme, til that the Lord come, which schal liytne the hyd thingis of derknessis, and schal schewe the counseils of hertis; and thanne preisyng schal be to ech man of God.

² faile we not, but do we awei the preue thingis of schame, not walkinge in sutil gile, nether doynge auoutrye bi the word of God, but in schewynge of the treuthe comendynge vs silf to ech conscience of men bifor God.