Micah 7:13 Cross References - Wycliffe

¹³ And erthe schal be in to desolacioun for her dwelleris, and for fruyt of the thouytis of hem.

³³ forsothe Y schal scatere you in to folkis, ether hethen men, and Y schal drawe out of the schethe the swerd aftir you, and youre lond schal be forsakun, and youre citees schulen be cast doun. ³⁴ Thanne `hise sabatis schulen plese the erthe, in alle the daies of his wildirnesse; whanne ye ben in the lond of enemyes, <sup>35</sup> it schal `kepe sabat, and schal reste in the sabatis of his wildirnesse, for it restide not in youre sabatis, whanne ye dwelliden therynne. ³⁶ And Y schal yyue drede in `the hertis of hem, whiche schulen abide of you, in the cuntreis of enemyes; the sown of a leef fleynge schal make hem aferd, and so thei schulen fle it as a swerd; thei schulen falle, while noon pursueth, ³⁷ and alle schulen falle on her britheren, as fleynge bateils; no man of you schal be hardi to ayenstonde enemyes; ³⁸ ye schulen perische among hethen men, and the lond of enemyes schal waaste you. ³⁹ That if summe of these Jewes dwellen, thei schulen faile in her wickidnessis, in the lond of her enemyes, and thei schulen be turmentid for the synne of her fadris,

⁸ Certis rathir Y siy hem, that worchen wickidnesse, and sowen sorewis,

³¹ Therfor thei schulen ete the fruytis of her weie; and thei schulen be fillid with her counseils.

²² The wickidnessis of a wyckid man taken hym; and he is boundun with the roopis of hise synnes.

³¹ Yyue ye to hir of the fruyt of hir hondis; and hir werkis preise hir in the yatis.

¹⁰ Seie ye to the iust man, that it schal be to hym wel; for he schal ete the fruyt of hise fyndyngis. ¹¹ Wo to the wickid man in to yuel; for whi the yeldyng of hise hondis schal be maad to hym.

¹¹ And Y seide, Lord, hou long? And he seide, Til citees ben maad desolat with out dwellere, and housis with out man. And the lond schal be left desert, ¹² and the Lord schal make men fer. And that that was forsakun in the myddil of erthe, schal be multiplied, and yit tithing schal be ther ynne; ¹³ and it schal be conuertid, and it schal be in to schewyng, as a terebynte is, and as an ook, that spredith abrood hise boowis; that schal be hooli seed, that schal stonde ther ynne.

³ Bi distriyng the lond schal be distried, and schal be maad nakid by rauyschyng; for whi the Lord spak this word. ⁴ The erthe morenyde, and fleet awei, and is maad sijk; the world fleet awei, the hiynesse of the puple of erthe is maad sijk, ⁵ and the erthe is slayn of hise dwelleris. For thei passiden lawis, chaungiden riyt, distrieden euerlastynge boond of pees. ⁶ For this thing cursyng schal deuoure the erthe, and the dwelleris therof schulen do synne; and therfor the louyeris therof schulen be woode, and fewe men schulen be left. ⁷ Vyndage morenyde, the vyne is sijk; alle men that weren glad in herte weiliden. ⁸ The ioie of tympans ceesside, the sowne of glad men restide; the swetnesse of harpe with song was stille.

¹⁰ Y am the Lord sekynge the herte, and preuynge the reynes, and Y yyue to ech man after his weye, and aftir the fruyt of his fyndyngis.

¹⁴ And Y schal visite on you bi the fruyt of youre studies, seith the Lord; and Y schal kyndle fier in the forest therof, and it schal deuoure alle thingis in the cumpas therof.

¹¹ And al the lond therof schal be in to wildirnesse, and in to wondring; and alle these folkis schulen serue the king of Babiloyne seuenti yeer.

¹⁹ greet in councel, and vncomprehensible in thouyt, whose iyen ben open on alle the weies of the sones of Adam, that thou yelde to ech aftir hise weies, and aftir the fruyt of hise fyndyngis;

²⁶ After the ende of twelue monethis he walkide in the halle of Babiloyne; ²⁷ and the kyng answeride, and seide, Whether this is not Babiloyne, the greet citee, which Y bildide in to the hous of rewme, in the miyt of my strengthe, and in the glorie of my fairnesse?

¹² For this thing bi cause of you, Sion as a feeld schal be erid; and Jerusalem schal be as an heep of stoonys, and the hil of the temple schal be in to hiye thingis of woodis.

¹³ And Y therfor bigan for to smyte thee, in perdicioun on thi synnes.

²⁰ But whanne ye schulen se Jerusalem ben enuyround with an oost, thanne wite ye, that the desolacioun of it schal neiye. ²¹ Thanne thei that ben in Judee, fle to the mountans; and thei that ben in the mydil of it, gon awei; and thei that ben in the cuntreis, entre not in to it. ²² For these ben daies of veniaunce, that alle thingis that ben writun, be fulfillid. ²³ And wo to hem, that ben with child, and norischen in tho daies; for a greet diseese schal be on the erthe, and wraththe to this puple. ²⁴ And thei schulen falle bi the scharpnesse of swerd, and thei schulen be led prisoneris in to alle folkis; and Jerusalem schal be defoulid of hethene men, til the tymes of naciouns be fulfillid.

⁷ Nyle ye erre, God is not scorned; ⁸ for tho thingis that a man sowith, tho thingis he schal repe. For he that sowith in his fleisch, of the fleisch he schal repe corrupcioun; but he that sowith in the spirit, of the spirit he schal repe euerelastynge lijf.