Proverbs 11:19 Cross References - Wycliffe

¹⁹ Merci schal make redi lijf; and the suyng of yuels `schal make redi deth.

¹⁶ For the feet of hem rennen to yuel; and thei hasten to schede out blood. ¹⁷ But a net is leid in veyn bifore the iyen of briddis, that han wengis. ¹⁸ Also `thilke wickid disseyueris setten aspies ayens her owne blood; and maken redi fraudis ayens her soulis. ¹⁹ So the pathis of ech auerouse man rauyschen the soulis of hem that welden.

²² Anoon he as an oxe led to slayn sacrifice sueth hir, and as a ioli lomb and vnkunnynge; and the fool woot not, that he is drawun to bondys, ²³ til an arowe perse his mawe. As if a brid hastith to the snare; and woot not, that it is don of the perel of his lijf.

³⁶ But he that synneth ayens me, schal hurte his soule; alle that haten me, louen deeth.

¹⁶ The werk of a iust man is to lijf; but the fruyt of a wickid man is to synne.

⁴ Richessis schulen not profite in the dai of veniaunce; but riytfulnesse schal delyuere fro deth.

²⁸ Lijf is in the path of riytfulnesse; but the wrong weie leedith to deeth.

²³ The drede of the Lord ledith to lijf `of blis; and he `that dredith God schal dwelle in plentee, with outen visityng `of the worste.

³⁵ but in eche folk he that dredith God, and worchith riytwisnesse, is accept to hym.

⁸ but to hem that ben of strijf, and that assenten not to treuthe, but bileuen to wickidnesse, wraththe and indignacioun, tribulacioun and angwisch, ⁹ in to ech soule of man that worchith yuel, to the Jew first, and to the Greke;

⁷ Litle sones, no man disseyue you; he that doith riytwysnesse, is iust, as also he is iust.

¹⁰ In this thing the sones of God ben knowun, and the sones of the feend. Ech man that is not iust, is not of God, and he that loueth not his brothir.