Matthew 2:4 Cross References - Wycliffe

⁴ And he gaderide to gidre alle the prynces of prestis, and scribis of the puple, and enqueride of hem, where Crist shulde be borun.

⁴ and the sones of Eleazar weren founden many mo in the men princes, than the sones of Ythamar. Forsothe he departide to hem, that is, to the sones of Eleazar, sixtene prynces bi meynees; and to the sones of Ythamar eiyte prynces bi her meynees and howsis. ⁵ Sotheli he departide euer eithir meynees among hem silf bi lottis; for there weren princes of the seyntuarye, and princes of the hows of God, as wel of the sones of Eleazar as of the sones of Ithamar. ⁶ And Semeye, the sone of Nathanael, a scribe of the lynage of Leuy, discriuede hem bifore the king and pryncis, and bifor Sadoch, the preest, and Achymelech, the sone of Abiathar, and to the prynces of meynees of the preestis and of the dekenes; he discriuyde oon hows of Eleazar, that was souereyn to othere, and `the tother hows of Ithamar, that hadde othere vndir hym. ⁷ Forsothe the firste lot yede out to Joiarib, the secounde to Jedeie, ⁸ the thridde to Aharym, the fourthe to Seorym, ⁹ the fyuethe to Melchie, ¹⁰ the sixte to Maynan, the seuenthe to Accos, ¹¹ the eiythe to Abia, the nynthe to Hieusu, the tenthe to Sechema, the elleuenthe to Eliasib, ¹² the tweluethe to Jacyn, ¹³ the thrittenthe to Opha, the fourtenthe to Isbaal, ¹⁴ the fiftenthe to Abelga, the sixtenthe to Emmer, ¹⁵ the seuententhe to Ezir, the eiytenthe to Ahapses, the nyntenthe to Pheseye, ¹⁶ the twentithe to Jezechel, ¹⁷ the oon and twentithe to Jachym, the two and twentithe to Gamul, the thre and twentithe to Dalayam, ¹⁸ the foure and twentithe to Mazzian. ¹⁹ These weren the whilis of hem bi her mynysteries, that thei entre in to the hows of God, and bi her custom vndur the hond of Aaron, her fadir, as the Lord God of Israel comaundide.

¹³ Sotheli ouer them that baren birthuns to dyuerse vsis weren the scribis, and maistris of the dekenes, and porteris.

¹⁵ And he seide to Saphan, the writere, Y haue founde the book of the lawe in the hows of the Lord.

¹⁴ But also alle the princes of preestis and the puple trespassiden wickidli, bi alle abhomynaciouns of hethene men; and thei defouliden the hows of the Lord, which he halewide to hym silf in Jerusalem.

⁶ and he was a swift writere in the lawe of Moises, which the Lord God of Israel yaf; and the kyng yaf to hym al his axyng, by the goode hoond of his Lord God on hym.

¹¹ Sotheli this is the saumpler of the pistle of the comaundement, which the kyng Artaxerses yaf to Esdras, preest, writere lerud in the wordis and comaundementis of the Lord, and in hise cerymonyes in Israel. ¹² Artaxerses, kyng of kyngis, desirith helthe to Esdras, the preest, moost wijs writere of the lawe of God of heuene.

⁵ Therfor Esdras roos, and chargide greetli the princes of prestis, and of dekenes, and of al Israel, to do after this word; and thei sworen.

⁷ these weren the princes of prestis `and her britheren, in the daies of Josue.

² The kyngis of erthe stoden togidere; and princes camen togidere ayens the Lord, and ayens his Crist?

⁸ Hou seien ye, We ben wise men, and the lawe of the Lord is with vs? Verili the fals writyng of scribis wrouyte leesyng.

⁷ For the lippis of a prest kepen science, and thei schulen ayen seke the lawe of `the mouth of hym, for he is an aungel of the Lord of oostes.

²⁹ for he tauyte hem, as he that hadde power, and not as the scribis `of hem, and the Farisees.

⁵² He seith to hem, Therfor euery wise man of lawe in the kyngdom of heuenes, is lijk to an hosebonde man, that bryngith forth of his tresoure newe thingis and elde.

¹⁵ But the princis of prestis and scribis, seynge the merueilouse thingis that he dide, and children criynge in the temple, and seiynge, Osanna to the sone of Dauid, hadden indignacioun,

²³ And whanne he cam in to the temple, the princis of prestis and elder men of the puple camen to hym that tauyte, and seiden, In what power doist thou these thingis? and who yaf thee this power?

³ Than the princes of prestis and the elder men of the puple were gaderid in to the halle of the prince of prestis, that was seid Cayfas,

⁴⁷ Yit the while he spak, lo! Judas, oon of the twelue, cam, and with hym a greet cumpeny, with swerdis and battis, sent fro the princis of prestis, and fro the eldre men of the puple.

¹ But whanne the morowtid was comun, alle the princis of prestis, and the eldre men of the puple token counsel ayens Jhesu, that thei schulden take hym to the deeth.

³¹ And he bigan to teche hem, that it bihoueth mannus sone to suffre many thingis, and to be repreued of the elder men, and of the hiyest prestis, and the scribis, and to be slayn, and aftir thre dayes, to rise ayen.

¹⁹ And the princis of prestis, and scribis, souyten to leye on hym hoondis in that our, and thei dredden the puple; for thei knewen that to hem he seide this liknesse.

¹⁰ And the princis of preestis and the scribis stoden, stidfastli accusynge hym.

¹⁰ Jhesus answeride, and seide to hym, Thou art a maister in Israel, and knowist not these thingis?

³² Farisees herden the puple musinge of hym these thingis; and the princis and Farisees senten mynystris, to take hym.

³ And scribis and Fariseis bryngen a womman takun in auoutrye, and thei settiden hir in the myddil,

³ Therfor whanne Judas hadde takun a cumpany of knyytis, and mynystris of the bischopis and of the Fariseis, he cam thidur with lanternys, and brondis, and armeris.

⁵ And amorewe it was don, that the princis of hem, and eldre men and scribis weren gadirid in Jerusalem;

¹² And so thei moueden togidere the puple, and the eldre men, and the scribis; and thei rannen togidre, and token hym, and brouyten in to the counsel.

⁹ And a greet cry was maad. And summe of Farisees rosen vp, and fouyten, seiynge, We fynden no thing of yuel in this man; what if a spirit, ether an aungel spak to hym?