Philippians 1:20 Cross References - Wycliffe

²⁰ For in no thing Y schal be schamed, but in al trist as euere more and now, Crist schal be magnefied in my bodi, ether bi lijf, ether bi deth.

² Lord, preue thou me, and asaie me; brenne thou my reynes, and myn herte.

⁵ So Y schal blesse thee in my lijf; and in thi name Y schal reise myn hondis.

²⁸ Abiding of iust men is gladnesse; but the hope of wickid men schal perische.

¹⁸ For thou schalt haue hope at the laste, and thin abidyng schal not be don awei.

¹⁷ Israel is sauyde in the Lord, bi euerlastynge helthe; ye schulen not be schent, and ye schulen not be aschamed, til in to the world of world.

⁷ The Lord God is myn helpere, and therfor Y am not schent; therfor Y haue set my face as a stoon maad hard, and Y woot that Y schal not be schent.

⁴ Nile thou drede, for thou schal not be schent, nether thou schalt be aschamed. For it schal not schame thee; for thou schalt foryete the schenschipe of thi yongthe, and thou schalt no more thenke on the schenschipe of thi widewehod.

²⁷ Now my soule is troublid, and what schal Y seie? Fadir, saue me fro this our; but therfor Y cam in to this our; ²⁸ fadir, clarifie thi name. And a vois cam fro heuene, and seide, And Y haue clarified, and eft Y schal clarifie.

¹⁹ He seide this thing, signifynge bi what deth he schulde glorifie God. And whanne he hadde seid these thingis, he seith to hym, Sue thou me.

²⁴ But Y drede no thing of these, nether Y make my lijf preciousere than my silf, so that Y end my cours, and the mynysterie of the word, which Y resseyuede of the Lord Jhesu, to witnesse the gospel of the grace of God.

¹³ Thanne Poul answeride, and seide, What doen ye, wepinge and turmentinge myn herte? For Y am redi, not oonli to be boundun, but also to die in Jerusalem for the name of the Lord Jhesu.

⁵ And hope confoundith not, for the charite of God is spred abrood in oure hertis bi the Hooli Goost, that is youun to vs.

¹³ Nether yyue ye youre membris armuris of wickidnesse to synne, but yyue ye you silf to God, as thei that lyuen of deed men, and youre membris armuris of riytwisnesse to God.

¹⁹ Y seie that thing that is of man, for the vnstidefastnesse of youre fleisch. But as ye han youun youre membris to serue to vnclennesse, and to wickidnesse `in to wickidnesse, so now yyue ye youre membris to serue to riytwisnesse in to hoolynesse.

¹⁹ For the abidyng of creature abidith the schewyng of the sones of God.

³³ as it is writun, Lo! Y putte a stoon of offensioun in Syon, and a stoon of sclaundre; and ech that schal bileue `in it, schal not be confoundid.

¹ Therfore, britheren, Y biseche you bi the mercy of God, that ye yyue youre bodies a lyuynge sacrifice, hooli, plesynge to God, and youre seruyse resonable.

⁷ For no man of vs lyueth to hymsilf, and no man dieth to hymself. ⁸ For whether we lyuen, we lyuen to the Lord; and whethir we dien, we dien to the Lord. Therfor whethir we lyuen or dien, we ben of the Lord. ⁹ For whi for this thing Crist was deed, and roos ayen, that he be Lord bothe of quyke and of deed men.

²⁰ For ye ben bouyt with greet prijs. Glorifie ye, and bere ye God in youre bodi.

³⁴ And a womman vnweddid and maidun thenkith what thingis ben of the Lord, that sche be hooli in bodi and spirit. But sche that is weddid, thenkith what thingis ben of the world, hou sche schal plese the hosebonde.

³¹ Ech dai Y die for youre glorie, britheren, which glorie Y haue in Crist Jhesu oure Lord.

¹⁴ And Y do thankyngis to God, that euere more makith vs to haue victorie in Crist Jhesu, and schewith bi vs the odour of his knowing in ech place; ¹⁵ for we ben the good odour of Crist to God, among these that ben maad saaf, and among these that perischen. ¹⁶ To othere sotheli odour of deth in to deth, but to othere we ben odour of lijf in to lijf. And to these thingis who is so able?

¹⁰ And euere more we beren aboute the sleyng of Jhesu in oure bodi, that also the lijf of Jhesu be schewid in oure bodies.

¹⁵ And Crist diede for alle, that thei that lyuen, lyue not now to hem silf, but to hym that diede for hem, and roos ayen.

¹⁴ And if Y gloriede ony thing anentis hym of you, Y am not confoundid; but as we han spoke to you alle thingis, so also oure glorie that was at Tite, is maad treuthe.

⁸ for as he is Cristis, so also we. For if Y schal glorie ony thing more of oure power, which the Lord yaf to vs in to edifiyng, and not in to youre distruccioun, Y schal not be schamed.

¹⁹ that word be youun to me in openyng of my mouth, with trist to make knowun the mysterie of the gospel, ²⁰ for which Y am set in message in a chayne; so that in it Y be hardi to speke, as it bihoueth me.

¹⁴ that mo of britheren tristinge in the Lord more plenteuously for my boondis, dursten without drede speke the word of God.

²³ But Y am constreyned of twei thingis, Y haue desire to be dissolued, and to be with Crist, it is myche more betere; but to dwelle in fleisch, ²⁴ is nedeful for you.

¹⁷ But thouy Y be offrid or slayn on the sacrifice and seruyce of youre feith, Y haue ioye, and Y thanke you alle.

²⁴ and now Y haue ioye in passioun for you, and Y fille tho thingis that failen of the passiouns of Crist in my fleisch, for his bodi, that is the chirche.

²³ And God hym silf of pees make you hooli bi alle thingis, that youre spirit be kept hool, and soule, and bodi, without pleynt, in the comyng of oure Lord Jhesu Crist.

⁶ For Y am sacrifisid now, and the tyme of my departyng is nyy. ⁷ Y haue stryuun a good strijf, Y haue endid the cours, Y haue kept the feith.

¹⁶ but if as a cristen man, schame he not, but glorifie he God in this name.

¹² For which thing Y schal bigynne to moneste you euere more of these thingis; and Y wole that ye be kunnynge, and confermyd in this present treuthe. ¹³ Forsothe Y deme iustli, as long as Y am in this tabernacle, to reise you in monesting; and Y am certeyn, ¹⁴ that the putting awei of my tabernacle is swift, bi this that oure Lord Jhesu Crist hath schewid to me. ¹⁵ But Y schal yyue bisynesse, and ofte after my deth ye haue mynde of these thingis.

²⁸ And now, ye litle sones, dwelle ye in hym, that whanne he schal appere, we haue a trist, and be not confoundid of hym in his comyng.