Philippians 1:23 Cross References - Wycliffe

²³ But Y am constreyned of twei thingis, Y haue desire to be dissolued, and to be with Crist, it is myche more betere; but to dwelle in fleisch,

¹⁴ Forsothe Dauid seide to Gad, Y am constreyned on ech side greetli; but it is betere that Y falle in to the hondis of the Lord [Note: if Dauyth hadde chose huugur of vii. yeer, he and riche men wolden haue purueyed to hem silf of liyflode, and pore men schulden haue be turmentid gretly; and if he hadde chose fliyt bifor enemyes, he and myyty men schulden haue be defendid and pore men slayn, therfor he chees pestilence, comyn peyne to alle, for he tristide in Goddis mersi. ], for his emercies ben manye, than in the hondis of men.

²⁶ and eft Y schal be cumpassid with my skyn, and in my fleisch Y schal se God, my sauyour. ²⁷ Whom Y my silf schal se, and myn iyen schulen biholde, and not an other man. This myn hope is kept in my bosum.

¹⁰ thei han closide togidere her fatnesse; the mouth of hem spak pride. ¹¹ Thei castiden me forth, and han cumpassid me now; thei ordeyneden to bowe doun her iyen in to erthe.

¹⁵ And he sente hise arowis, and distriede tho men; he multipliede leytis, and disturblide tho men.

¹⁵ And inwardli clepe thou me in the dai of tribulacioun; and Y schal delyuere thee, and thou schalt onoure me.

²⁹ and seide, Lord, now thou leuyst thi seruaunt aftir thi word in pees; ³⁰ for myn iyen han seyn thin helthe,

³⁸ And the man of whom the deuelis weren gon out, preide hym, that he schulde be with hym. Jhesus lefte hym,

⁵⁰ And Y haue to be baptisid with a baptysm, and hou am Y constreyned, til that it be perfitli don?

⁴³ And Jhesus seide to hym, Treuli Y seie to thee, this dai thou schalt be with me in paradise.

²⁶ If ony man serue me, sue he me; and where Y am, there my mynystre schal be. If ony man serue me, my fadir schal worschipe hym.

¹ Bifor the `feeste dai of pask Jhesus witynge, that his our is comun, that he passe fro this world to the fadir, whanne he hadde loued hise that weren in the world, in to the ende he louede hem.

³ And if Y go, and make redi to you a place, eftsoones Y come, and Y schal take you to my silf, that where Y am, ye be.

²⁴ Fadir, thei whiche thou yauest to me, Y wole that where Y am, that thei be with me, that thei see my clerenesse, that thou hast youun to me; for thou louedist me bifor the makyng of the world.

⁵⁹ And he knelide, and criede with a greet vois, and seide, Lord, sette not to hem this synne. And whanne he hadde seid this thing, he diede.

⁸ But we ben hardi, and han good wille, more to be in pilgrymage fro the bodi, and to be present to God.

¹² ye ben not angwischid in vs, but ye ben anguischid in youre inwardnessis.

¹ For, britheren, ye witen oure entre to you, for it was not veyn;

¹³ Therfor we doon thankingis to God with outen ceessyng. For whanne ye hadden take of vs the word `of the heryng of God, ye token it not as the word of men, but as `it is verili, the word of God, that worchith in you that han bileued.

¹⁷ Therfor be ye coumfortid togidere in these wordis.

⁶ For Y am sacrifisid now, and the tyme of my departyng is nyy.

¹⁴ And Y seide to hym, My lord, thou woost. And he seide to me, These ben thei, that camen fro greet tribulacioun, and waischiden her stoolis, and maden hem white in the blood of the lomb. ¹⁵ Therfor thei ben bifor the trone of God, and seruen to hym dai and niyt, in his temple. And he that sittith in the trone, dwellith on hem. ¹⁶ Thei schulen no more hungur, nether thirste, nether sunne schal falle on hem, ne ony heete. ¹⁷ For the lomb, that is in the myddil of the trone, schal gouerne hem, and schal lede forth hem to the wellis of watris of lijf; and God schal wipe awei ech teer fro the iyen of hem.

¹³ And Y herde a vois fro heuene, seiynge to me, Write thou, Blessid ben deed men, that dien in the Lord; fro hennus forth now the spirit seith, that thei reste of her traueilis; for the werkis of hem suen hem.